Luka 15:25 - Kifuliiru

²⁵ «Ku kyekyo kyanya, mukulu woꞌyo mwana âli ki riiri iwa ndalo. Neꞌri akafulukaga, anayuvwa ha mwabo kwaꞌbandu bakola mu yimba noꞌkukina.

Luka 15:25 Referans Kwoze

Zaburi 150:4

Munakizi múhuuza na mu kukina, iri munalasa ingoma. Munakizi múhuuza mu kulasa imiteera-teera neꞌbinanda.

Luka 7:32

Si bali nga baana ábabwatiiri mu kaguliro bagweti bagashomborozania, ti: “Si tukamùlakiza umuteera-teera, mutanakina! Neꞌkyanya tukamùyimbira ulwimbo lwaꞌmaganya, mutanalira!”

Yeremiya 31:4

E Bahisiraheeri! Ngashubi mùyubakulula, halinde munabe kaaya ákalimbiri. Mugashubi yabiira zirya ngoma ziinyu, munagendi shambaalira kuguma naꞌbandi, iri munatamba.

Mwigiriza 3:4

Hali ikyanya kyoꞌkulira, na kyoꞌkushubi sheka. Hali ikyanya kyoꞌmwizingeerwe, na kyoꞌkushubi kina.

Zaburi 149:3

Mukizi yivuga iziina lyage mu kukizi likinira. Mukizi lihuuza mu kulasa ingoma, kiri neꞌnzeeze.

Zaburi 126:1

Luli mu yimbwa na ábali mu zamuukira i Yerusaleemu. Ikyanya twâli ki shwesirwi mu mbohe i mahanga, Nahano anashubi tugalulira i Sayuni. Twâli riiri nga tukola mu loota ibirooto.

2 Samweri 6:14

Ku yikyo kyanya, uyo Dahudi âli kenyiiri ikangaata lyoꞌbugingi mu kibuno, anakizi tambira Nahano neꞌmisi yage yoshi.

Kulyoka 15:20

Lyeryo, umuleevi Miryamu, mwali wa Harooni, anayabiira iminjegere. Abaabo bakazi, nabo banamúgombera neꞌgindi, banatondeera ukukina.

Zaburi 30:11

E Nahano, unyuvwirize, unambonere ulukogo. Undabaale, maashi!»

Luka 15:24

«“Mukuba, uyu mwana wani ashubi teeresiri. Haliko yono, keera aboneka. Na kundu atákola nga akoli fwiri, haliko akiri mugumaana.” Yabo booshi, banatondeera ukushambaalira kuguma.

Luka 15:26

Anahamagala muguma mu bakozi baabo, anamúbuuza: “Ewe! Biki íbiri hano?”