Luka 15:20 - Kifuliiru

²⁰ «Kwokwo, uyo mwana analyokaga yaho, anagalukira imwa yishe. Neꞌri akaba akola mu yegeera ha kaaya, yishe anamúlangiiza, yoho wee! Anamúyuvwirwa indengeerwa. Uyo yishe, anayami tibitira imunda ali, anamúhoobera, iri anamúnyunyuguta.

Luka 15:20 Referans Kwoze

Zaburi 86:5

E Nahano, uli mwija, unali mu kogana. Ngiisi ábagweti bagakutabaaza, ubakuuziri bweneene.

Zaburi 86:15

Kundu kwokwo, e Nahano, uli mu kizi kejererana, unali woꞌlukogo. Utali mu yami yagalwa duba, si uyamiri uli mu kundana, unali woꞌkuli.

Bahefeso 2:13

Kundu mwâli tuuziri hala ngana na Rurema, haliko buno, mukola hoofi lyage mu kati ka Yesu Kirisito. Mukuba, umuko gwa Kirisito, keera gukayoneka hiꞌgulu liinyu.

Hisaaya 49:15

Nanga! Nahano adetaga kwokuno: «Ka byangaziga kwoꞌmukazi angayibagira umwana wage waꞌkalenge, anakiri kwiꞌbeere? Si ye kamúbuta! Aaho! Ka angaleka ukumúyuvwirwa indengeerwa? Na kundu angagira mbu amúyibagire, haliko, niehe ndâye mùyibagire.

Ndondeko 33:4

Halikago, Hesahu anakwabaduka, anagendi músanganira. Neꞌri akahika ho ali, anamúhoobera, anamúnyunyuguta. Bombi, banayami tulikira mu malira.

Bahefeso 2:17

Kirisito akayiji menyeesania Imyazi Miija kwaꞌBayahudi bangalonga umutuula, bwo bâli riiri hoofi na Rurema. Kiri naꞌbandu beꞌgindi milala, nabo bangagilonga, kundu bâli ki riiri hala.

Yeremiya 31:20

Nahano adetaga kwokuno: «Hifurahimu ye fula yani, ninamúkuuziri bweneene. Na kundu ngiri mu múkambira, haliko na njubi kizi múyidula. Umutima gwani, gumúshengukiiri ngana-ngana, na ndoziizi ukumúkejeerera.

Hisaaya 57:18

Yago mabi go bâli kizi gira, keera nꞌgagabona. Kundu kwokwo, ngabakiza, na ngizi barongoora. Bwo bakola mu lira, ngakizi baholeeza,

Ndondeko 46:29

Yusefu analingikania igaare lyage lyoꞌkubululwa neꞌfwarasi, anagenda yo, gira agendi sanganira yishe. Yusefu, mbu amúbonage, anamúhoobera. Yusefu, anamala ikyanya kingi amúhobiiri, iri analira.

Ndondeko 45:14

Lyeryo, Yusefu anayimuka, anahoobera mulumuna wage wa Binyamiini. Bombi banayami tulikira mu malira.

Mikolezi 20:37

Ha nyuma, booshi banakizi múhoobera, iri banakizi múnyunyuguta mu kati keꞌmigenge.

Mikolezi 2:39

Mukuba, umuhango gwo Nahano Rurema witu akatulagaania, gulyagagi imwinyu. Guli neꞌmwa baana biinyu. Guli neꞌmwaꞌbandi booshi ábali hala, na ngiisi bo agaki hamagala.»

Hosheya 11:8

«E Bahisiraheeri, ka byanganzigira kwo nimùjande? Kutagi kwo nangamùbiika mu maboko gaꞌbagoma? Ka mubwini kwo nangamùshereeza, nga kwo nâli shereziizi akaaya keꞌHadima? Ka nangamùhongolera akaaya, nga kwo nꞌgahongola akaaya keꞌSeboyimu? Nanga maashi! Umutima gwani, gutaki yisiri mu nda! Na ngweti ngamùyuvwirwa indengeerwa bweneene.

2 Samweri 14:33

Yohabu anayimuka yaho, anagenda imwa mwami, anamúganuulira ngiisi kwo Habusalumu akamúbwira. Lyeryo, mwami anahamagala Habusalumu. Neꞌkyanya Habusalumu akahika, anafukama imbere lya mwami, anahisa amalanga haashi. Mwami anayami múnyunyuguta.

Luka 15:19

Ndanakwiriiri ukudetwa kwo ndi mugala wawe. Ungirage naaho mbe muguma wa mu bakozi baawe.”

Luka 15:21

Uyo mwana, anabwira yishe: “E daata, nꞌgahubira Rurema, na naawe kwakundi! Ndanaki kwiriiri ukudetwa kwo ndi mugala wawe.”