Luka 12:58 - Kifuliiru

⁵⁸ Umulezi wawe, ikyanya aki gweti agakutwala iwa kutwirwa ulubaaja, umúyigonge bweneene ku kyanya mukiri mu njira. Buzira kwokwo, hali ikyanya angakukululira imbere lyoꞌmutwi weꞌmaaja. Naye anakubiike kwoꞌmupolesi, gira akufunde mu nyumba yeꞌmbohe.

Luka 12:58 Referans Kwoze

Mataayo 18:30

Kundu kwokwo, ulya wabo analahira, anagendi múshwekeesa mu nyumba yeꞌmbohe, anabeere mwomwo, halinde ukuhisa ku kyanya agayishula.

Hisaaya 55:6

Ugirage umwete gwoꞌkulooza Nahano, ku kyanya akiri mu boneka. Unamúhuune ubutabaazi, bwo akiri hoofi-hoofi.

2 Bakorindo 6:2

Rurema yenyene akadeta: «Ku kyanya íkyâli kwaniini, nꞌgakuyuvwa. Ku lwolwo lusiku, nꞌgakukiza, nanakutabaala.» Yikyo kyanya íkikwaniini, namùbwira kwo kiryagagi zeene. Ee! Ulusiku lwa zeene, lwo mwangakizibwa kwo!

Zaburi 50:22

«Buno, mukoli nyibagiiri. Aahago! Yaga magambo gaani, mutee gayisaliza kwo. Buzira kwokwo, ngamùjanganula-janganula, ndaanaye úgaki mùkiza.

Zaburi 32:6

Kwokwo, ngiisi úkuyemiiri, akwaniini akizi kuhuuna, ku kyanya wangaki boneka. Iri angagira kwokwo, kundu agaaba abindikiirwi naꞌmakuba nga mwijulire, haliko gatagaki múdukiira.

Hayubu 23:7

Mukuba, abandu boꞌkuli, bo bangamúganuuza bwija. Kwokwo, bwo Rurema ali mutwi weꞌmaaja zaani, agazindwira kwo ndagweti buhube, ndanâye ki legwe.

Hayubu 22:21

«E maashi Hayubu, buno uyibiikage haashi imbere lya Rurema, lyo uba noꞌmutuula, unakizi genduukirwa.

Bwigule 20:7

Iyo myaka kihumbi, mango ikwiraga, Shetaani agashwekuulwa mu nyumba yage yeꞌmbohe.

1 Peturu 3:19

Na ku bushobozi bwoꞌmutima gwage, anagendi yigiriza igambo lya Rurema imweꞌmitima íyâli shwesirwi mu nyumba yeꞌmbohe.

2 Peturu 1:15

Kyo kitumiri yaga magambo, ngakizi gira umwete gwoshi gwoꞌkumùkengeeza go. Kwokwo, ikyanya ngaaba keera nafwa, mukalonge ukukizi gakengeera.

Yuda 1:3

E bakundwa baani! Ndákola noꞌmwete gwoꞌkumùyandikira amaruba hiꞌgulu lyoꞌbukize bwitu tweshi. Halikago buno, bikoli ngwiriiri ndee mùyandikira yaga magambo hiꞌgulu lyoꞌkumùsikamya. Kwokwo, lyo mulonga ukulwira ubwemeere bwo Rurema akasikiiriza abandu baage. Yubwo bwemeere, mukabusikiirizibwa lyerirya liguma naaho. Kukanaba ku lwoshi.