Luka 11:40 - Kifuliiru

⁴⁰ Si mulyagagi bahwija! Ikyanya Rurema akabumba i mugongo, ka atakabumba na mu nda?

Luka 11:40 Referans Kwoze

Luka 12:20

«Kundu kwokwo, Rurema anayiji múbwira: “Ewe! Ulyagagi muhwija! Si mu bushigi bwa zeene, lyo ugaafwa! Aahago! Yibyo bindu byoshi byo wayilundira, bigaaba byeꞌmwa nyandi?”»

1 Bakorindo 15:36

Yibyo bibuuzo, biri bya buhwija! Si imbuto zo muli mu byala zitangazuuka, zítazi ba nga zafwa!

Mataayo 23:26

E Bafarisaayo! Si muhumiri! Mutee yeruusa munda lyoꞌrusoozo, lyeꞌmugongo nayo iba nyeeru!

Baheburaniya 12:9

Badaata, ikyanya bâli kizi tuhana, twâli basimbahiri. Aahago! Ka itali yo haahe kwo tukwiriiri tukizi simbaha na Daata weꞌmitima yitu, gira lyo tuba bagumaana!

Luka 24:25

Yesu anababwira: «Si mulyagagi bahwija! Neꞌmitima yinyu, iki kubisirwi! Ngiisi íbikadetwa naꞌbaleevi, mutabiyemiiri!

Mataayo 23:17

Nanga, maashi! Si muli bahwija, munahumiri! Aaho! Biki íbikuliiri ibyabo? Keꞌyo nooro íri ku nyumba ya Rurema, kandi iri inyumba yonyene? Si irya nyumba, ye tumiri iyo nooro ikola ndaluule!

Zakariya 12:1

Nahano anadeta igindi ndumwa hiꞌgulu lyaꞌBahisiraheeri kwokuno: «Nie Nahano nꞌgatabika igulu, nꞌganabiika indaliro zeꞌkihugo. Na kwakundi, nie gweti ngakizi biika umundu mwoꞌbugumaana.

Yeremiya 5:21

Si mulyagagi bahwija, munali bizeeze! Aaho! Mundegage amatwiri. Kundu muhiiti amasu, si mutabwini! Na kundu muhiiti amatwiri, si mutayuvwiti.»

Migani 8:5

E bahwija, mukizi longaga ubwitegeereze. E bizeeze, mukizi sobanukirwa.

Migani 1:22

«E bizeeze, mugayama muli nga baana baanuke, halinde mangoki? Mugakizi honyolezania, halinde lusiku luhi? Kaꞌbahwija bagagenderera naaho ukugayiriza ubwitegeereze?

Zaburi 33:15

Mukuba, ye kabumba imitima yaꞌbandu booshi. Ye nali mu yitoneesa ku byoshi byo bali mu gira.

Zaburi 14:1

Imwoꞌmwimangizi waꞌbimbi. Izaburi ya Dahudi. Ngiisi ábalahiiri kwo Rurema ndaaye, bali bahwija ngana-ngana. Ee ma! Yabo bandu, bakoli sherebiiri. Ngiisi byo bagweti bagaagira, bikoli bihuusiri. Mu kati kaabo, ndaaye úli mu gira amiija.

Muharuuro 16:22

Haliko, Musa na Harooni banagwa buubi, banayamiza, ti: «E Rurema, si we mu tuma abandu booshi bali bagumaana! Aahago! Ka ugayami rakarira abandu booshi, anali mundu muguma naaho ye kakuhubira?»

Ndondeko 2:7

Mu luvu, mwo Nahano Rurema akabumba umushosi, anamúfuuhira umuuka mu mazuulu. Uyo mushosi, anaba kiremwa kigumaana.

Ndondeko 1:26

Ha nyuma, Rurema anashubi kyula: «Tubumbage abandu, babe nga ngiisi kwo tuli, halinde batushushe. Babe batwali beꞌkihugo na íbikiri mwo byoshi, ngeꞌfwi, noꞌtunyuni, neꞌbitugwa, neꞌbizimu, na íbiri mu yibulula.»