Luka 1:53 - Kifuliiru

⁵³ Abanamwena nabo, keera akabayigusa neꞌbiija. Si abagale, boohe, akabayimula maboko mamaata.

Luka 1:53 Referans Kwoze

Luka 6:21

Muhiriirwi, mwe muli noꞌmwena buno! Mugaki yiguta. Muhiriirwi, mwe mugweti mugaalira buno! Mugaki sheka.

Zaburi 34:10

Mwe bandu ba Nahano, mukizi músimbaha. Mukuba, ngiisi ábamúsimbahiri, ndaabyo babuziri.

Luka 6:24

Haliko mwe bagale, yayewe imwinyu! Ubwinyu buholeeze, keera mwabulonga.

Mataayo 5:6

Bahiriirwi, ábali noꞌmwena neꞌnyoota ku bikwaniini imbere lya Rurema! Boohe, Rurema agaki bayigusa.

1 Bakorindo 1:26

E beene witu! Mukizi kengeera ngiisi kwo mwâli riiri ku kyanya Rurema akamùhamagala. Mu kati kiinyu, mutâli riiri abandu bingi ábâli kizi detwa mu kihugo kwo banabwenge. Mutanâli riiri naꞌbagangambale bingi, kandi iri abanalushaagwa bingi.

Yohana 6:35

Yesu anababwira kwokuno: «Niehe, nie mukate úguli mu leeterana ubulamu. Umundu, iri angayija imwani, ananyemeere, atâye ki shalike, atanâye kinyooterwe.

1 Samweri 2:5

Balya ábâli yigusiri, buno bakola mu kolerana, mbu lyo balonga byo bagaalya. Si ábâli shalisiri boohe, buno bakoli yigusiri. Úshuba ngumba, keera abuta abaana balinda. Si ulya útágweti abaana bingi, akola kiguli-guuli.

1 Bakorindo 4:8

Bikoli bonesiri kwo keera mukalonga byoshi íbimùgooziri! Keera mwanagala! Munakola baami! Mbu na twehe, tutali mu bwami bwinyu! Yehee! Nangaloziizi kwo mwangabiiri baami nirizina, gira lyo tukalonge ukutwala kuguma!

Hezekyeri 34:29

Bigamenyeekana hooshi, ngiisi kweꞌndalo zaabo zikoli yeziri bweneene! Kwokwo, abandu baani batâye ki shubi minikwa noꞌmwena. Batanâye ki honyolezibwe neꞌbinyamahanga.

Zaburi 146:7

Ngiisi ábakandamiirwi, ali mu kizi baheereza íbibakwaniini. Na ngiisi ábashalisiri, ali mu baheereza ibyokulya. Na ábashwesirwi mu mbohe, ali mu bashwekuula.

Luka 1:54

Keera akatabaala umukozi wage Hisiraheeri, anakengeera ukukizi kejeerera