Luka 1:48 - Kifuliiru

⁴⁸ Mukuba, kundu ndyagagi mugunda, haliko angengeera, nie mukozi wage. Noꞌkulyokera buno, abandu beꞌbibusi byoshi, bagakizi ndeta kwo ndi muhiirwa.

Luka 1:48 Referans Kwoze

Zaburi 138:6

E Nahano, kundu we riiri hiꞌgulu lya byoshi, haliko uyamiri uli mu tanduula abatuudu. Si abanabwikangaate boohe, uli mu bamenyera ku hala.

Malaki 3:12

Ku yikyo kyanya, amahanga gooshi gagakizi deta kwo muhiriirwi. Ikihugo kiinyu kigasimiisa ngana-ngana!»

1 Samweri 1:11

Ikyanya âli gweti agamúhuuna, anabiika indahiro kwokuno: «E Nahano woꞌbushobozi bwoshi, nie mukozi wawe, ngweti ngalibuuka bweneene. Iri wanganyuvwirwa indengeerwa, utayibagire ukumbeereza umwana woꞌbutabana. Uyo mwana, ngakutangira ye, anakizi kukolera mu burambe bwage bwoshi, atanâye begwe.»

Luka 11:27

Iri Yesu akaba akiri mu bwira abandu kwokwo, mukazi muguma anayitalukiza mu kudeta: «E waliha, ahiriirwi, umukazi úkakubuta, anakuyoza!»

Zaburi 136:23

Ikyanya twâli kizi gayirizibwa, anatukengeera. Urukundo lwage, luyamiri ho, halinde imyaka neꞌmyakuula.

Luka 1:42

anayami detaga kwiꞌzu lihamu kwokuno: «E Maryamu, mu bakazi booshi, wehe, we gashaniirwi! Noꞌmwana ye ugaabuta, naye agashaniirwi!

Luka 1:28

Uyo muganda Gabulyeri, anayiji múbwira kwokuno: «E Maryamu, nakulamusa! We gashaniirwi bweneene. Nahano, muyamiinwi.»

Hisaaya 66:2

Yibyo byoshi, ka ndali nienyene nie kabibumba? Ee! Birya byoshi, biri byeꞌmwani.» Nahano adetaga na kwokuno: «Umundu úli mu nzimiisa naaho, ali ulya mutuudu, anabe anzimbahiri. Ikyanya ndi mu múbwira igambo, anayami lishishikala kwo.

2 Samweri 7:8

«Uyo mukozi wani Dahudi, ugendi múbwira kwo Nahano woꞌbushobozi bwoshi adetaga kwokuno: “Nꞌgakulyosa i bungere, imunda wâli kizi shiiba uragiiri ibitugwa, nanakubiika ube mwimangizi waꞌbandu baani, Abahisiraheeri.

1 Samweri 2:8

Abakeni, Nahano ali mu bayinamula mu luvu, na mu munyota-kiiko. Anabayimike, banabwatale kuguma naꞌbatwali. Ikihugo kyoshi, kiri kyeꞌmwage, ye kakitereka ku ndaliro zaakyo.

Ndondeko 30:13

Leya anashubi deta: «Emwe, buhiirwa! Buno, abiitu bakazi bakola bagakizi deta kwo ndi muhiirwa.» Kyanatuma agamúyinika iziina Hasheeri.

Zaburi 102:17

Kalya kaaya keꞌSayuni, ugashubi kayubakulula, unakayerekane mwoꞌbulangashane bwawe.

Zaburi 72:17

Mwami akizi yama alumbuusiri isiku zooshi. Anakizi kengeerwa, halinde ku kyanya izuuba ligaaba likiri ho. Aba mu mahanga gooshi, bakizi gashaanirwa hiꞌgulu lyage, halinde nabo banakizi múgashaanira.

Luka 1:45

Ulyagagi muhiirwa bweneene! Mukuba, ikyanya Nahano akakuheereza umuhango, wanayemeera kwo gugakoleka!»

Luka 1:49

Rurema woꞌbushobozi bwoshi, keera angirira amagambo gaꞌkahebuuza. Iziina lyage, liryagagi litaluule!