Kimombo 4:16 - Kifuliiru

¹⁶ Nahano yenyene ye kabashaabula, atanaki looza ukushubi balola kwo. Kwokwo, yabo bagingi, abandu batanakizi ki bagingika, kiri naꞌbashaaja batanakizi ki simbahwa.

Kimombo 4:16 Referans Kwoze

Kimombo 5:12

Abatwali biitu bakagendi manikirwa ku maboko gaabo. Kiri naꞌbashaaja biitu, bakola mu gayirizibwa.

Baheburaniya 8:9

Kitaganaki ba nga kirya kyo nꞌgatangi nywana na bashokuluza baabo, ku kyanya nꞌgabarongoora noꞌkuboko kwani mu kubalyosa i Miisiri. Mukuba, yikyo kihango kya keera, bakakihongola, kyanatuma ngabajanda. Nie Nahano nie wadeta.

Yeremiya 24:9

Abandu baꞌmahanga gooshi, bagakizi bashomba, iri banabanegura. Ngiisi ho ngabashabulira, abandu bagakizi bashekeereza, iri banabahonyoleza noꞌkubadaaka.

Bukengeeze 32:26

«“Nâli desiri kwo ngabaminika lwoshi-lwoshi, halinde bataki kengeerwe mu kihugo.

Bukengeeze 28:25

«Nahano agaaleka abagoma biinyu bamùhime. Ikyanya mugagendi bateera, mugagenda mu njira nguma. Halikago, ikyanya mugabatibita, mugashabukira mu njira zirinda. Abandu baꞌmaami gooshi geꞌkihugo, ikyanya bagaabona kwokwo, bagayami lenga mweꞌkinyukura.

Yeremiya 15:4

«Yabo Bayuda, abandu baꞌmahanga gooshi bagahuumirwa hiꞌgulu lyabo, bwo mwami Manaasi âli kizi gira ibitalaalwe mu kaaya keꞌYerusaleemu. (Uyo Manaasi âli riiri mugala mwami Hezekiya weꞌBuyuda.)»

Zaburi 106:44

Kundu kwokwo, Nahano anabona amalibu gaabo. Ikyanya bakamúlirira, anakizi bayuvwa,

2 Kutondobola 36:17

Nahano anabiika abandu baage mu maboko ga Nebukandeneza, mwami waꞌBakalidaayo. Ulya mwami, anaminika imisore yabo ku ngooti, kiri na mu nyumba ya Rurema. Ndaanaye mundu ye akakejeerera, aba mushosi, kandi iri mukazi, aba mwana, kandi iri mushaaja.

Ndondeko 49:7

Yubwo buraakari bwabo, bwâli leeziragi ulugero. Kwokwo, mbudaasiri. Ee! Ubute bwabo, nabudaaka ngana-ngana, bwo butali mweꞌndengeerwa. Aba mu bibusi byabo, ngabashabulira mu kihugo kya Hisiraheeri, babe mijande-mijande.

Yeremiya 52:24

Ha nyuma, Nebuzaradani, umukulu waꞌbalaliizi ba mwami, anatwala imbohe umugingi mukulu Seraya, na Sefaniya umugingi wa kabiri, naꞌbakulu bashatu baꞌbalaliizi beꞌnyiivi.

Kimombo 2:6

Ikyanya Nahano akahongola inyumba yage, ikayami yibumbulika haashi, nga kulya ikitunda kiri mu hongolwa mu ndalo. Akayami bayibagiza isiku ngulu, kiri noꞌlusiku lweꞌSabaato. Na bwo âli rakiiri bweneene, anayami lahira mwami wabo, kiri naꞌbagingi.

Zaburi 106:27

Anadetaga kwo agashabulira kiri naꞌbaana baabo mu mahanga, halinde bagendi shumbika mwo.

Hisaaya 24:2

Hatagaki ba ulubibi ha kati koꞌmundu ngana, noꞌmugingi, kandi iri ha kati koꞌmuja, na nahamwabo, kandi iri ha kati koꞌmuja-kazi, na nabuja, kandi iri ha kati koꞌmuguzi, na nakuguza, kandi iri ha kati ka úwakaaba, na úwakaabana, kandi iri ha kati ka úli mu yishuza umwenda, na úli mu guyishuzibwa.

Hisaaya 47:6

Balya bandu baani, nꞌgatee barakarira, nanabahana mu kuleka bagwatwe mu maboko gaawe. Naawe, utanabakejeerera. Kiri naꞌbashaaja mu kati kaabo, wanakizi babetuza imiteekerwa mizito-mizito.

Kimombo 2:20

E Nahano! Lolaga ngiisi kwo ugweti ugalibuza abandu baawe. Si abakazi bakola mu lya abaana baabo, kundu bo bakabayibutira, banabakuuziri bweneene! Emwe! Kiri naꞌbagingi naꞌbaleevi, ka byangaziziragi kwo bayitirwe mu nyumba yawe?

Hezekyeri 5:10

«Abaviire bagakizi lya abaana baabo. Abaana nabo, bagakizi lya ababusi baabo. Ngiisi ábagafuushuka ulufu, ngabashabulira mu mahanga gooshi.