Kimombo 3:14 - Kifuliiru

¹⁴ Abandu baani booshi, bâli kizi njekeereza. Banakizi shiiba bagweti bagambonyoleza, wa honyo!

Kimombo 3:14 Referans Kwoze

Yeremiya 20:7

E Nahano! Si ukandeba, nanayemeera kwo bibe kwokwo. Bwo we mbimiri imisi, ndaakwo kundi. Kwokwo, abandu bakola mu mbonyoleza ubwakya-ubwayira, iri bananjekeereza.

Kimombo 3:63

Ubalolage kwo, maashi! Si bali mu shiiba baganyamiriza naaho, kuba ku kyanya babwatiiri, kandi iri bayimaaziri.

Yeremiya 48:27

E Bamohabu, si mwâli kizi honyoleza Abahisiraheeri! Mwanakizi baharuura nga bakagwatwa mu biso byaꞌbanyazi, mwanabazuugiza amatwe.

Zaburi 137:3

Balya ábakatutwala i mahanga, banakizi looza kwo tubayimbire inyimbo zeꞌYerusaleemu. Ee! Yabo ábâli kizi tushundeeza, bâli loziizi kwo tubashambaaze, banakizi tuhidika, ti: «Mu zirya nyimbo zeꞌSayuni, mutee tuyimbiraga luguma.»

Zaburi 79:4

Buno, yibyo binyamahanga, bikiri mu tuhonyoleza, wa honyo. Bikiri mu tuhonyoleza, iri binatushekeereza.

Zaburi 44:13

Ukatuguliisa, twe bandu baawe, ku bindu biniini naaho. Ee! Si ndaako kamaro ko ukabilonga mwo!