Kimombo 2:3 - Kifuliiru

³ Ikyanya Nahano akashavuraga, anayami vuna-vuna imisi yaꞌBahisiraheeri. Kyo kitumiri abagoma bakabateera, atanatami bashwira mbu abatabaale. Yabo bandu baage, anayami basingoola mu muliro, halinde ikihugo kyabo kyoshi, anakijigiivya.

Kimombo 2:3 Referans Kwoze

Zaburi 74:11

Kituma kiki wafunya ukuboko kwawe kwoꞌbushobozi? Ukulambuule maashi, unabafute-fute, halinde baminikwe.

Hisaaya 42:25

Kyo kikatuma agaturakarira bweneene, anatuleka tuyogogozibwe mwiꞌzibo lyeꞌngunguula. Uburaakari bwage butusokaniini nga ngulumira. Kundu kwokwo, tutazi sobanukirwa. Yubwo buraakari, kundu bukahambiri tujigiivya, si tutaki butwaziizi.

Zaburi 75:10

Haliko niehe, ngakizi yimba inyimbo zoꞌkuyivuga Rurema wa Yakobo, na ngizi múshambaalira imyaka neꞌmyakuula.

Zaburi 75:5

Keera nꞌgabwira abanabwihemye kwokuno: “Muleke ukuyikangaata.” Nanabwira na banangora-mabi: “Mutakizi yiheemya.

Yeremiya 48:25

Yabo Bamohabu, imisi yabo ikoli maziri. Ee! Ukuboko kwabo, keera kwavunika.» Kwokwo, kwo Nahano adesiri.

Zaburi 89:46

Isiku zoꞌbusore bwage, wanaziyofihya kwo, keera wanamúteeza ishoni imbere lyaꞌbandu.

Zaburi 79:5

E Nahano, ka ugayama uturakariiri halinde imyaka neꞌmyakuula? Uluugi lwawe lugagenderera ukuyaka halinde mangoki?

Luka 3:17

Akoli fumbiiti ulwibo, gira ayeruule ibyula mu ngano. Irya ngano, agagikumaniza mu kihinda kyage. Si ibyula byohe, agabiduulika mu muliro, gutanâye zime.»

Luka 1:69

Atuyimangikira Lukiza woꞌbushobozi wa mwiꞌkondo lyoꞌmukozi wage mwami Dahudi.

Yeremiya 21:14

Ngamùhana ngana-ngana, nga ngiisi kwo bimùkwaniini. Na nduulike ulubako lwinyu mwoꞌmuliro, halinde gunasingoole byoshi íbimùsokaniini.» Kwokwo, kwo Nahano adesiri.

Yeremiya 7:20

Rurema Nahamwitu, adetaga kwokuno: «Yaka kaaya, ngakayonera mwoꞌburaakari bwani. Nganabuyonera ku bandu, na ku bitugwa, kiri na ku biti, na ku mimbu. Yubwo buraakari bwani, bugayaka nga muliro, ndaanaye úwangabuhoohya.»

Yeremiya 4:4

Ee maashi! Nga kwo mutengwirwi mu magala giinyu, mutenguulwe na mu mitima yinyu, halinde mukizi kolera Nahano naaho. Buzira kwokwo, ibyaha biinyu bigayasa uburaakari bwage nga muliro, ndaanaye úgaahasha ukubuhoohya!»

Hisaaya 1:31

Mu kati kiinyu, abanamisi bakola bagaaba nga byasi byumu! Imikolezi yabo yoshi, igaaba nga shashala. Balya booshi, kuguma neꞌmikolezi yabo, bagasingookera mu muliro, ndaanaye úgaahasha ukuguzimya.

Zaburi 132:17

Mu yako kaaya, ngayimika mwoꞌmwami wa mwiꞌkondo lya Dahudi. Uyo mwami, nie gamútoola, ninamúsikamye, halinde anakizi ba ngiꞌtara íriyasiri.

Zaburi 89:24

Si yabo bagoma baage, ngabafutira-futira imbere lyage! Ee! Ngabaminika booshi.

Hayubu 16:15

«Ibyambalwa byani, gakoli ba masuuzu. Keera nꞌgayubika amalanga gaani mu luvu.

Bukengeeze 32:22

Uburaakari bwani, buli mu yaka nga muliro, bunali mu yika, halinde i nakwere. Buli mu siriiza íbiri mu mera kwiꞌdaho. Buli mu jigiivya haashi, halinde indaliro zeꞌmigazi.

2 Kutondobola 34:25

Ubute bwani hiꞌgulu lyeꞌYerusaleemu bugakayuuka, butaganaki hooha. Mukuba, yabo bandu keera bakanjanda, banakola mu yokera imigisi umubadu, banakoli nyagaziizi mu kukizi giyibaajira.”

Kimombo 1:13

Nahano akalindimula umuliro ukulyoka mwiꞌgulu, gwanayami njashaata mwo, halinde na mu mavuha. Emwe! Akandega umubashu. Neꞌkyanya gukanganga, anayami ngalula kifudeete. Ananziga mu kahumbwe, ngoli shengusiri.

Kimombo 4:11

Ikyanya Nahano âli koli shavwiri, anayami mwagula uburaakari bwage mu bandu baage. Anayasa umuliro mu kaaya keꞌSayuni, kanajigimba, halinde ku ndaliro zaako.

Hezekyeri 7:14

«Ikibuga kigweti kigadihirizibwa, na booshi banabe ibiringiini. Kundu kwokwo, ndaaye úwangayifunda mwiꞌzibo, mukuba yabo booshi, ngoli barakariiri bweneene.

Hezekyeri 13:13

«Nie Rurema Nahamwinyu, nadeta kwokuno: “Lulya luzitiro lwinyu, ngola ngaluhongola neꞌkihuhuuta, neꞌnvula yoꞌmusiluula, na yoꞌlugungu. Mukuba, ngaaba ngoli rakiiri bweneene.

Nahumu 1:6

Ikyanya Nahano ali mu shavura, nyandagi úwangaki labuka imbere lyage? Uburaakari bwage, ikyanya buli mu ba bukoli yasiri, nyandi úwangaki sigala? Uburaakari bwage, buli mu siriiza ngana-ngana. Kiri naꞌmaala, gagweti gagabereka imbere lyage.