Kimombo 2:17 - Kifuliiru

¹⁷ Yubwo buhanya, bukakoleka nga kwo Nahano âli mali gwanwa abushungika. Kwokwo, kwo akatulagaania, keera anabukwizagya. Akaaya keꞌYerusaleemu, ndaakyo kimino kyo akakayuvwirwa, si akayami kahongola. Buno, abagoma baage bakola mu kahonyoleza, ti honyo! Yabo bagoma baawe, keera akabahemya amatwe!

Kimombo 2:17 Referans Kwoze

Hezekyeri 5:11

Nga kwo nyamiri ho, nie Rurema Nahamwinyu nakyula kwokuno: Bwo keera mukayulubaza inyumba yani, ku njira yoꞌkugibiika mweꞌmigisi, neꞌbindi íbiri mu yagazania, naani ndagaki mùkejeerera, ndaanaye ugatoloboka.

Zaburi 89:42

Abalenga-njira bo bakoli lengi kashahula mweꞌbindu. Abatuulani baako, bakoli gweti bagamúhonyoleza, ti honyo!

Hezekyeri 8:18

Yago mabi gaabo, go gatumiri ngabahana ku buraakari bwani. Naani ndagaki bakejeerera, kandi iri kubalekeerera. Kundu bangandakira kwiꞌzu lihamu, ndagabatwaza.»

Kimombo 1:5

Emwe! Abandu baamwo bâli kizi yidulumbika mu byaha bweneene. Kyo kitumiri Nahano yenyene, akola mu kalibuza. Abagoma keera bakabagwata, banatwala abandu hala bweneene i mahanga. Yako kaaya, buno abagoma bo bakoli katwaziri. Keera bakakashahula mweꞌbindu, binakola mu bagenduukira.

Mika 2:3

Kyo kitumiri Nahano adetaga kwokuno: «Ikyanya mugweti mugaagira amabi, niinyu, ngamùgirira go. Umutego gugamùgwasa, mutanashobole ukuguyifuushula mwo. Mu kugenda, mutagaki yikangaata, si kigaaba kikolaga kyanya kyoꞌkuhuumirwa.»

Hezekyeri 9:10

«Kwokwo, naani ndagaki bakejeerera, kandi iri kubakeerera. Si amabi go bâli kizi girira abandi, go nabo ngakizi bagirira.»

Kimombo 2:8

Nahano akashungika bweneene ngiisi kwo agahongola inzitiro ízizungulusiri akaaya keꞌSayuni. Yizo nzitiro, kundu zâli shuumiri bweneene, zanayami yihongoleka haashi, buu!

Yeremiya 18:11

«Aahago! Yabo batuulaga beꞌYerusaleemu, kiri naꞌbandi Bayuda, ubabwire kwo Nahano adetaga kwokuno: “Keera namùteganulira ubuhanya. Ee! Ngoli mùshungikiiri ubuhanya. Ku yukwo, mutwikirage ku mabi giinyu! Muhinduke ku ngesho ziinyu mbi, munatondeere ukukizi gira amiija.”

Zaburi 38:16

E Rurema Nahamwitu, we mbiisiri kwoꞌmulangaaliro. Aaho! Unjuvyagye!

Zaburi 35:24

E Rurema Nahamwitu, ukizi mbulanira mu kuli kwawe. Utaleke yabo bagoma, kwo bakizi mbonyoleza.

Zaburi 35:26

Ngiisi ábali mu shambaalira amakuba gaani, ubabonie ishoni, halinde bateteerwe. Na ábagweti baganyikangaatira, nabo balonge ishoni, kibe nga kyambalwa, halinde banatibaalirwe.

Hisaaya 14:29

Mwe Bafirisiti mweshi, mwami weꞌHasuriya âli kizi mùkubula ingoni. Uyo mwami, kundu keera akashaajaga, haliko mutashambaale. Si umwana wage agabihuukaga ukuhima yishe. Ee! Mu mutumba gweꞌkihoma, mwo mugavyuka ikindi kikayu. Yikyo kindi, kinabe naꞌmanjoka-njoka, kinakizi mùkoma.

Yeremiya 4:28

Abandu ba mu kihugo, bagaliruuka. Niꞌgulu ligayidika kweꞌkihulu. Keera nakyula, ndanganaki hinduka. Keera nꞌgashungika, kwoshi kwokwo!»

Kimombo 3:43

«Kyo kitumiri uki rakiiri hiꞌgulu liitu, unakola mu tulandiriza, wanatuminika, buzira kutukejeerera.

Kimombo 4:11

Ikyanya Nahano âli koli shavwiri, anayami mwagula uburaakari bwage mu bandu baage. Anayasa umuliro mu kaaya keꞌSayuni, kanajigimba, halinde ku ndaliro zaako.

Danyeri 9:12

Ee! Ikyanya ukatushereeza, lyo ukakoleesa amagambo ágakagwanwa gadetwa hiꞌgulu liitu, kiri na hiꞌgulu lyaꞌbatwali biitu. «“Ngiisi kwo ukahaniiriza akaaya kiitu keꞌYerusaleemu, ndaabo bandi ábakahanwa bukayu mwene kwokwo.

Zakariya 1:6

«Ikyanya nꞌgagwanwa nakengula yabo bashokuluza biinyu ku bigaki yiji ba, byoshi byanakoleka, nga ngiisi kwo nꞌgababwira. Kyanatuma bagatwikira ku ngesho zaabo mbi, banadeta: “Ala twe! Ngiisi kwo Nahano akagwanwa atukengula, kwo byanakoleka. Keera akatuhana, ukukulikirana neꞌngesho ziitu mbi.”»

1 Baami 9:7

haaho, lyo ngashaaza Abahisiraheeri mu kino kihugo kyo nꞌgabaheereza. Kiri neꞌyi nyumba yo nꞌgataluula hiꞌgulu liꞌziina lyani, ngagijanda. Abahisiraheeri bagakizi neenwa, iri banahonyolezibwa neꞌbinyamahanga byoshi.

Zaburi 89:43

Ee! Yabo bagoma baako, keera wabaheereza imisi, babe bihagarusi. Na buno booshi, keera wanabashambaaza.

Yeremiya 40:3

Aaho! Buno, keera agiraga nga kwo akagwanwa adeta. Na íbitumiri kigashereezibwa, bwo mwe Bayuda mweshi mwâli kizi yifunda mu byaha imbere lyage, mutanâli kizi músimbaha.

Sefaniya 1:2

Nahano adetaga kwokuno: «Ngashereeza byoshi íbiri mu kihugo!