Kimombo 2:15 - Kifuliiru

¹⁵ E Yerusaleemu! Ikyanya abagoma bali mu lenga imwawe, bali mu kuhonyoleza, ti honyo! Banali mu kulakiza inguuju, iri banazuuza amatwe gaabo, ti: «Kano kaaya, si bashuba mu deta kwo ko kiija ukuhima utundi twoshi, na kwo kali mu shambaaza abandu mu bihugo byoshi!»

Kimombo 2:15 Referans Kwoze

Yeremiya 18:16

Ikihugo kyeꞌBuyuda, keera bakihindula mushaka. Na ngiisi úli mu kilenga mwo, ali mu zuuza itwe, mu kusoomerwa. Mango kyashereezibwa, bagasoomerwa ngana-ngana!

Zaburi 48:2

Nahano ali mukulu bweneene. Anakwaniini ukukizi huuzibwa mu kaaya keꞌSayuni, kwo kayubasirwi ku mugazi mweru.

Hezekyeri 25:6

«“Nie Rurema Nahamwinyu nadetaga kwokuno: Ikyanya abandu baani bakashereezibwa, mukakizi koma amagasha, iri munatamba ku busiime. Mwanakizi shekeereza Abahisiraheeri bweneene.

Yeremiya 19:8

Kano kaaya, ngakashereeza lwoshi-lwoshi! Ikyanya abandu bagakizi lenga hoofi lyako, banabone ngiisi kwo kasigala biguuka, bagahuumirwa, banasoomerwe.

Zaburi 50:2

Rurema alangashiini bweneene mu kaaya keꞌSayuni. Yako kaaya kaage nako, kabuyahiri ngana-ngana.

Sefaniya 2:15

Yako kaaya keꞌNinaawi, abandu bâli katuuziri mwo ku malega, na mu butoge. Bâli kizi deta, ti: «E balya, si twe tushubi sumbiri abandi bandu booshi!» Aaho! Kuti kuno ukolaga mushaka unakoli ba igomberano lyeꞌnyamiishwa! Ikyanya abandu bagakizi lenga yaho, bagakizi kuhonyoleza, iri banashagania amaboko, mu kukushekeereza.

Hisaaya 64:11

E Nahano, ku yibyo byoshi, ka utagatutabaala? Ka ugagenderera ukuhulika naaho? Ka ugakizi tuhana ukuhima kwo tugaahasha?

Hisaaya 37:22

Nadeta hiꞌgulu lyage kwokuno: Ewe! Abandu beꞌSayuni bagweti bagakunegura lwoshi, banali mu kushekeereza. Ikyanya uli mu shaaga, abandu beꞌYerusaleemu banasigale bagweti bagakuzuugiza amatwe, mu kukugayiriza.

Zaburi 22:7

Halikago buno, ndakiri mundu. Si ngola nga kizimu! Abandu bagweti bagangayiriza, iri banambonyoleza.

Mariko 15:29

Abandu, ikyanya bâli kizi lengaga yaho, banakizi tuka Yesu, iri banashagania amatwe gaabo, banakizi múbwira: «Shoshoo! Ka utali we shuba ugahongola inyumba ya Rurema. Na ha nyuma lyeꞌsiku zishatu, unabe keera kandi wagiyijuza?

Mataayo 27:39

Aboꞌkulenga yaho, banakizi mútukiiriza, iri banashagania amatwe gaabo.

Nahumu 3:19

Keera wakomeresibwa. Na buno naawe, ukola ugafwagaga! Ikyanya abandu bali mu yuvwa ngiisi kwo wahanyagala, bali mu koma amagasha ngana mu kushagaluka. Si hiꞌgulu lyoꞌbulangi bwawe, yabo booshi bâli kizi libuuka. Butakanahooha!

Mika 6:16

Na íbitumiri bigaaba kwokwo, bwo mukoli gweti mugakizi yifunda mu byaha bya mwami Homuri, na mwami Ahabu. Ngiisi byo bagweti bagamùhanuula, byo mugweti mugayami yifunda mwo. Ku yukwo, ngamùleka musherezibwe. E ma! Kundu abandu baki tuuziri mu kaaya kiinyu, halikago, abagoma bagakizi mùshekeereza. Ibinyamahanga bigakizi mùhonyoleza.»

Kimombo 2:16

Nanga, maashi! Abagoma baawe booshi, bakola mu mùfuka akahoogo, banakola mu mùlakiza inguuju, iri banamùhinikira amiino ku buraakari. Banakola mu mùkanukira, ti: «Leero twamùmirangusa. Ee ma! Luno lusiku, twâli kizi lulindirira ku kyedu. Na buno, keera lwahikaga.»

Kimombo 2:6

Ikyanya Nahano akahongola inyumba yage, ikayami yibumbulika haashi, nga kulya ikitunda kiri mu hongolwa mu ndalo. Akayami bayibagiza isiku ngulu, kiri noꞌlusiku lweꞌSabaato. Na bwo âli rakiiri bweneene, anayami lahira mwami wabo, kiri naꞌbagingi.

Kimombo 1:8

Yerusaleemu âli kizi yifunda mu byaha bweneene, na buno, akoli yulubiiri. Kundu âli kizi huuzibwa, halikago leero, akola mu negurwa! Abagoma keera bakabona ngiisi kwo akola bukondwe. Buno, akola mu gongeera, iri anayibisha hiꞌgulu lyeꞌshoni.

Yeremiya 51:37

Akaaya keꞌBabeeri, ngakahindula bibe biguuka, halinde linabe igomberano lyeꞌmirunga. Ikyanya abandu bagaabona kwokwo, bagakanguka. Ndaanaye úgaki katuula mwo.

Yeremiya 29:18

Iyo ngooti, na yiryo ishali, kiri na kirya kiija, ngabikoleesa, mu kubashabulira i mahanga. Neꞌyo munda, ibinyamahanga bigakizi badaaka. Bagakizi banegura, iri banabaneena, noꞌkukizi bahonyoleza, wa honyo!

Yeremiya 25:18

Iyo divaayi, nanatangirira ku batuulaga beꞌYerusaleemu, na ku bandu ba mu tundi twaya tweꞌBuyuda, kiri naꞌbaami naꞌbandi batwali baamwo. Yutwo twaya twoshi, twanasigala mushaka. Ikyanya abandu bakabona kwokwo, banakanguka ngana, banatondeera ukutunegura, iri banakizi tushekeereza, noꞌkutudaaka. Kwokwo, kwo binali, halinde zeene.

Yeremiya 25:9

ngahamagala ibinyamahanga íbiri imbembe, kiri noꞌmukozi wani Nebukandeneza, mwami weꞌBabeeri. Yabo booshi, ngabaleeta bayiji teera kino kihugo kyeꞌBuyuda, kuguma naꞌbatuulaga baamwo, kiri na ábatuuziri ha butambi liinyu. Mweshi kuguma, ngamùzimiiza. Neꞌbihugo biinyu, binasigale mushaka, halinde imyaka neꞌmyakuula. Kwokwo, abandu bagashenguka hiꞌgulu liinyu, banakizi mùnegura.

2 Kutondobola 7:21

«Iyi nyumba, kundu ikiri ya kahebuuza, haliko ha nyuma, ngiisi mundu woꞌkulenga hoofi lyayo, agakizi zuuza itwe, iri anayibuuza, ti: “Maki gano? Kituma kiki Nahano agira ibala mwene yiri mu kino kihugo, na kwiꞌyi nyumba?”

2 Baami 19:21

Kwokwo, ngweti ngaadeta yiri igambo hiꞌgulu lyage kwokuno: Abandu beꞌSayuni bagweti bagakunegura lwoshi, banali mu kushekeereza. Ikyanya uli mu shaaga, abandu beꞌYerusaleemu banasigale bagweti bagakuzuugiza amatwe, mu kukugayiriza.

Zaburi 64:8

Kundu kwokwo, Rurema agayami balasha imyambi, halinde banayibumbulike haashi.

Zaburi 109:25

Abagoma baani bagweti baganyamiriza. Ikyanya bali mu mbona, bali mu kizi zuuza amatwe gaabo.

Hisaaya 28:21

Haaho, Nahano agaaba akoli shavwiri, anakizi lwa, nga kwo akalwa naꞌBafirisiti ku mugazi Perazimu, na nga kwo akalwa naꞌBahamoori mu ndekeera yeꞌGibyoni. Leero, agayiji gira ibya kundi-kundi byo mutashubi langaliiri.

Yeremiya 48:27

E Bamohabu, si mwâli kizi honyoleza Abahisiraheeri! Mwanakizi baharuura nga bakagwatwa mu biso byaꞌbanyazi, mwanabazuugiza amatwe.

Kimombo 1:21

Abandi bayuvwiti ngiisi kwo ngweti ngagongeera. Kundu kwokwo, ndaaye úkangebagana, mbu ayiji mboleeza. Abagoma baani, ikyanya bakayuvwa ngiisi kwo wandibuza, banatondeera ukushambaala. Ewe! Si keera ukatulagaania ulusiku lwaꞌbagoma biitu nabo bagalibuuka kwo! Aaho! Yulwo lusiku, luhikage duba!

Hezekyeri 16:14

Na bwo wâli buyahiri bweneene, imyazi yawe yanayami lumbuuka halinde mu mahanga. Ee ma! Nie kakulimbiisa, halinde wanaba noꞌbulangashane bweneene! Kwokwo, kwo nie Rurema Nahamwinyu ndesiri.

Zaburi 48:3

Emwe! Yugwo mugazi, guli gweꞌmwa Rurema. Guli mula bweneene, gunabuyahiri ngana-ngana. Guli gweꞌmwa mwami mukulu, gunagweti gugashambaaza amahanga gooshi.

Yeremiya 26:6

Kwokwo iyo nyumba yani, ngagishereeza, nga kwo nꞌgashereeza iheema lyeꞌmihumaanano i Shiilo. Iziina lya kano kaaya, abandu baꞌmahanga gooshi bagakizi likoleesa naaho mu kudaakana.”»

Hezekyeri 5:15

«Ngaaba keera namùhaniiriza ku buraakari bweneene, mu kuyagazania. Abagoma biinyu bagakizi mùshekeereza, honyo! Ikyanya bagaabona ngiisi kwo mwahanwa, bagalonga ukukengulwa, iri banahuumirwa. Ee! Bagaabona ngiisi kwo ndi mu hana ikihugo. Kwokwo, kwo nie Nahano ndesiri.

Hezekyeri 16:13

«Kwokwo, wanalimbiisibwa neꞌbikatulwa mu nooro, na mu miringa. Umulondo gwawe, gukalimbiisibwa ngana-ngana, gwanâli gwa kitaani. Wanakizi lya umukate mukande mu mushyano mwija, kiri noꞌbuuki, naꞌmavuta geꞌmizehituuni. Wanaba ukoli buyahiri ngana-ngana, wanayiji ba mwami-kazi.

Hezekyeri 23:32

«Nie Rurema Nahamwinyu nadetaga kwokuno: Urusoozo lwo mukulu wawe akanywa kwo, lwo na naawe ugaanywa. Ee! Yulwo rusoozo luli luhamu, lunali lwa bukunda. Na bwo lukoli yijwiri, abandu booshi bagakuhonyoleza, honyo!

Danyeri 9:16

Yibyo byaha biitu, kuguma noꞌbuligo bwa bashokuluza biitu, byo bitumiri akaaya keꞌYerusaleemu kakola mu kizi gayirizibwa naꞌbandu baꞌmahanga gooshi. Naꞌbandu baawe, bagweti baganegurwa. «“E Nahamwitu! Ukukulikirana na ngiisi kwo uli mu gira íbikwaniini, utaki gwatwe noꞌbute hiꞌgulu liitu. Si akaaya kaawe Yerusaleemu, kali ku mugazi gwawe mweru!