Kimombo 2:11 - Kifuliiru

¹¹ Keera nabululuka bweneene, halinde amasu gaani ganayami konoka. Umutima gwani gutakiri mu yika mu nda. Ikyanya nabona ngiisi kwaꞌbandu baani bagweti bagaminikwa, emwe! Nanayabirwa ukuyihangirira. Si kiri noꞌtuboojo, tukola mu fwira mu njira!

Kimombo 2:11 Referans Kwoze

Kimombo 1:20

E Nahano, langiizagya ngiisi kwo nashenguka bweneene. Umutima gwani, keera gukavunika, gunakoli shengusiri. Ala nie! Keera nꞌgahuna imbere lyawe. Buno mu mitalimbwa, abandu baani bakola mu yitwa ku ngooti. Kiri na mu nyumba, bayiji-yiji naaho kwo bakola bagaafwa.

Kimombo 1:16

Bwo keera nꞌgalonga yago malibu gooshi, ngweti ngaliruuka. Imigenge ikola mu mbunguluka mwo. Ndaaye úwangamboleeza, ndaanaye úwangambeereza ikise. Bwaꞌbagoma bakoli tuhimiri, abaana baani bataki hiiti umulangaaliro.»

Hayubu 16:13

Ee! Ábagweti bagaalasha imyambi, bakoli nzungulusiri. Imyambi yabo, keera yambera amafiko buzira kungejeerera. Indulwe yani, keera bagiyonera haashi.

Yeremiya 4:19

Umutima gwani gukola mu lyana! Gukola mu lyana bweneene! Keera gwanatulagula! Umutima gwani, gugweti gugapuupa-puupa ngana! Si keera nayuvwa ibibuga bikola mu dihirizibwa, kuguma noꞌlujongo lweꞌkiteero. Ku yukwo, ndagaki hulika.

Hisaaya 22:4

Kwokwo, namùbwira: «Abandu baani keera bakashereezibwa. Aahago! Mundeke ngana ndee balirira ku kimombo. Mutandwaze! Mutanagire mbu mumboleeze.»

Zaburi 22:14

Bakoli yashwiri utunwa twabo, nga ndare, banagweti bagalunduma, gira banjanganule.

Zaburi 6:7

Yuku kuliruuka kwani, keera kwanduhya bweneene. Imigenge yani, iri mu hinga nga lwiji. Na ndi mu laala ubushigi bwoshi ngweti ngaalira, iri ninalovya ingingo.

Luka 23:29

Mumenyage bwija, kwo mu siku ízigayija, abandu bagatulagula, ti: “Bahiriirwi, abakazi ábakagumba, batanayoza!”

Yeremiya 44:7

«Ku yukwo, nie Nahano woꞌbushobozi bwoshi, Rurema waꞌBahisiraheeri nadetaga kwokuno: “Si keera mwayikululira gobwe-gobwe! Aahago! Ka muloziizi kwaꞌBayuda booshi bahere? Ka munaloziizi kwo hataki sigale kiri na woꞌmuti, aba mushosi, kandi iri mukazi, kandi iri mwana muto?

Yeremiya 14:17

E Yeremiya, ugendi bwira Abayuda kwokuno: “Ku kasiisa, muli bandu baani, ninamùkuuziri. Kundu kwokwo, keera mukanyanyagwa haashi, munakola bu fwa. Ala nie! Ngakizi mùlirira ubwakya-ubwayira. Ee! Imigenge yani, itagakama.

Yeremiya 8:19

Yuvwagwi ngiisi kwaꞌbandu baani bakola mu lira, kiri na ábali mu mahanga. Bali mu buuza, ti: «Ka Nahano ataki tuuziri mu kaaya keꞌSayuni? Ee! Ye mwami wamwo! Ka atakiri mwo?» Nahano anashuvya: «Aahago! Kituma kiki bakandaakaza, mu kukizi yibaajira imigisi ya íbiri mu yikumbwa mu mahanga, inali ya busha-busha?»

Zaburi 31:9

Ku yikyo kyanya, utakambiika mu maboko goꞌmugoma wani, si ukambisha áhali umutuula.

1 Samweri 30:4

Lyeryo, yabo beene Dahudi banatondeera ukulira bweneene ku kimombo. Emwe! Bakalira, halinde banajagabuka.

Hisaaya 38:14

Nâli gweti ngaalira nga kalembe-rembe, iri na ngongeera nga ngunde. Ngoli luhiri bweneene, mu kukonolera amasu mwiꞌgulu. E Nahamwitu! Keera nashundeera ma! We kongwa we, undabaalage!

Hayubu 30:27

«Kwokwo, umutima gwani gukoli libuusiri, gutanaki yisiri mu nda. Ngoli shungikiirwi ukulibuuka naaho.

Zaburi 38:8

Iningo zeꞌbirumbu byani zikalaliirwi neꞌshuushira. Mu magala gaani, ndaabwo bugumaana úbuli mwo.

Zaburi 119:82

E maashi! Amasu gaani, gakoli fwifwitiiri. Mukuba, ngiisi byo ukandagaania, ndazi bilonga. Na ngweti ngayibuuza: «Ewe! Ugayiji mboleeza mangoki?»

Kimombo 5:17

Imitima yitu ikoli vunisiri. Kiri naꞌmasu giitu gakoli fwifwitiiri.

Hisaaya 51:20

Abaana baawe, Nahano Rurema keera akabarakarira, anabakanukira bukayu. Buno, bakola ngoꞌtusa útwagwatwa mu mutego. Bagweti bagaholera mu njira, banakoli gilambamiri mwo.

Kimombo 1:11

Abandu beꞌYerusaleemu, booshi bakola mu genda bagalooza byo bagaalya, iri banagongeera. Keera bakanatanga ibindu byabo byeꞌkishingo, mbu lyo babilonge, halinde bahembuluke. Banakola mu banda akashiba, ti: «E Nahano, utulolage kwo we kongwa! Si tukola mu negurwa bweneene!»