Kimombo 2:10 - Kifuliiru

¹⁰ Abakulu beꞌSayuni, bakoli yisiri haashi, bali kanyerere! Bakoli yambiiti ibyambalwa byoꞌkugandaara, iri banayitumuulira ulukungu mu matwe. Abanyere beꞌYerusaleemu nabo, bakola mu hunika amatwe hiꞌgulu lyeꞌshoni.

Kimombo 2:10 Referans Kwoze

Hisaaya 3:26

Kwiꞌrembo lyaꞌkaaya, abandu bagakizi liruuka bweneene. Abakazi bagakizi yivuruguuza mu luvu, nga bandu keera ábashahulwa ibindu byabo byoshi.

Hisaaya 15:3

Yabo bandu bakola mu genda mu njira bayambiiti amasuuzu, mu kuyerekana umwizingeerwe. Mu ngiisi nyumba, kiri na mu lubuga lwaꞌkaaya, Abamohabu bakola mu nduulu.

Hamoosi 8:3

Ku yikyo kyanya, abandu bingi bagafwagaga. Kundu bakiri mu gira ikisegengo ha kajumiro, haliko bagaki liruuka. Ibirunda byabo bigakizi kabulirwa bwalaafwe, ndaanaye woꞌkudeta kiri niꞌgambo.» Kwokwo, kwo Rurema Nahamwitu adesiri.

Hezekyeri 7:18

banayambale amasuuzu. Kiri naꞌmatwe gaabo, kwo bali booshi, ganakunguulwe, mu kuyerekana ngiisi kwo bakoli jengiirwi. Amalanga gaabo gagazizibala hiꞌgulu lyeꞌshoni, banakizi teteerwa lwoshi-lwoshi.

Kimombo 3:28

Akizi yika haashi, iri anatuuza, bwo Nahano yenyene, ye mu múbetuza umuteekerwa gwage.

Kimombo 1:4

Injira íziloziri akaaya keꞌSayuni, zikoli jengiirwi. Mukuba, abandu batakiri mu zilenga mwo, mbu bashambaalire isiku ngulu, batanakiri mu lenga mu miryango yako. Abagingi baamwo bakola mu gongeera. Naꞌbanyere bakola mu bululuka. Kalya kaaya, kakola mu gooka ngana!

Kimombo 1:1

Mu mahanga gooshi, akaaya keꞌYerusaleemu ko kâli kizi huuzibwa bweneene. Haliko buno, kakola nga namufwiri. Yako kaaya kâli yijwiri mwaꞌbandu bingi, si buno keera kasiba lwoshi. Mu tundi twaya, kundu ye wâli muluzi-nyere, si buno, kakolaga muja-kazi naaho.

Hisaaya 47:1

Nahano adetaga kwokuno: «E Babeeri, ugoke, unayibwandalike mu luvu. Utakiri mwami, utanâye ki huuzibwe mbu ubuyahiri, kandi iri mbu unonosiri.

Yoshwa 7:6

Yoshwa, naꞌbashaaja baꞌBahisiraheeri, banayami daatula ibyambalwa byabo ku mwizingeerwe. Banakizi yifuka ulukungu mu matwe, iri banagwa buubi imbere lyaꞌKajumba ka Nahano, banabeera haaho, halinde kabigingwe.

Bwigule 18:19

Yabo booshi, bagayitumuulira ulukungu mu matwe gaabo, iri banabululuka ku kimombo. Banayamize kwokuno: «Yayewe imwawe! Yayewe imwawe, e kaaya kahamu! Ikyanya beene amashuba booshi bâli kizi koleesa amashuba gaabo mu nyaaja, bâli kizi galira ku bugale bwako. Halikago, ku kino kihe kiguma naaho, keera kano kaaya kayami shereezibwa lwoshi!»

Hamoosi 8:13

«Yulwo lusiku, abanyere, kundu bagaaba banonosiri, inyoota igabayandabusa. Igayandabusa kiri neꞌmisore mitabana kwakundi.

Hamoosi 5:13

Ku kyanya kibi nga kyekino, ndaakwo kundi! Umwenge, ali mu hulika ngana.

Yuheeri 1:8

Kwokwo, mulirage! Mukizi ba ngoꞌmunyere úgweti úgabululuka mu kigandaaro kyeꞌshasha yage.

Hezekyeri 27:31

Amatwe gaabo, bagagakunguula hiꞌgulu lyawe, banayambale amasuuzu ku mwizingeerwe. Banabululukage ku kimombo, iri banashenguka.

Kimombo 5:14

Abashaaja batakiri mu kuumana, mbu bashubi hanuulana. Kiri neꞌmisore itakiri mu yimba.

Kimombo 5:12

Abatwali biitu bakagendi manikirwa ku maboko gaabo. Kiri naꞌbashaaja biitu, bakola mu gayirizibwa.

Kimombo 4:16

Nahano yenyene ye kabashaabula, atanaki looza ukushubi balola kwo. Kwokwo, yabo bagingi, abandu batanakizi ki bagingika, kiri naꞌbashaaja batanakizi ki simbahwa.

Kimombo 4:5

Yaho kare, balya bandu baawe bâli kizi yambala imirondo yoꞌmulimbo, banâli kizi lya ibyokulya binunu-binunu. Halikago zeene, bakoli shalisiri mu njira, banakola mu genda bagalooza ibyokulya i matongo.

Yeremiya 8:14

Abandu ba Rurema banabuuza: «E balya, kituma kiki tuki bwatiiri hano? Leka tugendi yingira mu twaya tuzitire, mube mwo tugaafwira. Si keera tukahubira Rurema Nahamwitu! Keera anatwa uluhango, kwo atuminike. Keera atuheereza amagoloovi ágali mwo kolobwe, mbu tunywe.

Hisaaya 47:5

«Haliko wehe, e kaaya keꞌBabeeri! Utâye ki buuzibwe Mugoli waꞌmaami. Si ukizi bwatalaga mu kihulu, buzira kudeta.

Hisaaya 36:22

Ha nyuma, Heryakimu mugala Hirikiya, umwimangizi waꞌkajumiro, na Sebuna, umwandisi wa mwami, na Yoha mugala Hasafu, umwandisi wa íbikakoleka, banagendera mwami Hezekiya. Yabo booshi, bâli koli datwiri imirondo yabo hiꞌgulu lyoꞌmwizingeerwe. Amagambo gooshi goꞌyo mukulu waꞌbasirikaani, banagendi múganuulira go.

2 Samweri 13:19

Uyo Tamaari anayami yibuga umunyota-kiiko mwiꞌtwe. Niꞌkanju lyage, analilalaanula, anagenda akoli betwiri amaboko kwiꞌtwe, iri anabululuka.

Hisaaya 3:24

Ho bangakizi huumura amalaasi, bagakizi baya akatuuru. Na ho bangabiiri bayambiiti umukaba mwija, bagakizi shweka umugozi. Na ho bangabiiri bashanuziizi umushaku bwija, bagakizi mwebwa imbala. Na ho bangabiiri bayambiiti imirondo yoꞌmulimbo, bagakizi yambala amasuuzu. Na ho bangabiiri banonosiri bweneene, bagasigala batetiirwi neꞌshoni.

Hezekyeri 27:30

Kwo bali booshi, bagabululuka hiꞌgulu lyawe, iri banayifuka uluvu mu matwe, noꞌkuyivuruguuza mu munyota-kiiko.

Yona 3:6

Mwami weꞌNinaawi, mbu ayuvwagwe kwo bakola bagaahanwa, naye anayami shaaga ku kitumbi kyage kyoꞌbwami, anahogola imirondo yage miija, anayambala ubusuuzu, anagendi yibwandalika mu munyota-kiiko.