Kimombo 1:4 - Kifuliiru

⁴ Injira íziloziri akaaya keꞌSayuni, zikoli jengiirwi. Mukuba, abandu batakiri mu zilenga mwo, mbu bashambaalire isiku ngulu, batanakiri mu lenga mu miryango yako. Abagingi baamwo bakola mu gongeera. Naꞌbanyere bakola mu bululuka. Kalya kaaya, kakola mu gooka ngana!

Kimombo 1:4 Referans Kwoze

Yeremiya 9:11

Aahago! Yibyo byoshi, nyandagi mwitegeereza, úwangabisobanukirwa? Na nyandi úkaganuuza Nahano, halinde anamúbishuuka íbitumiri ikihugo kyashereera? Kituma kikagi ikihugo kikola kimaata ngiꞌshamba? Na kituma kiki ndaaye mundu úkiri mu kilenga mwo?

Yeremiya 14:2

«Utwaya tweꞌBuyuda tukola mu fwifwitira, banakola mu gandaara. Balya bandu booshi, bakoli shengusiri. Ee! Abandu beꞌYerusaleemu bagweti bagabululuka, halinde amalira gaabo ganambikira mwiꞌgulu.

Yeremiya 10:22

Yuvwagwi! Umwazi gwayija! Abasirikaani ukulyoka imbembe, bayiji teera utwaya tweꞌBuyuda. Yutwo twaya, bagatusiga ishamba limaata, linabe igomberano lyeꞌmirunga!»

Mika 3:12

Hiꞌgulu liinyu, kyo kitumiri akaaya keꞌYerusaleemu kagahingwa nga ndalo, kanahinduke biguuka! Na ngiisi ho bayubasiragi inyumba ya Nahano, hooshi, hagaamera ibishungu-shungu.

Kimombo 5:13

Imisore iri mu hidikwa, mbu igendi shya ingano. Abatabana nabo, bakola mu bambaajira, mu kubetula ishaali nzito.

Hisaaya 3:26

Kwiꞌrembo lyaꞌkaaya, abandu bagakizi liruuka bweneene. Abakazi bagakizi yivuruguuza mu luvu, nga bandu keera ábashahulwa ibindu byabo byoshi.

Kimombo 1:21

Abandi bayuvwiti ngiisi kwo ngweti ngagongeera. Kundu kwokwo, ndaaye úkangebagana, mbu ayiji mboleeza. Abagoma baani, ikyanya bakayuvwa ngiisi kwo wandibuza, banatondeera ukushambaala. Ewe! Si keera ukatulagaania ulusiku lwaꞌbagoma biitu nabo bagalibuuka kwo! Aaho! Yulwo lusiku, luhikage duba!

Balaawi 26:22

Ngahamuliza inyamiishwa ndangi mu kati kiinyu, zinalye abaana biinyu, zinasivye neꞌbitugwa biinyu. Emwe! Umuharuuro gwinyu, gugakizi niiha, halinde injira ziinyu zinashake.

Kimombo 5:14

Abashaaja batakiri mu kuumana, mbu bashubi hanuulana. Kiri neꞌmisore itakiri mu yimba.

Hosheya 2:13

Kundu aki gweti agayishambaaza mu siku ngulu, halikago ngazitwikiza zooshi. Kuli kudeta isiku ngulu za ngiisi mwaka, na zeꞌmbaluko yoꞌmwezi, na zeꞌSabaato.