Hosheya 9:11 - Kifuliiru

¹¹ Ku yukwo, ubulangashane bwa beene Hifurahimu bugabayisunga hala, nga hinyuni. Abakazi batâye ki heekage inda, batanâye ki bute!

Hosheya 9:11 Referans Kwoze

Hosheya 10:5

Abasamariya bakoli gweti bagajuguma hiꞌgulu lya gulya mugisi gweꞌnyana, úguli i Beeti-Haweni. Ee! Bakoli yobohiri íbigagukoleka kwo. Yabo bandu bakola mu gulirira bweneene, kuguma naꞌbagingi baabo! Kundu bâli kizi shambaala hiꞌgulu lyoꞌbulangashane bwagwo, haliko, gukola guganyagwa, gunatwalwe i mahanga.

Hosheya 9:14

E Nahano! Kutagi kwo nangahuunira abandu baani? Ngahuuna kwo bakaabo batakizi buta. Amabeere gaabo, gatakizi yoza!

Hosheya 4:7

«Balya bagingi, ikyanya bagweti bagayushuuka, ibyaha byabo nabyo, iri binayushuuka. Kwokwo, ngahindula ulushaagwa lwabo, zibe shoni.

Bukengeeze 28:18

«Mugagumba. Neꞌndalo, zinasibe. Neꞌbitugwa biinyu, bitanayolole.

Luka 23:29

Mumenyage bwija, kwo mu siku ízigayija, abandu bagatulagula, ti: “Bahiriirwi, abakazi ábakagumba, batanayoza!”

Hamoosi 1:13

Nahano adetaga kwokuno: «Beene Hamooni bagweti bagayifunda mu byaha. Aahago! Ukubahana, ngola ngabahana ngana-ngana! Si bakateera beene Giryadi, mbu lyo bayajabula ikihugo kyabo! Haaho-haaho, banakizi gwata abakazi ábâli kola neꞌnda, banazibunduule.

Mwigiriza 6:3

Halyagagi ikyanya umundu angaba abusiri abaana igana, anabe arambiri imyaka mingi. Kundu kwokwo, anabe atasiimiri uburambe bwage, atanaziikwe bwija. Uyo mundu, nangadesiri kwoꞌmwana úwabutwa akoli fwiri, ye múhimiri.

Zaburi 58:8

Imyambi yabo ikizi vunika-vunika. Bakizi nyerera, nga miiji ágali mu lenga mu mushenyu.

Hayubu 18:5

«Si itara lyaꞌbandu babi, ligaki zima. Neꞌngulumira yalyo, inahote.

Bukengeeze 33:17

Yusefu akizi haabwa ulushaagwa. Ali nga shuuli íyatee vyarwa mu kiso. Amahembe gaayo, gakomiri nga geꞌmbogo. Ku njira yago, ali mu yimula imilala yoshi ya mu kihugo, halinde ho kihekiiri. Liguma lya mu yago mahembe, guli mulala úguhimbiri gwa mwene Hifurahimu. Irindi hembe, biri binoono neꞌbinoono byaꞌbandu boꞌmulala gwa Manaasi.»

Ndondeko 49:22

«Yusefu alyagagi nga kitombo íkiri ha butambi lyeꞌshyoko, kinajoojesiri bweneene. Amatavi gaakyo, gali mu yajabuka, halinde ganasooke ikyogo.

Ndondeko 41:52

Mugala wage wa kabiri, anamúyinika iziina Hifurahimu, ti: «Rurema keera ambeereza ibuta mu kihugo kyo nalibuukira mwo.»

Hisaaya 17:3

Ee! Iyo munda i Damasiki, ubutwali bukolaga bugaamala. Utwaya twaꞌBahifurahimu, kundu twâli zitiirwi, halikago, natwo tugashereezibwa ngana. Kiri na mu Baharaamu, ngiisi ábagasigala, bagaaba tufwa-busha, ngaꞌBahisiraheeri. Kwokwo, kwo Nahano woꞌbushobozi bwoshi adesiri.

Hosheya 5:9

«E beene Hifurahimu, ulusiku ngamùhaniiriza mwe milala yaꞌBahisiraheeri, lyo mugayibonera kwo. Ndaakwo kundi!

2 Samweri 6:23

Uyo Mikaali munyere Sahuli, analindi fwa átabuta.