Hosheya 8:4 - Kifuliiru

⁴ «Yabo bandu, si bâli kizi yiyimikira abaami, buzira kumbanuusa! Banatoolaga naꞌbatwali, buzira kummenyeesa. Bagweti bagakizi tula imigisi mu harija, na mu nooro, kyo kitumiri bagashereezibwa.

Hosheya 8:4 Referans Kwoze

Hosheya 13:2

Na buno, beene Hifurahimu bagenderiiri ukuyifunda mu byaha, mu kukizi yitulira imigisi mu harija. Bâli kizi koleesa ubuhinga naꞌmaboko gaabo, banakizi deta: «Iyo migisi, mukizi gitangira amatuulo!» Banadete kandi: «Iyi migisi yeꞌnyana, mukizi ginyunyuguta!»

Hosheya 2:8

«Ku yukwo, uyo mukazi, ngola ngazitira injira zaage neꞌmishuugi. Ngamúsokanania uluzitiro, halinde ataki bone ho agalenga.

1 Baami 16:31

Birya byaha bya Yerobwamu mugala Nebati, anabibona kwo ndaabyo. Kwokwo, anayanga Yezebeeri umuluzi-nyere wa mwami Hetibaali waꞌBasidooni. Uyo Ahabu anatondeera ukukizi kolera umuzimu Baali, iri anaguyikumba.

Bagalatiya 4:9

Halikago buno, mukoli yiji Rurema. Kandi nangadesiri kwo Rurema ye mùyiji! Aaho! Kuti kandi mugweti mugashubi hemurwa naꞌmabi ga mu kihugo? Si gatahiiti akamaro, ganalyagagi ga busha! Ka mwangasiima kandi kwo gashubi mùshwekera mu buja bwago?

Yohana 10:14

«Niehe, nie mungere mwija. Ibibuzi byani, mbiyiji. Nabyo binyiji.

1 Baami 12:28

Ulya Yerobwamu, ikyanya akahanuusania, anatuliisa imigisi yeꞌnyana zibiri mu nooro, anabwira abandu: «E Bahisiraheeri, nabona kwo keera mwagagara ukukizi zamuukira-zamuukira i Yerusaleemu. Aaho! Imigisi yinyu, iyi! Ye kamùshaaza mu kihugo kyeꞌMiisiri.»

Luka 13:27

Haliko, agamùbwira: “Nanga! Si keera namùbwira kwo ndamùyiji! Ndayiji na ho mukalyoka! Njagiragi yaha, mwe banakuhambwa!”

Luka 13:25

«Ikyanya mwene inyumba agaaba keera ayimuka, anahamike ulwivi, lyo mugaaba mukoli yimaaziri ha kisimba-lyango, munatondeere ukuyiguza. Mugamúyigonga, ti: “E Nahano, utuyigulire.” Haliko, agamùshuvya: “Ndamùyiji! Kiri na ho mulyosiri, ndahayiji!”

Mataayo 25:12

Haliko, anabashuvya: “Namùbwira ukuli, ndamùyiji!”»

Hezekyeri 18:31

«Ibyaha byoshi byo mugweti mugaagira, muyami bitwikira kwo! Imitima yinyu, neꞌnzaliro ziinyu, mubihindule, bibe bihyahya. E Bahisiraheeri! Mugafwira bikagi?

1 Baami 13:34

Yikyo kyaha kyo Yerobwamu akagira, kyanatuma abandu beꞌmbaga yage bagaminikwa mu kihugo.

Yeremiya 16:20

Aaho! Kaꞌbandu bangayibaajira byoꞌkuyikumba? Nanga, maashi! Ibindu mwene yibyo, bitakwiriiri ukuyikumbwa.»

Danyeri 3:1

Ha nyuma, mwami Nebukandeneza anatuliisa nangungubanga woꞌmugisi mu nooro. Ikimango kya yugwo mugisi, zâli meetere makumi gabiri na zirinda. Noꞌbuhamu, zâli meetere zishatu. Yugwo mugisi, anagutereka mu ndekeera yeꞌDuura, mu poroveesi yeꞌBabeeri.

Hosheya 8:3

Kundu kwokwo, baki genderiiri naaho noꞌkushemya íbiri biija. Kyo kinatumiri abagoma bakola bagabahiiva.

Hosheya 13:1

Yaho keera, ikyanya Hifurahimu âli kizi deta, abaabo booshi bâli kizi múyoboha, iri banajuguma. Mukuba, yabo ye wâli kuliiri abaabo. Halikago, ikyanya bakatondeera ukuyikumba umuzimu Baali, lyo bakayiji yikululira ulufu.

Hosheya 13:11

Kyanatuma ngamùheereza mwami, haliko kukaba ku buraakari bwani. Uyo mwami, ku bwobwo buraakari, nanashubi yiji múlyosa.”