Hosheya 7:8 - Kifuliiru

⁸ «Beene Hifurahimu bali mu komeerana neꞌbinyamahanga. Bali bandu ba busha, nga mukate úgwakalangwa buzira kuhindulwa.

Hosheya 7:8 Referans Kwoze

Zaburi 106:35

Kundu yabo Bakaanani bâli bapagaani, haliko Abahisiraheeri banabakombeera, banatondeera ukubayigira kwoꞌmugani.

Hizira 9:12

«“Ku yukwo, mutagondeese banyere biinyu imwa bagala baabo. Na bagala biinyu, mutabagondere banyere baabo. Yibyo binyamahanga, mutakolwe mbu mubigaze. Mutanabaleke kwo babe bahiirwa. Iri mwanganzimbaha, lyo mugaaba bikalage, munakizi vwajagira byeꞌkihugo. Ha nyuma, munasige abaana biinyu babihyane, halinde imyaka neꞌmyakuula.”

Malaki 2:11

Kirya kihango, Abayuda keera bakakihongolaga, banakizi higulira i Yerusaleemu, kiri na mu Bahisiraheeri booshi. Bâli gweti bagayulubaza inyumba ya Nahano, inali yo akuuziri. Banâli gweti bagakizi yanga abakazi ábali mu yikumba imizimu.

Hizira 9:1

Ha nyuma, abimangizi baꞌbandu banayiji mbwira kwokuno: «E Hizira! Abahisiraheeri baguma, kiri naꞌbagingi naꞌBalaawi, batakiri mu yihandula ku binyamahanga. Si bagweti bagakulikira ibikoleere byaꞌBakaanani, naꞌBahiti, naꞌBapereesi, naꞌBayebuusi, naꞌBahamooni, naꞌBamohabu, naꞌBamiisiri, naꞌBahamoori.

1 Baami 18:21

Iri bakahika yo, uyo Hiriya anabayegeera, anababwira: «Mugaahisa halinde mangoki, mugweti mugahizaanwa-hizaanwa ha kati kaꞌmagambo gabiri? Iri Rurema angaba ye Nahano, mumúkulikire. Kandi iri Baali, abe ye mugakulikira.» Yabo bandu batanamúyakula.

Mataayo 6:24

«Ndaaye mundu úshobwiri ukukolera banahamwabo babiri! Iri angakunda nahamwabo muguma, anakizi yitanga imwage, iri agashomba uwabo noꞌkukizi múgayiriza. Bitaziziri kwo mukizi kolera Rurema, mbu munashubi kizi kolera neꞌfwaranga!»

Sefaniya 1:5

Ngashereeza ngiisi ábagweti bagashonera ku nyumba, mbu bafukamire izuuba, noꞌmwezi, neꞌndonde. Si bali mu kizi biika indahiro kwiꞌziina lyani, banakizi biika igindi kwiꞌziina lyoꞌmuzimu Mirikomu!

Hosheya 9:3

Mutagaki hanguulwa ukubeera hano mu kihugo kya Nahano, si mugagalukiraga i Miisiri. Kiri na mu kihugo kyaꞌBahasuriya, mugakizi lya íbitaluke naaho.

Hosheya 5:13

«Beene Hifurahimu naꞌBayuda, ikyanya bakabona ngiisi kwo balwaziri, banagendi tabaaza mwami mukulu weꞌHasuriya. Halikago, uyo Mwami atanahasha ukubabuka, atanabakiza.

Hosheya 5:7

Yabo Bahisiraheeri batakiri bemeera imwa Nahano, si bagweti bagabuta abaana imbuga. Na bwo bali mu yikumba byeꞌbibeesha, ha nyuma lyoꞌmwezi muguma, bagashereezibwa kuguma neꞌkihugo kyabo.

Hosheya 7:9

Ibinyamahanga keera bikamúmala imisi, bátanamenya. Yabo Bahisiraheeri, invwi keera zakwiraga itwe lyoshi, keera banaluha bweneene! Kundu kwokwo, batali noꞌmwazi.