Hosheya 5:12 - Kifuliiru

¹² Ku yukwo, beene Hifurahimu, ngabashereeza nga kulya akashwa kali mu shereeza imirondo. Abayuda nabo, bagabungwa nga mbahwa nzibule.

Hosheya 5:12 Referans Kwoze

Hisaaya 51:8

Yabo bandu, akashwa kagaki balya, nga kwo kali mu tetemba imirondo. Ibizimu nabyo, bigabatetemba, nga kwo biri mu tetemba ubwoya bweꞌkibuzi. Kundu kwokwo, ubwija bwani bwohe, bugayama ho imyaka neꞌmyakuula. Ubukize bwani bugagendera mu bibusi byoshi.»

Hayubu 13:28

Na ngweti ngaahera nga kiti íkiri mu bola, na nga mulondo keera úgwaliibwa naꞌkashwa.»

Yona 4:7

Halikago, mbu bukye shesheezi kare-kare, yikyo kiti, Rurema analungika ikizimu, kyanakibunga, kyanayuma.

Hisaaya 50:9

Lolagi! Nahano Rurema ye mu ndabaala. Aaho! Nyandagi kandi úki shobwiri ukundwira ulubaaja? Balya bagoma baani booshi, bagahula nga mirondo, akashwa kanabakegete.

Migani 12:4

Umukazi úli mu simbahana, ali mu ba lushembe lwa yiba. Si umukazi úli mu genda úgateezania ishoni, yehe, ali mu ba nga ahiiti ikibungu mu mavuha gaage.

Zaburi 39:11

Kwokwo, utaki shubi mbana. Si ibihano byawe, keera byanduhya!

Hisaaya 5:24

Keera bakajanda amigirizo ga Nahano, anali ye Mwene Ubushobozi. Ee! Kundu Umutaluule waꞌBahisiraheeri agweti agaadeta, si batamútwaziizi. Ku yukwo, bagashereezibwa ngana, nga kwoꞌmuliro guli mu boyola ikishuka. Bagaaba nga mbuto yeꞌmizi ikoli boziri, na nga kwoꞌtwaso, tuli mu yehuulwa nga lukungu.