Hosheya 2:2 - Kifuliiru

² Ee! Abandu boꞌbwami bweꞌBuyuda naꞌboꞌbwami bweꞌHisiraheeri bagashubi nywana, banayitoolere umutwali wabo muguma. Kwokwo, bagaaba bakoli jeberiiri mu kihugo kyabo. Emwe! Yulwo lusiku, lugaaba lwaꞌkahebuuza imwa Yezereheri.

Hosheya 2:2 Referans Kwoze

Hisaaya 50:1

Nahano adetaga kwokuno: «Ka nꞌgamùguza mu buja, lyo ndiha imyenda? Nanga! Ka nyoko atakiri ho, mbu bwo nꞌgamúyimula, mu kumúyandikira amaruba goꞌkumúlahira? Nanga, maashi! Yago maruba, iri gangaba gali ho, muganyereke. Si mwehe, íbitumiri mukaguzibwa, biri hiꞌgulu lyeꞌbyaha biinyu. Kiri na nyoko, naye akayimulwa hiꞌgulu lyoꞌbuhuni bwinyu.

Hezekyeri 23:45

Kundu kwokwo, ngiisi ábakwaniini, bo bagabahana, nga kwo batuula bahana ngiisi ábayimbwa bashule naꞌbiitani. Mukuba nabo, keera bakashulehana, keera bakanayitana.

Yeremiya 3:13

«Byo mukwaniini ukugira naaho, muyemeere ibyaha biinyu. Ee! Muyemeerage kwo mukahuna imbere lyani, nie Rurema Nahamwinyu! Mukuba, mukalahira kwo mutagakizi nzimbaha, mwanakizi gendi yikumba imizimu mwiꞌdako lya ngiisi kiti íkidohiri.» Kwokwo, kwo Nahano adesiri.

Hezekyeri 16:25

Ku ngiisi mutalimbwa, wâli kizi yiyubakira ahandu áhayinamusiri. Kyanatuma ugasheba mu masu gaꞌbandu. Wanakizi shuleha ngiisi mulenga-njira yeshi, halinde ubushule bwawe bwanahebuuza.

Yeremiya 3:1

Nahano adetaga kwokuno: «Tudete ngoꞌmushosi angayimula mukaage, noꞌyo mukaage anagendi yangwa noꞌgundi. Aaho! Koꞌyo yiba angaki shubi múgalula? Nanga, maashi! Iri angamúgalula, iri anayulubaza ikihugo kyoshi. E Bahisiraheeri! Kwokwo, kwo niinyu mukoli kuuziri imigisi mingi-mingi. Aaho! Kutagi buno, kwo mukoli loziizi ukungalukira? Kwokwo kwo nie Nahano ndesiri.

Hosheya 2:5

Neꞌri angalahira, ngamúhogola imirondo, anasigale bukondwe, nga ngiisi kwo akabutwa, ninamúsige mu kihugo íkiyumuusiri, halinde afwire mwo neꞌnyoota.

Hosheya 1:2

Ino ndumwa, ikyanya Nahano akatondeera ukugimenyeesa mu Bahisiraheeri ku njira ya Hosheya, anamúbwira kwokuno: «Ugendi yanga umukazi mushule, gira akubutire abaana boꞌbushule. Mu kugira kwokwo, ugayerekana ngiisi kwaꞌBahisiraheeri nabo bakayigira bashule, mu kunjandagira nie Nahano, banakizi yikumba ibindi íbiri mu yikumbwa.»

Yeremiya 19:3

E baami baꞌBayuda! Na niinyu mwe batuulaga booshi beꞌYerusaleemu! Yuvwi! Nahano woꞌbushobozi bwoshi, Rurema waꞌBahisiraheeri, adetaga: Hano handu, ngahashereeza lwoshi-lwoshi. Na ngiisi úgakizi yuvwa umwazi gwaho, agasoomerwa.

2 Bakorindo 5:16

Ku yukwo, ndaaye mundu ye tukiri mu bona ku byeꞌkihugo! Biri ukuli kwo yaho keera, twâli kizi bona Kirisito ku byeꞌkihugo. Haliko buno, tutakiri mu múbona kwokwo.

Hezekyeri 23:43

«Iri hakatama, nanadeta: “Ehee! Si baloziizi ukushuleha abakazi keera ábakayiluhya mu bushule!”

Hezekyeri 20:4

«E mwana woꞌmundu, ka ukolaga ibiringiini ukuhana yaba bandu? Ngahwe, ubahanage! Ubakengeeze ngiisi kwaꞌbashaaja baabo bâli kizi nyaagaza, mu kugira amabi.

Hezekyeri 16:20

«Aahago! Ubusambani bwawe, ka utoniragi kwo liri igambo liniini naaho? Bagala baawe, na banyere baawe, si nie wâli babutiiri. Kundu kwokwo, ukabayabiira, wanabatanga imweꞌyo migisi yawe.

Yeremiya 2:2

kwo ngendi menyeesa abatuulaga beꞌYerusaleemu, ti: «Ngi kengiiri kweꞌkyanya mwâli ki riiri nga muhya-kazi wani, mwâli nvitiirwi kwo bweneene. Mwâli njagalukiiri. Neꞌkyanya nꞌgamùleeza mwiꞌshamba, mwanakizi ngulikira, kundu ndaazo mbuto ízimeziri mwo.

Hisaaya 58:1

Nahano adetaga kwokuno: «Ukizi banda akashiba! Utanayihangirire! Uyiberekaanie bukayu, kwiꞌzu nga lyeꞌkibuga! Umenyeese abandu baani ngiisi kwo keera bahubira Rurema, mu kukizi yifunda mu byaha.

Hosheya 2:1

Hâye be ulusiku lwaꞌBahisiraheeri bagaluguuka kwo, halinde banabe kandaharuurwa nga mushenyu kwiꞌbuga. Haaho, lyo Rurema atagaki shubi kizi babwira, mbu: «Mutali bandu baani.» Si agakizi babwira: «Muli baana ba Rurema úli mugumaana.»

Hosheya 4:5

Si mugweti mugasiitara, gunakiri mwiꞌzuuba! Neꞌkyanya kyaꞌkabigingwe, abaleevi biinyu beꞌbibeesha, nabo bagayibumbulika haashi. Ubuzinda, nyoko Hisiraheeri, ngamúshereeza.

Hisaaya 11:12

Lirya irembera, Rurema agalishonia. Ligakizi menyeesa Abahisiraheeri naꞌBayuda booshi ábakoli tuuziri mu mahanga, kwo kundu bakashaabulwa mu mbande zooshi zeꞌkihugo, haliko agaki bakuumania.

Yeremiya 3:18

Mu yizo siku, Abayuda baganywana naꞌBahisiraheeri. Booshi banalyokage mu kihugo íkiri imbembe, banagalukire mu kihugo kyo nꞌgaheereza bashokuluza baabo.»

Mika 2:13

Kundu mushuba mu gwatwa imbohe mu mahanga, haliko ikirongoozi kiinyu kigahongola inyiivi zaꞌbagoma, anamùlyose yaho. Ee! Mwami winyu, agakizi mùrongoora. Na Nahano yenyene, agakizi mùshokolera injira.»