Hosheya 14:7 - Kifuliiru

⁷ Amatavi gaabo, gagayajabana bweneene, nga matavi geꞌbiti byeꞌmizehituuni. Banabe noꞌmuhongolo mwija, nga gwa twaso twoꞌmwerezi gweꞌLebanooni.

Hosheya 14:7 Referans Kwoze

Zaburi 91:1

Rurema ye riiri hiꞌgulu lya byoshi, ye na mwene ubushobozi bwoshi. Kwokwo, ngiisi úli mu langwa mu kabisho kaage, agakizi luhuuka mu kimbehwa kyage.

Yohana 11:25

Yesu anamúbwira: «Niehe nie buzuule, na ndi nie bugumaana. Umundu, iri angaba anyemiiri, kundu angafwa, haliko agaaba akiri mugumaana.

Zakariya 8:12

«Buno, mukolaga mugashubi byala imbuto mu kati koꞌmutuula. Invula igashubi nia, halinde imizabibu inashubi tongeka ku bwingi. Ee ma! Idaho ligashubi yeza. Iyo migashani yoshi, abandu baani ábakoli sigiiri, bagaki gibona.

Hosheya 14:5

Nahano adetaga kwokuno: «Kundu mutali bemeera, haliko ngamùkiza. Na njubi mùkunda ku mutima gwani gwoshi. Emwe! Ndâye ki mùrakarire kandi.

Hosheya 6:2

«Ha nyuma lyeꞌsiku zibiri, agatuvyula tushubi ba bagumaana. Neꞌri bwangakya, agashubi tugira ngiisi kwo twâli riiri, gira tulonge ukuramba imbere lyage.

Hosheya 2:22

Ngakizi yama ndi Rurema winyu. Na niinyu, munamenye kwo nie Nahano.»

Hezekyeri 17:23

Ee! Ngahishinga mu kihugo kyeꞌHisiraheeri. Ha nyuma, higayasa, hinatongeke kweꞌbitumbwe, kinayiji ba kiti kiija kyoꞌmwerezi. Haaho, utunyuni tweꞌmilala yoshi tunayiji yubakira ingisha ku matavi gaakyo, tunakizi yegama mu kimbehwa.

Hisaaya 61:11

Mukuba, nga kwo uluvu luli mu kizi meza imbuto, zinakizi mera hooshi mu ndalo, kwo na kwokwo Nahano Rurema agakiza abandu baage, halinde alonge ukuyivugwa mu bandu ba mu mahanga gooshi.

Lwimbo Lwija 6:11

«Nꞌgamanukira mu ndekeera iwa irya ndalo yeꞌbiti byeꞌloozi, gira ndole ishibwe zeꞌnaazi. Nꞌgagendi lola, iri mizabibu keera yaleeta akafundo, kandi iri amakomamanga keera gayasa.

Lwimbo Lwija 2:3

«Umukundwa wani ali mu bandi batabana, nga kweꞌkiti kyeꞌbitumbwe kiri mu biti bya mu kishuka. Nyifwijiri ukubwatala mwiꞌdako lyeꞌkizunguza kyage. Kiri neꞌbitumbwe byage, nyuvwiti kwo binuniri bweneene.

Zaburi 138:7

Kundu ngoli sokaniinwi naꞌmakuba, haliko, we gweti ugakizi ndanga, ngizi ba mugumaana. Ikyanya abagoma bali mu ndakarira, uli mu golola ukuboko kwawe, unangize ku bushobozi bwawe.

Zaburi 85:6

Aahago! Ka ugayamaga uturakariiri, halinde imyaka neꞌmyakuula? Yubwo buraakari bwawe, ka bugagenderera halinde mu bibusi byoshi?

Yohana 12:24

Namùbwira ukuli, kwoꞌludete lweꞌngano, iri lutangatibukira mu luvu, lunabe nga lwafwa, iri lugayama lulyagagi lwonyene. Haliko, iri lwangayingira mu luvu, lyoki lugayiji yera kweꞌzindi nyingi.

Hosheya 2:21

Ngashubi kuyanga, halinde uyame uli mukaanie wa lwoshi-lwoshi. Ugakizi tungaana imbere lyani, iri unakulikira ukuli, noꞌrukundo, neꞌndengeerwa.

Lwimbo Lwija 4:11

E shasha yani, ikyanya tugweti tuganyunyugutana, imishushu yawe, iri mu nuna ngana, ngoꞌbuuki. Ululimi lwawe, luli mu huluka mwaꞌmata noꞌbuuki. Ewe! Ibyambalwa byawe, bigweti bigahuumura ngeꞌbiti byeꞌLebanooni.