Hosheya 12:4 - Kifuliiru

⁴ Uyo Yakobo, ikyanya âli ki riiri mu nda ya nyina, anakizi zezeera umukulu ku kasiizira. Neꞌri akaba akola mundu úkoli bwini, anayiji hagana kiri na Rurema yenyene.

Hosheya 12:4 Referans Kwoze

Malaki 3:1

Nahano woꞌbushobozi bwoshi, adetaga kwokuno: «Ngola ngalungika indumwa yani, gira igwanwe yanjongaaniza injira. Iyo ndumwa, inayiji menyeesa ikihango kyo tuganywana. Lolagi! Yoliira agweti agayija! Haaho, bwo mundindiriiri ku kyedu, nienyene ngayami yija mu nyumba yani.»

Ndondeko 35:15

Kwokwo, yaho handu, Yakobo anahayinika iziina Beteeri.

Baheburaniya 5:7

Ikyanya Yesu âli ki riiri hano mu kihugo, âli kizi huuna Rurema kwiꞌzu lihamu. Âli kizi lira, iri anamútakira ku migenge mingi. Mukuba, Rurema, ye wâli shobwiri ukumúkiza mu lufu. Na bwo Yesu âli kizi músimbaha ku butuudu bwoshi, kyanatuma Rurema agayuvwa amahuuno gaage.

1 Batesaloniki 4:17

Na nyiitu, twe tugaaba tukiri bagumaana, tukabuli lengezibwa twe nabo mu bibungu. Hanali ho tugagendi sanganira Nahamwitu, tunayamanwe imyaka neꞌmyakuula!

Hisaaya 63:9

Ku kyanya Abahisiraheeri bâli kizi longa amakayu, naye, bâli kizi galongera kuguma. Anabakiza, mu kubalungikira umuganda. Na bwo abakuuziri, kyanatuma agakizi bayuvwirwa indengeerwa, anabaguluula. Âli kizi batengetera, iri anababetula.

Zaburi 66:6

Ikyanya akayumya inyaaja, hanaboneka injira yaꞌbandu baage bakajabuka mwo. Kwokwo, tuyiji múshambaalira.

Ndondeko 48:15

Yakobo, anagashaanira Yusefu, ti: «Bashokulu baani, Hiburahimu na Hisake, bâli tuuziri neꞌngoome nyiija na Rurema. Uyo Rurema, ye na yoyo úyamiragi ali mu ndongoora halinde zeene.

Ndondeko 32:29

Uyo mundu, ti: «Utagakizi ki buuzibwa Yakobo. Si we kola Hisiraheeri, (kuli kudeta: akukurana na Rurema). Mukuba keera wakukurana na Rurema, kiri naꞌbandu, wanabahima.»

Ndondeko 32:26

Mbu abonage kwo ayabirwa ukumúkuba, anamúhuma kwiꞌhigi, lyanahiguka.

Ndondeko 25:26

Butooto, ikyanya akabutwa, anayija agwasiri Hesahu ku kasiizira, kyanatuma bagamúyinika Yakobo. Ikyanya Hesahu na Yakobo bakabutwa, yishe Hisake âli kola neꞌmyaka makumi galindatu.

Ndondeko 32:25

Si yehe, anasigala. Yaho i kajabo, hanayija mundu muguma. Uyo mundu, anakizi kukurana na Yakobo, halinde ku lukula.