Hosheya 10:4 - Kifuliiru

⁴ Yabo Bahisiraheeri bagweti bagalagaania amagambo ga kwingi-kwingi, banali mu gabiika kweꞌndahiro zeꞌkinyoma. Kwokwo, mu kutwa imaaja, ukuli kukola mu bambalwa, nga kishuka íkimeziri mu ndalo mbinge, kinali mwo kolobwe.

Hosheya 10:4 Referans Kwoze

Hamoosi 6:12

Aahago! Keꞌfwarasi zangagirigimba ku lwajwe? Kandi iri, kaꞌbandu bangakoleesa ingaavu mu kululima kwo? Aahabi! Haliko mwehe, keera mwahindula ukuli, kube nga kolobwe. Na ngiisi íbikwaniini, mwabihindula bibe bilulu.

Hamoosi 5:7

Si mugweti mugashobania íbikwaniini, Na ngiisi íbiri byoꞌkuli, mugweti mugabinyanyaga haashi.

Hosheya 4:2

Si mugweti mugadaakana, iri munabeesherana, noꞌkukizi yitana, noꞌkuyifunda mu bushule. Mutakiri mu yihangirira, mugenderiiri naaho noꞌkukizi yitana.

Baheburaniya 12:15

Mukizi ba masu! Hatagirage muguma winyu úgateera ubugashaane bwa Rurema! Mutanaleke umundu abe ngiꞌsina lilulu mu kati kiinyu. Mukuba, mwene uyo, angaleeta akalugi mu bandu bingi, anabayulubaze.

2 Timoteyo 3:3

Bagaaba batakiri mu kundana, kandi iri kukogana. Baganakizi gambana. Na ho bangayihangirira, bagakizi langama. Banakizi shomba amiija,

Barumi 1:31

Bakoli ba bishuzi. Banakoli ba ngalagaaja. Batanahiiti ikimino, batanali mu bonerana ulukogo.

Mikolezi 8:23

Nabona kwo ukiri mwoꞌluugi! Neꞌbyaha byawe, bikoli kushwesiri.»

Hosheya 6:7

«Kundu keera tukanywana ikihango twe na niinyu, haliko mwanaba nga Hadamu, mwanakihongola. Mutanaba bemeera imwani.

Hisaaya 5:7

Iyo ndalo yeꞌmizabibu, gulyagagi mulala gwaꞌBahisiraheeri. Neꞌmizabibu miija, bali bandu beꞌBuyuda. Nahano woꞌbushobozi bwoshi ye mwene yo, anâli gikuuziri bweneene. Yabo bandu, Nahano âli loziizi kwo bakulikirage imaaja zaage, banatuule ku njira íkwaniini. Si bâli kizi yamiza-yamiza naaho, mu kukomeresania, iri banakizi yitana.

Bukengeeze 29:18

«Yago madaaki, hali ikyanya muguma winyu angagayuvwa, anayidese, ti: “Kundu ndi mu haasa-haasa mu bitali nga byo, ndaalyo igoorwa. Ngatuula naaho mu butoge.” Ehee! Kundu angaba agweti agaadeta kwokwo, si agayikululira umwama. Kiri naꞌbandu biija, nabo agabaleetera gwo.

Bukengeeze 31:16

Lyeryo, Nahano anabwira Musa kwokuno: «Lolaga! Ukola ugagenda imunda lukalamuka. Si yaba Bahisiraheeri, baganyiyogookola. Banatondeere ukukizi yikumba imigisi ya mu kihugo kyo bagagenda mwo. Kiri neꞌkihango kyo tukanywana twe nabo, bagakihongola.

Bukengeeze 31:17

«Kyo kitumiri ngabarakarira, na mbajande. Ngababisha amalanga gaani, halinde igindi milala inayiji baminika. Kwokwo, bagalonga amalibu mingi bweneene, banabwirane, ti: “E balya, lolagi ngiisi kwo yubu buhanya bwatuhikira. Kuli kudeta kwo Rurema atakiri kuguma na nyiitu.”