Hosheya 10:13 - Kifuliiru

¹³ «Halikago mwehe, mwâli gweti mugakizi byala amabi, ganali gaago-gaago go mukayimbula. Ngiisi kwo mukabyala ikinyoma, keera mwalyagaga ibitumbwe byakyo. Mwâli kizi langaalira imisi yaꞌbasirikaani biinyu, iri munayitoneesa kwo bo bagakizi mùlanga.

Hosheya 10:13 Referans Kwoze

Hayubu 4:8

Keera nꞌgabona kwo ábali mu byala ubuligo, noꞌbubi, byo na byebyo, bali mu yiji yimbula.

Hosheya 8:7

«Yabo bandu, bakabyala imbuusi. Si mu kuyimbula, bagakizi yimbula ikihuhuuta! Imbuto zeꞌngano, kundu zigweti zigakizi mera mu ndalo, halikago, ndaayo mihuli igakizi bitongeka kwo. Na kundu yangatongesiri kweꞌmbuto, si ibinyamahanga byo bigakizi zirya.

Migani 22:8

Ngiisi úli mu byala amabi, ali mu yimbula amalibu. Na kundu âli kizi twala ku bulangi, bugaahera.

Migani 1:31

Na bwo mwâli kizi yifunda mu mabi, leero mwayikululira umwama. Bwo mwâli kizi shungikira abandi amagambi, buno mwenyene mwe mugakizi galongaga.

Zaburi 33:16

Ndaaye mwami úwangayikiza, mbu bwo ahiiti abasirikaani bingi. Ndaanayo ndwani íri mu hima, mbu bwo ye kikalage.

Zaburi 62:10

Si abandi booshi, balyagagi nga muuka naaho! Abatwali naꞌbagunda, booshi bali busha ngana. Nga booshi bangaleziibwi ku lugero, umuuka gwo muzito.

Zaburi 52:7

Ku kasiisa, Rurema agakunyanyaga haashi, utanâye yinamuke. Agakulyosa mu kaaya kaawe, anakulashe imbuga. Agakushikula mu bagumaana, unagendi beera mu bafwiri.

Hosheya 7:3

«Abandu bagweti bagaagira amabi, gira lyo basimiisa mwami. Ikyanya bagweti bagabeesha, lyaꞌbakulu bali mu sheka.

Mwigiriza 9:11

Keera nabonaga irindi igambo mu kihugo. Kundu umundu angasuula umulindi, atali ye mu kizi hima mu ndangwe. Na kundu angabiiri ye ndwani mwiꞌzibo, atali ye mu kizi hima abagoma. Na kundu angabiiri ali mwitegeereza, atali ye mu kizi longa ibyokulya. Na kundu angabiiri ali munabwenge, atali ye mu kizi gala. Na kundu angabiiri akoli somiri, atali ye mu kizi huuzibwa. Si ukugenduukirwa kwoꞌmundu, kuli mu ba ku maana naaho, ukukulikirana neꞌkyanya kyage.

Migani 19:5

Akamasi keꞌbibeesha katali mu liikwa, mbu kayigendere. Bwo ali mu beesha-beesha, atagafuuka ukuhanwa.

Migani 12:19

Amagambo goꞌkuli gali mu yama ho imyaka neꞌmyakuula. Si amagambo geꞌbibeesha, gali mu lenga duba nga kugohya.

Migani 13:2

Abandu biija bali mu deta amagambo goꞌbwitegeereze, banali mu gagenduukirwa mwo. Si ábatali mu twazania boohe, bali mu yifwija naaho kwo bakizi komeresania.

Hisaaya 17:11

Yizo mbuto, muli mu zibyala lusiku luguma, zinayami mera. Na úbugaakya, zinaleete akaaso. Halikago, ikyanya muli mu gira mbu muyimbule, ehee! Zinayami nyerera. Mukuba, yizo mbuto zooshi, ubulwazi buli mu yami ziyita.

Hosheya 4:2

Si mugweti mugadaakana, iri munabeesherana, noꞌkukizi yitana, noꞌkuyifunda mu bushule. Mutakiri mu yihangirira, mugenderiiri naaho noꞌkukizi yitana.

Hosheya 4:8

Ikyanya abandu baani bali mu tanga amatuulo goꞌkukogwa ibyaha byabo, abagingi banabuli longa byo bagaalya. Kyo kinatumiri baloziizi kwaꞌbandu bingi bakizi yifunda mu byaha.

1 Samweri 24:14

Ukengeere umugani úguli mu detwa kwokuno: “Amabi gali mu girwa naꞌbandu babi”. Ku yukwo, ndagakuhuma kwo.