Hosheya 10:11 - Kifuliiru

¹¹ «Mwe beene Hifurahimu muli nga nyana íkomiiri ukukizi fina ingano, iri inashambaalira umukolwa gwayo gwoꞌkugihungumula. Halikago buno, kundu muhiiti igosi írinonosiri, ngola ngalishwekera mweꞌngata yeꞌmbahwa. Kwokwo, mwe naꞌBayuda, kiri naꞌbandi beene Yakobo, mugakizi yitubanula mu kuhinga indalo, kwiꞌdaho íyumagusiri.

Hosheya 10:11 Referans Kwoze

Hosheya 4:16

Mukuba, yabo Bahisiraheeri bakola mindagabika, nga ngaavu yeꞌnjuuke. Aaho! Kutagi kandi kwo Nahano angaki baragira, nga bibuzi mu ndaraara yoꞌmuyonga?

Yeremiya 50:11

«E Bababeeri, ikyanya mukagendi shahula abandu baani ibindu, mwanaba mukoli shambiiri bweneene. Mwanasimba-simba nga nyana íri mu ndagiriro. Izu liinyu, likola nga lyeꞌfiizi yeꞌfwarasi.

Bukengeeze 25:4

«Ikyanya ugakoleesa ingaavu mu kubugumula ingano, utakolwe kwo wakizi gishweka ikinwanwa, mbu itagilye kwo.»

Barumi 16:18

Abandu mwene yabo, atakiri Nahamwitu Kirisito ye bali mu kolera. Si bagweti bagakolera amabunda gaabo boonyene! Na ku magambo gaabo manunu-manunu, bali mu lyeryega mweꞌbizeeze.

Hosheya 11:4

Nâli kizi múrongoora, mu kukizi múgirira bwija. Nanamúkombeera bweneene ku rukundo. Nanamúsaagiza irya ngata mwiꞌgosi lyage. Nanakizi goka, mu kumúheereza byo agaalya.

Hosheya 9:1

E Bahisiraheeri! Mutakizi shambaala, mutanakizi banda akabuuli, nga kweꞌbinyamahanga biri mu gira. Si mutali bemeera imwa Rurema winyu! Si keera mukayiguliisa, gira mubaagage bashule. Musiimiri bweneene ukuhembwa ha ngiisi kiyeluuliro hiꞌgulu lyoꞌbushule bwinyu.

Hosheya 3:1

Nahano anashubi mbwira: «Ushubi kunda mukaawe, kundu agweti ugundi mushosi weꞌmbuga. Mu kugira kwokwo, lyo ugayerekana ngiisi kwo naani ngi kuuziri Abahisiraheeri, kundu baki gweti bagayitanga imweꞌbindi íbiri mu yikumbwa, iri banabitangira imikate yeꞌmizabibu.»

Hosheya 2:5

Neꞌri angalahira, ngamúhogola imirondo, anasigale bukondwe, nga ngiisi kwo akabutwa, ninamúsige mu kihugo íkiyumuusiri, halinde afwire mwo neꞌnyoota.

Hisaaya 28:24

Umulimi, ka ayamiri ali mu hinga ngiisi kyanya? Aahabi! Si ali mu byala!

Yeremiya 28:14

«“Nie Nahano woꞌbushobozi bwoshi, Rurema waꞌBahisiraheeri, nakyula kwokuno: Abandu ba mwiꞌyi poroveesi, ngabayambika ingata yeꞌkyuma ku magosi gaabo. Yabo booshi, bagagendi kolera mwami Nebukandeneza weꞌBabeeri mu buja. Kiri neꞌnyamiishwa, zigakizi múkolera.”»

Yeremiya 46:20

«Ikihugo kyeꞌMiisiri, kiryagagi nga nyana íshishiri. Kundu kwokwo, ikibugu ukulyoka imbembe, kigayiji kiteera.

Mika 4:13

Nahano adetaga kwokuno: «E bandu beꞌYerusaleemu, muyimuke, gira mubakubule. Ngamùshoboleesa, mube nga muhiiti amahembe geꞌbyuma neꞌbinogosho byoꞌmulinga. Kwokwo, yibyo binyamahanga mugabitema-tema bitolo-bitolo. Noꞌbugale bwabo, munayiji bundangira nie Nahano, bwo nie ndwaziri amahanga gooshi.»