Hobadiya 1:4 - Kifuliiru

⁴ Na kundu mugweti muganunga nga nyunda, munagendi yubaka ingisha ziinyu hiꞌgulu bweneene, halinde ku ndonde, haliko, ngaki mùshungulula yo! Kwokwo, kwo nie Nahano ndesiri.

Hobadiya 1:4 Referans Kwoze

Habakuki 2:9

«Yayewe imwinyu! Mwe mugweti mugahombeesa abandi, mbu lyo muyigaza. Munagweti mugasalira ukugendi yubaka kwiꞌrango, mbu lyo mufuuka ubuhanya.

Hamoosi 9:2

Kundu bangayihumbiraga halinde banahike i nakwere, ngayisa ukuboko, ninashubi bakulula. Na kundu bangashona mwiꞌgulu, ngabashungulula yo.

Yeremiya 49:16

We bwatiiri mu nyaala za mu migazi, we na twaziri amarango! Kundu wangayubaka inyumba hiꞌgulu bweneene, nga ngisha yoꞌtushuuta, ngaki kumanula ho. Keera mukayingiza abandu beꞌbindi bihugo mweꞌkinyukura. Kundu kwokwo, ubwikangaate keera bwakuteba.» Kwokwo, kwo Nahano adesiri.

Yeremiya 51:53

Akaaya keꞌBabeeri, kundu kanganunga halinde mwiꞌgulu, banagire mbu basikamye inzitiro zaako, zibe ngomu, halikago ngaki balungikira abagoma, bagendi kashereeza.» Kwokwo, kwo Nahano adesiri.

Hisaaya 10:14

Birya bindu byabo, nꞌgabinyaga, nga kwoꞌmundu ali mu jalabula ibyananyuni mu ngisha. Kiri neꞌbihugo byabo, nanabikumbulula, nga kwoꞌmundu ali mu kumbulula amagi keera ágazirwa. Ndaanaye úkabangula ukuboko kwage, kandi iri ayamuula akanwa, mbu ambage.» Nahano adetaga kwokuno: