Hobadiya 1:18 - Kifuliiru

¹⁸ Ku yikyo kyanya, Abahisiraheeri bagaaba nga muliro úguyasiri. Bagasivya abandu beꞌmbaga ya Hesahu lwoshi-lwoshi, nga kishuka. Ndaaye kiri woꞌmuti úgasigala. Kwokwo, kwo nie Nahano ndesiri!»

Hobadiya 1:18 Referans Kwoze

Zakariya 12:6

«Ku yikyo kyanya, ngaaba nga nayasa yabo batwali baꞌBayuda, babe nga kivumbo mu lubako, kandi iri nga ngoke nvunde mu biiro byeꞌngano. Kwokwo, kundu abandu bagaaba babazungulusiri, haliko, bagayami basivya, fye! Si abatuulaga beꞌYerusaleemu boohe, bagagenderera ukutuula mu kati koꞌbutoge.»

Hisaaya 10:17

Rurema, ulya Mulengeerwe gwaꞌBahisiraheeri, agaaba nga muliro. Ulya Mutaluule wabo agakoleesa umuliro mu kushereeza Abahasuriya. Guli mu boyola imigenge neꞌmihanda-njovu ku lusiku luguma.

Mika 5:8

Kwokwo, lyo mugalonga ukuhima abagoma biinyu. Ee! Yabo bagoma booshi, munakizi baminika.

Hezekyeri 37:19

Haaho, ubashuvye kwo nie Rurema Nahamwinyu nadetaga kwokuno: Yihyo hipahwa hyo Hifurahimu afumbiiti, hiri hyeꞌmwa Yusefu, bo neꞌmilala yoshi yaꞌBahisiraheeri. Aaho! Ngahiyabiira, ninahishwekere kuguma na hirya hyeꞌmwa Yuda. Kwo tuli twombi, ngatuhindula hibe higuma naaho mu kuboko kwani.

Hisaaya 5:24

Keera bakajanda amigirizo ga Nahano, anali ye Mwene Ubushobozi. Ee! Kundu Umutaluule waꞌBahisiraheeri agweti agaadeta, si batamútwaziizi. Ku yukwo, bagashereezibwa ngana, nga kwoꞌmuliro guli mu boyola ikishuka. Bagaaba nga mbuto yeꞌmizi ikoli boziri, na nga kwoꞌtwaso, tuli mu yehuulwa nga lukungu.

1 Bakorindo 3:12

Ngeeka mundu muguma angaluyubakira kwo neꞌnooro, neꞌharija, naꞌmabuye miija goꞌkukeyengana. Noꞌgundi, anayiji luyubakira kwo neꞌbiti, neꞌshodu, kandi iri ubundi-bundi bukere.

Nahumu 1:10

Yabo bagoma bagaaba nga ábakoli lalusiri, banakizi bambaajira, banajigimbe nga kishungu-shungu kyumu kyeꞌmigenge, banasiriire lwoshi-lwoshi.

Hobadiya 1:16

«E Bahisiraheeri, ikyanya mwâli ki tuuziri ku mugazi gwani mutaluule, nꞌgamùnywaniisa ku rusoozo lwoꞌburaakari bwani. Si leero, ibinyamahanga, byo bigakizi lunywera kwo. Bigalunywera kwo bweneene, halinde binalaluke. Noꞌbuzinda, binazimiire lwoshi-lwoshi.

Hamoosi 6:6

Si munagweti mugakizi gotomera idivaayi, nga ngiisi kwo musiimiri! Munali mu kizi yishiiga amalaasi goꞌmuhongolo mwija. Na kundu ikihugo kiinyu kikola kigaamala, si mutatwaziizi!

Hamoosi 5:15

Ngiisi mabi, mukizi gashomba, munabe mukuuziri amiija. Ikyanya mugakizi buulania abandu, mukizi kulikira ibyoꞌkuli. Kwokwo, balya beene Yusefu ábasigiiri, hali ikyanya Nahano Rurema woꞌbushobozi bwoshi angabakejeerera.

Yuheeri 2:5

Ikyanya biri mu simba-simba ku migazi, ikilundumo kyabyo, kiri nga kyaꞌmagaare giꞌzibo, kandi iri ngeꞌmbigi zoꞌmuliro úguli mu yigwima mu byasi byumu. Yibyo bizimu, ikyanya biri mu yija, biryagagi nga kiso kyaꞌbasirikaani, ábagweti bagateera abagoma.

Hezekyeri 37:16

«E mwana woꞌmundu, uyabiire ihitolo hyoꞌlupahwa, unahiyandike kwo yaga magambo: “ImwaꞌBayuda naꞌBahisiraheeri booshi kwo baliriinwi”. Ha nyuma, unayabiire ihindi, unahiyandike kwo yaga gandi magambo: “ImwaꞌBahifurahimu bagala Yusefu, bo naꞌBahisiraheeri booshi kwo baliriinwi”.

Hisaaya 47:14

Lolagi! Yabo banabwenge beꞌndonde, bagaki singooka nga kishuka kyumu. Ngiisi ábalangaliiri indonde, balyagagi busha. Bali nga byasi íbikola mu mala duba mu muliro. Umuliro mwene yugwo, ndaaye mundu úwangagukaluuka.

Hisaaya 31:9

Yabo Bahasuriya bagahuumirwa. Abakulu baabo, ikyanya bagabonaga amarembera giinyu giꞌzibo, bagaagira mbu bapuumuke. Umuliro gwa Nahano guli mu kizi yaka hiꞌgulu lyaꞌkaaya keꞌSayuni. Ibengesheeshe lyagwo liyamiri haaho i Yerusaleemu. Kwokwo, kwo Nahano adesiri.

2 Samweri 19:20

anadeta: «E nahamwitu, ndi mukozi wawe! Ku lulya lusiku ukalyoka mu kaaya keꞌYerusaleemu, nꞌgakuhubira bweneene. Yago mahube gaani, utaki gambaruurire, maashi!

Hisaaya 9:18

Kwokwo, Nahano woꞌbushobozi bwoshi, akoli rakiiri, anakola agajigiivya ikihugo. Gulya muliro, agaguduulika mu bandu, gira basingooke ngana. Ndaanaye mundu úgaagira mbu akejeerere mwene wabo.

Hisaaya 9:19

Yabo bandu, kundu bali mu manyulana imbande zooshi, si baki shalisiri. Ubuzinda, bagakizi lya kiri neꞌnyama zaꞌbaana baabo.

Yeremiya 11:23

Yako kaaya keꞌHanatooti, ikyanya ngakahana, ngakashereeza lwoshi. Ndaanaye úgafuushuka.»

Hamoosi 1:8

Abahashidoodi nabo, ngabazimiiza kuguma na mwami weꞌHashikelooni. Na mbuli hindukiraga akaaya keꞌHekurooni, na ngateere. Ee! Abafirisiti booshi ábagaaba basigiiri, bagaminikwa ngana-ngana!» Kwokwo, kwo Rurema Nahamwitu adesiri.

Kulyoka 5:12

Yabo Baheburaniya, iri bakayuvwa kwokwo, banayami yilagala mu bukere, gira balonge ukubumba mwaꞌmatafaari.