Hizira 9:4 - Kifuliiru

⁴ Bwo yabo bandu bakaba keera bagira ibala mwene yiryo, ngiisi ábâli yobohiri Rurema, banayiji yiguga ha butambi lyani. Nanabwatala kwokwo, ngoli shengusiri, halinde ku kyanya kyaꞌmatuulo gaꞌkabigingwe.

Hizira 9:4 Referans Kwoze

Hizira 10:3

Buno yaba bakazi, tunywane ikihango na Rurema kwo tubayimule, kuguma naꞌbaana baabo. Tukola tugakulikira ngiisi kwo watuhanuula, kiri naꞌmagambo ga ngiisi ábasimbahiri imaaja za Rurema witu. Byoshi bikizi koleka, ukukulikirana neꞌmaaja zaage.

Hisaaya 66:2

Yibyo byoshi, ka ndali nienyene nie kabibumba? Ee! Birya byoshi, biri byeꞌmwani.» Nahano adetaga na kwokuno: «Umundu úli mu nzimiisa naaho, ali ulya mutuudu, anabe anzimbahiri. Ikyanya ndi mu múbwira igambo, anayami lishishikala kwo.

Kulyoka 29:39

Kiguma kikizi tangwa ku mukyo. Neꞌkyabo kinatangwe kabigingwe.

Zaburi 119:136

Si abandu batali mu simbaha imaaja zaawe! Kyo kitumiri imigenge igweti iganvukumuka mu masu nga migezi.

2 Kutondobola 34:27

Keera ukayuvwa ngiisi kwo nꞌgadaaka kano kaaya, nanadaaka kiri naꞌbatuulaga baamwo. Haaho, umutima gwawe gwanajuguma, wanayibiika haashi imbere lyani. Wanadaatula ibyambalwa byawe, iri unaliruuka imbere lyani. Yibyo byoshi, keera nabiyuvwa.

Mikolezi 3:1

Lusiku luguma, Peturu na Yohana banagenda iwa nyumba ya Rurema ku bihe mwenda bya mwiꞌzuuba, bwo kyâli riiri kihe kyoꞌkuhuuna Rurema.

Danyeri 9:21

«Neꞌri nꞌgaba ngi genderiiri ukuhuuna, haaho-haaho umuganda Gabulyeri ananyijira ku kyanya kyoꞌkutanga ituulo lyaꞌkabigingwe, agweti agabalala mulindi-mulindi. (Ye yolya nꞌgabona mu galya gandi mabone.)

Hezekyeri 9:4

anamúbwira kwokuno: «Ugende ugalenga-lenga mu kaaya keꞌYerusaleemu, unabiike akalangikizo ku malanga gaꞌbandu booshi ábali noꞌmwizingeerwe, banakola mu lira hiꞌgulu lyeꞌbyagaza byoshi íbiri mu koleka mwo.»

Hizira 10:9

Ha nyuma lyeꞌsiku zishatu, abashosi booshi beꞌBuyuda, naꞌbeꞌBinyamiini, banakuumana i Yerusaleemu. Zâli riiri siku makumi gabiri, zoꞌmwezi gwoꞌmwenda. Abandu booshi banayiguga ha nyumba ya Rurema. Bâli koli shengusiri hiꞌgulu lyaꞌmahube gaabo. Na kwakundi, invula yâli gweti igaatonya.

Danyeri 10:2

«Ku yikyo kyanya, nie Danyeri nâli koli hisiizi amayinga gashatu ndi noꞌmwizingeerwe bweneene.

Kulyoka 29:41

«Neꞌkyanya mugakizi tanga kirya kibuzi kyaꞌkabigingwe, ukizi tanga niꞌtuulo lyoꞌmushyano, na lyeꞌkinywebwa, nga byebirya íbyatangwa ku mukyo. Umushiiriri gwa yago matuulo, gugakizi njambaaza. Niehe, nie Nahano.

Muharuuro 25:6

Ku kyekyo kyanya, Umuhisiraheeri muguma, anafundaga Umumidyani-kazi mu shumbi lyage. Ikyanya akagira kwokwo, kwâli riiri ku bweranyange imbere lya Musa, naꞌbandi Bahisiraheeri booshi. Na yikyo kyanya, Abahisiraheeri bâli gweti bagaliruukira ha mulyango gwiꞌheema lyeꞌmihumaanano.

Hisaaya 66:5

Mwe musimbahiri amagambo ga Nahano! Yuvwagwi ngiisi kwo akola mu mùbwira: «Ikyanya mwâli kizi ngulikira, beene winyu baguma bâli mùshombiri, banakizi mùyimula, iri banamùhonyoleza, ti: “Uyo Nahano winyu, ayerekanage ubulangashane bwage, gira tubone ngiisi kwo mugaaba mukoli shambiiri!” Yabo beene winyu, si bâye teezibwe ishoni!»