Hisaaya 7:6 - Kifuliiru

⁶ E balya, tugendi teera ikihugo kyeꞌBuyuda, halinde bahemuke. Ha nyuma, tunayimike mugala Tabeeri, abe mwami wabo.”

Hisaaya 7:6 Referans Kwoze

Hisaaya 7:1

Mwami Ahaazi âli mugala Yotamu, na mwijukulu Huziya. Uyo Ahaazi, ikyanya âli twaziragi i Buyuda, lyo mwami Resini weꞌHaraamu akayiji teera akaaya keꞌYerusaleemu, ali kuguma na Peka mwami waꞌBahisiraheeri, mugala Remalya. Kundu bakakateera, batanahasha ukukahima.

Hisaaya 7:5

«“Ku kasiisa, yabo baami bali mu kushungikira igambi libi. Banali mu deta, ti:

Hisaaya 7:7

«Kundu kwokwo, Nahano Rurema adetaga kwokuno: “Aahabi! Yiryo igambi lyabo, litâye koleke, kiri neꞌhiniini!

1 Baami 12:16

Abahisiraheeri booshi, ikyanya bakabona kwo mwami atabatwaza, banamúbwira kwokuno: «Ndaakwo kundi! Ndaayo ngoome yo tuki hiiti na Dahudi. Ndaanabwo buhyane bwo tuki hiiti kuguma noꞌyu mugala Yese. E Bahisiraheeri, ngiisi muguma witu agalukire imwage. E mwene Dahudi, ulolage inyumba yawe wenyene.» Kwokwo, ngiisi Muhisiraheeri anagalukira imwage.

2 Baami 11:2

Bagala umuhisi Ahaziya, booshi bâli mali shungikirwa ukuyitwa. Kundu kwokwo, nashengi Yosheeba anayabiira muguma, iziina lyage Yohaashi, anamúyongolokana, anagendi múbisha kuguma noꞌmulezi wage mu kisiika kyo âli kizi laala mwo mu nyumba ya Nahano. Uyo Yosheeba âli riiri munyere mwami Yoramu. Ikyanya akabisha Yohaashi, Hataliya atanaki longa ubulyo bwoꞌkumúyita.

2 Kutondobola 13:8

«Buno, mugweti mugayibona kwaꞌbandu biinyu bali bingi. Munagweti mugayihaya hiꞌgulu lyeꞌrya migisi yinyu yeꞌnyana, irya Yerobwamu akatula mu nooro. Munagweti mugayigamba, ti: “Tugagendi teera ubwami, bulya bwo Nahano akaheereza Dahudi naꞌba mu kibusi kyage.”

2 Kutondobola 21:7

Kundu kwokwo, Nahano atanasiima ukumúshereeza. Mukuba, âli mali gwanwa alagaania umukozi wage Dahudi, kweꞌbibusi byage byo bigagenderera ukutwala i Yerusaleemu, halinde imyaka neꞌmyakuula.

2 Kutondobola 28:5

Uyo Ahaazi, iri Nahano Rurema wage akabona ngiisi kwo agweti agaagira, anamúbiika mu maboko ga mwami weꞌSiriya. Ulya mwami anamúhima, anatwala abandu baage bingi imbohe, halinde i Damasiki. Na kwakundi, Rurema anamúbiika mu maboko ga mwami Peka mugala Remalya weꞌHisiraheeri. Uyo mwami, anamúhima, anayita abandu baage bingi.

Zaburi 21:11

Yabo bagoma, ugabaminika, kuguma naꞌbaana baabo booshi, hatanasigale kiri noꞌmuguma wabo.

Zaburi 83:3

Langiiza ngiisi kwaꞌbagoma baawe bagweti bagalunduma. Ka utabwini ngiisi kwo bakola bagakuteera?

Migani 19:21

Kundu umundu ali mu shungika bweneene mu mutima gwage, si ngiisi byo Nahano ashungisiri naaho, byo biri mu koleka.

Hisaaya 8:6

«Yabo Bayuda, kundu nâli batwaziri noꞌbutuudu nga bwaꞌmiiji goꞌlwiji lweꞌSilwamu, haliko batandwaziizi. Si keera banayoboha imbere lya mwami Resini, na mwami Peka mugala Remalya.