Hisaaya 6:11 - Kifuliiru

¹¹ Nanabuuza: «E Nahamwitu, yibyo byoshi, ngwiriiri ukukizi bigira, halinde mangoki?» Naye, ti: «Ukizi giraga kwokwo, halinde ku kyanya utwaya twabo tugaaba tusigiiri mushaka. Neꞌnyumba zaabo, zinasigale biguuka. Neꞌkihugo kyabo kinasherebere lwoshi-lwoshi.

Hisaaya 6:11 Referans Kwoze

Hisaaya 1:7

Ibinyamahanga bikola mu mùshahula imimbu, bikabuli singoola utwaya twinyu, halinde ikihugo kinashereezibwe lwoshi. Kundu kwokwo, mugweti mugabaloleera naaho.

Zaburi 94:3

E Nahano, banangora-mabi bagaahisa halinde mangoki bagweti bagayiheemya?

Hisaaya 3:26

Kwiꞌrembo lyaꞌkaaya, abandu bagakizi liruuka bweneene. Abakazi bagakizi yivuruguuza mu luvu, nga bandu keera ábashahulwa ibindu byabo byoshi.

Zaburi 90:13

E Nahano, si tulyagagi bakozi baawe! Aahago! Ugayama uli mu turakarira halinde mangoki? Ukizi tuyuvwirwa indengeerwa, maashi!

Balaawi 26:31

«Utwaya twinyu tuhamu, ngatujigiivya. Na ho mugweti mugayikumbira imigisi, ngahahindula libe ishamba. Na kundu mugakizi ndangira amatuulo goꞌkusiriiza, imishiiriri yago itaganzimiisa.

Zaburi 79:5

E Nahano, ka ugayama uturakariiri halinde imyaka neꞌmyakuula? Uluugi lwawe lugagenderera ukuyaka halinde mangoki?

Zaburi 74:10

E Rurema, ugaleka abagoma bagenderere ukukushekeereza halinde mangoki? Aahago! Ka bagagenderera ukutuka iziina lyawe halinde imyaka neꞌmyakuula?

Hisaaya 3:8

Abandu beꞌYerusaleemu, bakola mu siitara. Abandu beꞌBuyuda, bakola mu kizi gwa haashi. Mukuba, bagweti bagahagana na Nahano yenyene, mu kukizi deta íbitali nga byo, na mu kukizi gira amabi. Kundu Nahano alyagagi woꞌbulangashane, si bagweti bagamúgayiriza.

Hisaaya 5:9

Nayuvwa kwo Nahano woꞌbushobozi bwoshi ambwiraga kwokuno: «Yizo nyumba, kundu ziryagagi nyiija, si zigasigala biguuka! Na kundu ziri mbamu, zinalimbisiibwi, haliko, zigasigala mushaka, buzira bandu.

Hisaaya 13:12

Balya bandu, ngabaniihya kwo, babulike nga nooro muguuhya. Ee! Bagabulikaga nga nooro yeꞌHofiiri.

Hisaaya 32:14

Kiri naꞌkajumiro kagasigala kamaata. Utwaya twoshi, kundu tushuba mwoꞌlujongo, si tugasigala mushaka. Ulwingo lweꞌnaazi, kiri naꞌkaaya kazitire koꞌkutibitira mwo, byombi bigasigala biguuka, halinde imyaka neꞌmyakuula. Linasigale naaho igombaniro lya bapunda ba mu kishuka, neꞌbibuzi binakizi ragirira mwo.

Hisaaya 35:1

Mu yizo siku, kiri niꞌshamba lyâye shagaluke. Kundu liki yumagusiri, lyâye ki shambaale. Indagiriro zâye hiirwe, zinayase ngiꞌpamba.

Hisaaya 60:15

«E bandu beꞌYerusaleemu, mwâli kizi shombwa lwoshi, mwanâli jandagiirwi. Ndaaye mundu úwâli kizi ki mùlenga mwo. Haliko buno, ngamùgingika imyaka neꞌmyakuula! Mukolaga mugashambaaza abandu beꞌbibusi byoshi.

Hisaaya 64:10

Inyumba yo bashokuluza biitu bâli kizi kuyikumbira mwo, yâli ndaluule, yanâli limbiri bweneene. Kundu kwokwo, keera ikasingoolwa. Na byoshi byo twâli siimiri, bikola biguuka naaho.

Yeremiya 4:7

Abasirikaani bagahuluka, nga ndare íkola mu vuvunyuka mwiꞌbundo lyayo. Ee! Nakiminika keera akashaaga mu kihugo kyage, anakola mu njira, gira ayiji shereeza ikihugo kiinyu. Utwaya twinyu tugasigala biguuka, ndaanaye mundu úgatutuula mwo.

Yeremiya 22:6

«Na ku biloziri akajumiro kaꞌBayuda, Nahano adetaga kwokuno: “Ino nyumba ibuyahiri bweneene ukuhima ikihugo kyeꞌGiryadi, kiri noꞌlubako lweꞌmigazi yeꞌLebanooni. Kundu kwokwo, ngagihindula libe ishamba, ndaanaye úgashubi gituula mwo.

Yeremiya 44:2

Nahano woꞌbushobozi bwoshi, Rurema waꞌBahisiraheeri adetaga kwokuno: «Mwenyene mukayibonera ngiisi kwo nꞌgashereeza abandu beꞌYerusaleemu, naꞌba mu tundi twaya twoshi tweꞌBuyuda. Na buno, yutwo twaya, tukola mushaka. Ndaanaye mundu útutuuziri mwo, halinde zeene.

Yeremiya 52:27

Yeyo munda i Ribila mu kihugo kyeꞌHamaati, mwami anayami bayita booshi. Kwokwo kwaꞌbandu beꞌBuyuda bakatwalwa imbohe, hala neꞌkihugo kyabo.

Hezekyeri 6:6

«“Ngiisi twaya two mutuuziri mwo, tugahinduka biguuka. Na ngiisi ho muli mu yikumbira imigisi, hagahongolwa. Ututanda twayo, tugaashaka. Neꞌmigisi yinyu, igaki vungulwa-vungulwa, halinde inamale lwoshi. Ngiisi ho muli mu giyokera umubadu, hagahongolwa, na byoshi byo mwâli kizi kola, binashereezibwe.

Danyeri 8:13

«Lyeryo, nanayuvwa umuganda muguma agweti agaganuuza uwabo, anamúbuuza: “Ngiisi íbyamenyeesibwa mu yaga mabone, bigakoleka mangoki? Yukwo kuhuna, na yiryo ibala, bigahisagya isiku zinga biri mu boneka? Iyo nyumba ya Rurema, kiri naꞌbasirikaani ba mwiꞌgulu, bigagenderera ukufinwa-finwa halinde mangoki?”

Mika 2:4

Yizo siku, abagoma bagakizi mùhonyoleza. Banakizi yimba yulu lwimbo lwaꞌmaganya hiꞌgulu liinyu, ti: «Ala twe! Keera tukahererekera, twanamirwa lwoshi-lwoshi! Nahano keera akatunyagaga ikihugo kiitu, anakigabira abagoma biitu.»

Mika 5:11

Ngashereeza ibiheeko biinyu byoshi, halinde mutagaki ba noꞌmundu woꞌkumùlagula.

Mika 6:13

Bwo mukoli yifuuziri mu byaha, ngamùhombeesa, nꞌgabuli mùshereeza.

Balaawi 26:33

Ngamùshabulira mu mahanga. Na nyiji mùminika ku ngooti. Utwaya twinyu, tugahongolwa, halinde ikihugo kiinyu, kinasigale kimaata.

Bukengeeze 28:62

Kundu mwâli kanyegete nga ndonde, haliko mugasigalana bandu bagerwa naaho. Mukuba, mutakasimbaha Nahano, Rurema winyu.

Bukengeeze 28:63

«Yaho kare, Nahano âli siimiri ukumùgashaanira noꞌkumùluza. Haliko buno, agasiima ukumùzimiiza, halinde mutaki be ho. Na kundu akamùheereza ikihugo, haliko agaki mùkuusa mwo.

Mika 7:13

Ikihugo kigaashaka, kinabe kimaata, mukuba ábakoli tuuziri mwo, keera babihuuka bweneene.