Hisaaya 53:3 - Kifuliiru

³ Si abandu bâli kizi múshomba, iri banamúnegura. Âli kizi jengeerwa, noꞌkukizi libuuka, anaba kyagaza imbere lyabo, halinde banamúbona kwo atali kindu.

Hisaaya 53:3 Referans Kwoze

Mataayo 26:67

Balya bandu banatondeera ukutwira Yesu amate i malanga, banakizi mútitimba ibifune. Naꞌbandi, banakizi múhatuula imbi.

Hisaaya 53:10

Nahano ye kashungika kwo amúfute-fute, anakizi múlibuza, halinde anamúyitiisa hiꞌgulu lyeꞌbyaha biitu. Kundu kwokwo, ulya úkayitwa, ali mukozi wa Rurema, aganaki lama, halinde anabone abandu beꞌbibusi byage. Ngiisi byo Nahano âli mali gwanwa amúshungikira, byo na byebyo uyo mukozi agaagira.

Hisaaya 49:7

Wehe, abandu bakiri mu kugayiriza, banaki kushombiri. Ulyagagi muja naaho woꞌkukizi kolera abatwali. Kundu kwokwo, Nahano ali Lukiza, Umutaluule waꞌBahisiraheeri, anakola mu deta kwokuno hiꞌgulu lyawe: «Ikyanya abaami bagakizi kubona, bagakugingika. Kiri naꞌbakulu banakufukamire.» Kwokwo, ukizi mbiika kwoꞌmulangaaliro! Mukuba, nie Nahamwinyu, Umutaluule waꞌBahisiraheeri. Keera nanakutoola.

Mariko 14:34

Yesu anababwira: «Guno mwizingeerwe úgukoli nyijwiri mwo, gugahambiri nyita! Sigali hano, mulaliire kuguma na naani.»

Hisaaya 53:4

Ulya mukozi, ku kasiisa, akayabiira amalwazi giitu, anabetula neꞌmizingeerwe yitu. Haliko, ikyanya tukabona ngiisi kwo akola mu libuzibwa, twanabona kwo Rurema ye wâli kizi múhana mu kumúkubula ingoni, iri anamúteeza ishoni.

Baheburaniya 5:7

Ikyanya Yesu âli ki riiri hano mu kihugo, âli kizi huuna Rurema kwiꞌzu lihamu. Âli kizi lira, iri anamútakira ku migenge mingi. Mukuba, Rurema, ye wâli shobwiri ukumúkiza mu lufu. Na bwo Yesu âli kizi músimbaha ku butuudu bwoshi, kyanatuma Rurema agayuvwa amahuuno gaage.

Hisaaya 50:6

Ikyanya abandu bâli mu ngubula ingoni, na mbatege umugongo. Neꞌkyanya bakanguula ulwanwa, nanabatega amatama. Kiri neꞌkyanya bali mu mbonyoleza, noꞌkundwira amate, ndali mu babisha amalanga.

Baheburaniya 4:15

Na ku luhande lwoꞌbukaholwe bwitu, ashobwiragi ukutuyuvwirwa indengeerwa. Mukuba, ngiisi kwo tuli mu gezibwa, kwo naye akagezibwa. Si yehe, ndaakyo kyaha kyo akagira.

Luka 9:22

Anababwira: «Umwana woꞌMundu, akwiriiri akizi libuzibwa ku njira nyingi. Agalahirwa naꞌbashaaja baꞌBayahudi, naꞌbakulu baꞌbagingi, naꞌbigiriza beꞌmaaja, anayitwe. Halikago, ku lusiku úlugira izishatu, anazuuke.»

Luka 16:14

Abafarisaayo, mbu bayuvwagwe byoshi byo Yesu akadeta, banatondeera ukumúshekeereza, wa yuuhu! Mukuba, boohe, bâli kuuziri ifwaranga bweneene.

Luka 8:53

Yabo bandu, iri bakayuvwa kwokwo, banatondeera ukumúshekeereza, ti shoshoo! Mukuba, bâli yiji kwo keera afwa.

Mariko 15:19

Yabo basirikaani, banakizi múhuula-huula umulonge mwiꞌtwe. Banakizi mútwira na kwaꞌmate. Banakizi fukama imbere lyage, mu kuyigira nga bagweti bagamúyikumba.

Mariko 9:12

Yesu anabashuvya: «Biri ukuli kwo Hiriya akwiriiri atee yija, agwanwe ategeka ibindu byoshi. Kuguma na yibyo, kituma kiki biyandisirwi kwoꞌMwana woꞌMundu akwaniini akizi longa amalibu mingi, anakizi gayirizibwa bweneene?

Yohana 11:35

Yesu anatondeera ukulira.

Yohana 8:48

Balya Bayahudi, ti: «Ikyanya tukadeta kwo uli Musamariya, na kwo wasireha, si byâli riiri byoꞌkuli!»

Mataayo 27:63

banamúbwira: «E Nahano, irya ngalagaaja, twakengeera kweꞌkyanya yâli ki riiri ngumaana, ikadeta: “Ngayitwa. Haliko, ku lusiku úlugira izishatu, ngazuuka!”

Mika 5:1

Nahano adeta kwokuno: «E kaaya keꞌBetereheemu yeꞌHefurata! Mu bandu beꞌBuyuda, wehe, we kaaya kaniini. Kundu kwokwo, mu mwawe mwo mugalyokaga umutwali waꞌBahisiraheeri.» Invuuko yage iri ya mu bandu ba keera bweneene.

Zakariya 11:8

Mu mwezi muguma naaho, nanayami yimula abangere baabyo bashatu. Kundu kwokwo, birya bibuzi, ndanaki biyigenderera. Nabyo, byananjomba.

Bukengeeze 32:15

«Kwokwo, kundu Abahisiraheeri bakajega, haliko banahuna imbere lyage. Emwe! Bakalya, banajega, banafiika. Ha nyuma, banajanda Rurema wabo, kundu ye kababumba. Bakagayiriza lukiza wabo, kundu ali lwala lukomu.

Luka 19:41

Yesu anayegerera akaaya keꞌYerusaleemu. Neꞌri akakabandaga kwaꞌmasu, anatondeera ukukalirira,

Zaburi 69:29

Ubahotolage mu kitaabo kyoꞌbulamu, utanababiike mu muharuuro gwa ábakwaniini.

Mariko 10:33

«Lolagi! Tukola mu zamuukira i Yerusaleemu. Neꞌyo munda, Umwana woꞌMundu agatangwa mu bakulu baꞌbagingi, na mu bigiriza beꞌmaaja. Bagamútwira ulubaaja lwoꞌkuyitwa, babuli mútanga mu bapagaani.

Mariko 10:34

Yabo bapagaani, bagamútyoza, iri banamútwira amate, banamúkubule ingoni, babuli múyita. Kundu kwokwo, ku lusiku úlugira izishatu, agazuuka!»

Hisaaya 52:14

Kundu kwokwo, ikyanya abandu bakamúbonaga, banakanguka. Amalanga gaage gâli kola kundi-kundi, atanâli ki shushiri nga mundu.

Zaburi 88:4

Amalibu gaani gakoli leeziri ulugero. Na buno, ngola bu fwa.