Hisaaya 5:1 - Kifuliiru

¹ Ngayimbira umukundwa wani ulwimbo, hiꞌgulu lyeꞌndalo yage yeꞌmizabibu: Ee! Âli hiitagi indalo yeꞌmizabibu, ku higangazi íhiri kweꞌnagiira.

Hisaaya 5:1 Referans Kwoze

Mariko 12:1

Yesu anatondeera ukudeta na yabo bandu ku njira yeꞌmigani, anababwira kwokuno: «Hâli riiri umundu muguma úkabyala indalo yage mweꞌmizabibu. Uyo mundu, anagizungulusa ikyogo, anagihumba mweꞌkishimo kyoꞌkukizi kandira mwo, anagiyubaka na mweꞌkitunda kyaꞌbalaazi íkishuumiri. Ha nyuma, anagitiiza abahiizi, anabalamira i mahanga.

Luka 20:9

Yesu anatwira abandu umugani kwokuno: «Hâli riiri mundu muguma, úkabyala indalo yage mweꞌmizabibu. Uyo mundu anagitiiza abahiizi, anabalamira i mahanga, anamala yeꞌsiku nyingi.

Yohana 15:1

«Niehe niꞌsina nirizina lyoꞌmuzabibu. Na Daata ye muhiizi.

Mataayo 21:33

Yesu anashubi babwira kwokuno: «Muyuvwirize ugundi mugani. Hâli riiri mundu muguma úkabyala indalo yage mweꞌmizabibu. Uyo mundu, anagizungulusa ikyogo, anagihumba mweꞌkishimo kyoꞌkukizi kandira mwo, anagiyubaka na mweꞌkitunda kyaꞌbalaazi íkishuumiri. Ha nyuma, anagitiiza abahiizi, anabalamira i mahanga.

Yeremiya 2:21

Ikyanya nꞌgamùbyala, nâli yiji kwo muli muzabibu nirizina, na kwo mukwaniini. Aaho! Kutagi buno, keera mwahinduka milandira íkola mu landa-landa bwalaafwe? Kiri neꞌmizabibu íri mu mùtongeka kwo, si iryagagi mizabibu mibi ya mu kishuka?

Zaburi 80:8

E Rurema woꞌbushobozi bwoshi, utugalulire imwawe. Utuyerekage ubwija bwawe, halinde lyo tukizibwa.

Lwimbo Lwija 2:16

«Umukundwa wani alyagagi weꞌmwani. Na naani ndi weꞌmwage. Ali nga kitugwa íkigweti kigaragira mu twaso tweꞌyungiyungi.

Lwimbo Lwija 6:3

Ndi weꞌmwa mukundwa wani. Naye, ali weꞌmwani. Agweti agaragirira mu yungiyungi.»

Lwimbo Lwija 5:16

Akanwa kaage, kanuniri bweneene. Asimisiizi ngana ku njira zooshi. E banyere beꞌYerusaleemu! Yolya, ye mukundwa wani, anali ye mwira wani!»

Lwimbo Lwija 5:2

«Kundu nâli huniiri, si umutima gwani gwâli ki laliiri, nanayuvwa ikindu kyalasa. Kiziga, umukundwa wani ye gweti úgayiguza. Anambwira kwokuno: “E mukundwa wani, unali ngunde yani! Ulyagagi weꞌmwani.”» «Aaho! E mwali wani mukundwa, unyigulire maashi! Wehe uli ngunde yani, ndaako kashembo ko uhiiti. Itwe lyani liyijwiri ikimi. Noꞌmushaku gwani, gwaloba noꞌbutonyanga bwa mu bushigi.»

Zaburi 45:1

Imwoꞌmwimangizi waꞌbimbi. Amigirizo gaꞌbaana ba Koora. Ulwimbo lwoꞌbugeni.

Zaburi 101:1

Izaburi ya Dahudi. E Nahano, ngakizi kuyimbira inyimbo zoꞌbwivuge, na ngizi menyeesania ngiisi kwo uli mu kundana, na ngiisi kwo ukwaniini.

Zaburi 60:5

Abandu baawe, keera ukabayingiza mu makuba bweneene. Idivaayi yo watuheereza, keera yatulalusa, na buno tukola mu bambaajira.

Yeremiya 12:10

Abangere bingi, keera bayilala mu ndalo yani yeꞌmizabibu, banagishereeza. Iyo ndalo, kundu ishuba nyiija, haliko bagagilibata-libata mwo, banagihindula libe ishamba.

Hezekyeri 15:2

«E mwana woꞌmundu, umulandira gwoꞌmuzabibu, ka gwo mwija ukuhima ibiti bya mu lubako?

Hosheya 10:1

Abahisiraheeri bâli riiri nga muzabibu mwija, úgwali kizi joojeka bweneene. Halikago, ikyanya bakalonga ibindu bingi, banatondeera ukukizi yubaka ututanda twa kundi-kundi. Na ngiisi kweꞌkihugo kyabo kyâli kizi genderera ukugala, banakizi limbiisa inguliro zaabo ndaluule zoꞌkuyikumbira kwo.

Bukengeeze 8:7

«Buno Nahano, Rurema winyu akola agamùleeta mu kihugo kiija. Mu yikyo kihugo, muli inyiiji, muli neꞌshyoko nyingi zaꞌmiiji. Yago miiji, gali mu zununuka mu kuzimu, ganakizi hinga mu migazi, kiri na mu ndekeera.

Bukengeeze 8:10

Ikyanya mugaaba keera mwalya, munabe mukoli jeberiiri mu kihugo kiija kyo Nahano akamùheereza, haaho, mukizi tanga kongwa imwage.»

Hezekyeri 19:10

«Uyo nyoko, âli riiri nga muzabibu mu ndalo, úgwâli byazirwi haꞌmiiji. Yugwo muzabibu, ikyanya gukakizi longaga amiiji, gwanatongeka kweꞌbitumbwe bweneene.