Hisaaya 48:3 - Kifuliiru

³ Yaho kare, nâli mali gwanwa namùmenyeesa íbigakoleka. Ha nyuma, nanatondeera ukubikwiza, byanabuli kizi koleka.

Hisaaya 48:3 Referans Kwoze

Hisaaya 42:9

Lolagi! Ngiisi byo nꞌgagwanwa nadeta, keera byakoleka. Na buno, ngola mu menyeesa ibihyahya. Ee! Ngola mu mùganuulira byo, bítazi koleka.»

Hisaaya 41:22

Aaho! Iyo migisi yinyu, itumenyeesagye keera íbikalenga, gira tubiyitoneese kwo. Na kwakundi, itulagulage ngiisi íbyâye be, tugwanwe twabimenya.

Yoshwa 21:45

Emwe! Mu mihango yoshi yo Nahano âli balaganiziizi, ndaagwo kiri noꞌmuguma úgukabulika. Si imihango yoshi, akagikwiza.

Hisaaya 45:21

Balya bandu, mubabwirage kwo banyijire. Ee! Tuganuulire kuguma! Ngiisi íbiri mu koleka buno, nyandagi úkagwanwa abiyerekana? Ka hali úkagwanwa abimenyeesa? Nanga, maashi! Si niehe Nahano naaho nie kabideta! Kwokwo, ndaaye gundi Rurema, átali niehe. Nie Lukiza úkwaniini, na ndi Rurema woꞌkuli. Ndaaye gundi úli ho!

Hisaaya 43:9

Ee! Mukuumanie ibinyamahanga byoshi. Iyo myazi yoshi, mu migisi yabo, guhagi úgukagwanwa gwadeta kwo bigakoleka? Si ndaagwo! Iri yangahasha ukutulagula, ileetage utumasi twabo, tusise. Kwokwo, lyo twangabayuvwiriza, tunayemeere, ti: «Kwo biri.»

Hisaaya 37:7

Yuvwagwi! Ulya mwami, ngamúbiika mwoꞌmutima gweꞌkyoba. Ikyanya imyazi mirebe igamúhikira, agayami galukira mu kihugo kyage. Haaho, lyo ngamúyitiisa ku ngooti.”»

Hisaaya 37:29

Ewe! Uburaakari bwawe, keera bwambikira, nanayuvwa ubwikangaate bwawe. Kwokwo, ngakugosa mu kukubiika igera mwiꞌzulu. Na ngubiike ikyuma mu kanwa. Na ngugalule mu yerya njira yo ukayija mwo.»

Hisaaya 29:5

Kundu kwokwo, abagoma baawe, bagatumuulwa nga lukungu. Na kundu balyagagi katundu, banali banambamba, si bagalyosibwa ngana, nga byula íbiri mu yehuulwa. Masaasa atabukwa, yibyo byoshi bigayami koleka.

Hisaaya 30:13

Yikyo kyaha kiinyu kigayami mùleetera ubuhanya. Kigaaba nga kibambaazi íkishuumiri, kinali mwoꞌbulali. Yikyo kibambaazi, kiri mu tee hengama. Masaasa atabukwa, kinayami yihongoleka haashi.

Hisaaya 41:27

Niehe naaho, nie katangi menyeesa abandu beꞌSayuni kwokuno: “Baabano bakoli gweti bagataaha!” Ee! Iyo myazi miija, nie kalungika umundu, gira agendi gimenyeesa mu bandu beꞌYerusaleemu.