Hisaaya 45:21 - Kifuliiru

²¹ Balya bandu, mubabwirage kwo banyijire. Ee! Tuganuulire kuguma! Ngiisi íbiri mu koleka buno, nyandagi úkagwanwa abiyerekana? Ka hali úkagwanwa abimenyeesa? Nanga, maashi! Si niehe Nahano naaho nie kabideta! Kwokwo, ndaaye gundi Rurema, átali niehe. Nie Lukiza úkwaniini, na ndi Rurema woꞌkuli. Ndaaye gundi úli ho!

Hisaaya 45:21 Referans Kwoze

Hisaaya 45:5

Niehe, nie Nahano. Ndaanaye gundi Rurema úli ho. Kundu utâli nyiji, si ngweti ngakusikamya.

Hisaaya 43:11

Niehe naaho nie Nahano. Ndaanaye gundi úwangaguluula abandu, átali nienyene.

Hisaaya 43:9

Ee! Mukuumanie ibinyamahanga byoshi. Iyo myazi yoshi, mu migisi yabo, guhagi úgukagwanwa gwadeta kwo bigakoleka? Si ndaagwo! Iri yangahasha ukutulagula, ileetage utumasi twabo, tusise. Kwokwo, lyo twangabayuvwiriza, tunayemeere, ti: «Kwo biri.»

Sefaniya 3:17

Rurema Nahamwinyu, mutuliinwi. Ali kihagarusi! Aganamùhimira. Ee ma! Agakizi mùsiimira bweneene, muganakizi luhuuka mu kati koꞌrukundo lwage. Agakizi mùshambaalira ku nyimbo, mu kati koꞌmulengo.»

Hisaaya 48:14

Mweshi mukuumanage, gira muyuvwirize. Nahano keera atoola Kiiro, abe mwira wage, gira agendi teera i Babeeri. Aaho! Mu mizimu yinyu, ka hali úgukagwanwa gwadeta kwokwo? Aahabi!

Hisaaya 45:25

Si hiꞌgulu lya Nahano, Abahisiraheeri bagakizi haruurwa kwo bo bakwaniini, banakizi múhuuza.

Hisaaya 45:18

Nahano Rurema, ye kabumba igulu, neꞌkihugo, anabisikamya. Na íbitumiri akagiraga kwokwo, kutali mbu kituule kimaata. Nanga, maashi! Si akabumba abandu kwo bakituule mwo, anadetaga kwokuno: «Nie Nahano, ndaanaye gundi.

Hisaaya 45:14

Nahano adetaga kwokuno: «Abamiisiri bagaaba bandu baawe, kuguma naꞌBahendyopiya, naꞌBasheeba. Ibindu byabo, we bigayegukira. Bagakizi yija bakushalagiiri nga mbohe ízishwesirwi neꞌmigufu, banakizi kufukamira, iri banadeta: “Ku kasiisa mutuliinwi na Rurema. Ndaanaye gundi úli ho.”»

Hisaaya 43:3

Niehe, nie Nahano Rurema winyu! Ndi Mutaluule waꞌBahisiraheeri, na ndi nie Lukiza winyu. «Mu kumùguluula, nꞌgatanga ikihugo kyeꞌMiisiri, kiri na kyeꞌKuushi na kyeꞌSheeba.

Hisaaya 63:1

Hali ikikalage íkiri mu lyoka i Bosira, mu kihugo kyeꞌHedoomu. Agweti aganooka-nooka, anayambiiti ikanju lyeꞌbitorotonde bidukula. Aahago! Uyo kikalage ali nyandi? Nahano ashuvya: «Nie kikalage. Nie mu kizi deta íbikwaniini. Mukuba nie shobwiri ukumùkiza.»

Hisaaya 48:3

Yaho kare, nâli mali gwanwa namùmenyeesa íbigakoleka. Ha nyuma, nanatondeera ukubikwiza, byanabuli kizi koleka.

Hisaaya 41:26

Imyazi mwene iyo, nyandagi keera úkagihwehuka, halinde tugwanwe twagimenya? Nyandi úkagilagula, halinde tudete kwokuno: “Kwokwo, kwo biri!” Si mu kati kiinyu, ndaaye kiri noꞌmuguma úkagwanwa adeta. Ee! Yago magambo, ndaabyo mukadeta hiꞌgulu lyago.

Zaburi 96:10

Mukizi deta mu mahanga, ti: «Nahano ye mwami. Agaanatwa imaaja zaꞌbandu booshi mu kati koꞌkuli. Ikihugo kidediiri, kitanâye jugumbane.»

Zaburi 26:7

Ngweti ngamenyeesa abandu ngiisi kwo ukwaniini ukuyivugwa. Na ngizi baganuulira ngiisi kwo uli mu kola ku njira ya kahebuuza.

Zakariya 9:9

E bandu beꞌSayuni! Mushambaalage! E bandu beꞌYerusaleemu! Mubandage akabuuli! Langiizi! Mwami winyu agweti agamùyijira. Uyo mwami, ye kwaniini, anali muhimi. Kuguma na yibyo, ali mutuudu, anashoniri ku punda. Punda wage, akiri mwanuke.

Yeremiya 50:2

«Mukizi menyeesa ibinyamahanga indumwa, buzira kubibisha umwazi. Muyimusagye irembera, mu kubamenyeesa kwaꞌBababeeri bagwatwa imbira. Imigisi yabo igateezibwa ishoni, halinde inavungulwe. Iyo migisi yabo Beeri, na Merodaaki, igateteerwa, inahuumirwe bweneene.

Sefaniya 3:5

Kundu kwokwo, kalya kaaya, Nahano aki katuuziri mwo, anayamiri ali woꞌkuli. Yehe, ndaakyo kyanya ali mu gira igambo íritakwaniini. Ngiisi lusiku shesheezi, ali mu twa imaaja mu kati koꞌkuli, anayamiri ayemiirwi. Halikago, abakozi baꞌmabi boohe, ndaazo ishoni bayuvwiti, kiri neꞌhiniini.

Mikolezi 15:18

Ganali go nꞌgamenyeesa ukulyokera keera.”»

Zaburi 83:18

Balya bagoma bakizi teteerwa, banakizi yama bashengusiri. Ee! Bagendi fwira ku mbinga.

Hisaaya 19:20

Iyo nguliro, igakizi menyeesa abandu kwo Nahano woꞌbushobozi bwoshi akola mu kihugo kyabo kyeꞌMiisiri. Kwokwo, ikyanya bagateerwa naꞌbagoma, banabe bali mu tabaaza Nahano, haaho agayami batumira umundu woꞌkubakingira, anabaguluule.

Hisaaya 60:16

Ibinyamahanga bigakizi mùleetera ibyokulya byabo, mugaalerwa naꞌbaami baabo. Haaho lyo mugaamenya kwo nie Nahano, Lukiza winyu, na kwo nie Rurema wa Yakobo, Mwene Ubushobozi.

Hosheya 13:4

«Mumenyage kwo ho nꞌgamùlyokeza mu kihugo kyeꞌMiisiri, nie Nahano Rurema winyu. Ndaanaye gundi Rurema, átali nienyene. Ndaanaye gundi Lukiza ye mugweti.

Zakariya 14:7

Emwe! Lulya lusiku, lugaaba kwalwo-kwalwo. Nahano yenyene naaho ye lusobanukiirwi. Si umulege-rege gutagaki ba noꞌbukiiri, kandi iri ubushigi. Ulukeera lugakizi tanguula, kiri mu kabigingwe.

Zakariya 14:9

Nahano agaaba ye mwami weꞌbihugo byoshi. Yehe yenyene ye gakizi yikumbwa nga Nahano. Ee! Iziina lyage naaho, lyo ligalumbuuka.