Hisaaya 4:4 - Kifuliiru

⁴ Abakazi baꞌkaaya keꞌYerusaleemu, kundu bâli kizi yifunda mu bitalaalwe, haliko Nahano agaki bayeruusa. Na kundu umuko gukayoneka bweneene mu yako kaaya, agaki kashuka. Ee! Agashuka i Yerusaleemu ku njira íkwaniini, kiri na ku yoꞌmuliro.

Hisaaya 4:4 Referans Kwoze

Hezekyeri 36:25

Ha nyuma, ninamùyeruuse, mu kumùshaangira kwaꞌmiiji meeru. Bwo muyulubiiri hiꞌgulu lyoꞌkuyikumba imigisi, ngamùyeruusa

Zakariya 13:9

Yabo ábagaaba bakoli sigiiri, ngabaleeza mu muliro, halinde banayeruuke. Ikyanya ngabayeruusa mu muliro, kugaaba nga kuyeruusa inooro neꞌharija. Ikyanya bagaaba bakola beeru, bagandabaaza, naani na mbashuvye. Ngaadeta, ti: “Bandu baani, yaba!” Nabo, ti: “Nahano, ye Rurema witu!”»

Mataayo 23:37

«E Yerusaleemu, e Yerusaleemu! Si we gweti ugayita abaleevi! Ee ma! Ngiisi ábali mu tumwa imwawe, uli mu balasha amabuye. Nâli loziizi ukukuumania abandu baawe, nga kweꞌngoko iri mu vumbeera ibyanagoko byayo. Haliko mutanalooza!

Hezekyeri 36:29

«Kundu muki yulubiiri, ngamùkiza. Na njubi kyula kweꞌngano iyere bwija. Ndanaki leke kwoꞌmwena gushubi mùteera.

Hisaaya 28:6

Lyeryo, lyo agaheereza abatwi beꞌmaaja ubwitegeereze, gira bakizi zitwa ku njira íkwaniini. Naꞌbasirikaani ábagaaba bali mu lwira irembo lyaꞌkaaya, agakizi bakania indege.

Zakariya 13:1

«Ku yikyo kyanya, ishyoko igatondeera ukuhinga, gira iyeruuse ibyaha bya beene Dahudi, neꞌbyaꞌbatuulaga beꞌYerusaleemu.»

Hezekyeri 22:15

«Ngamùshabulira mu binyamahanga, halinde yibyo bitalaalwe biinyu binamale.

Kimombo 1:9

Kundu ibitalaalwe byage byâli kizi múkululira umwama, si atâli kizi gutwaza. Kyanatuma agayiyulubaza bweneene. Kwokwo, ikyanya akayihongoleka haashi, ndaaye úkayiji múholeeza. Akolaga mu yinginga Nahano, ti: «E Nahano, langiiza ngiisi kwo nalonga ubuhanya! Si abagoma keera bambima!»

Hisaaya 9:5

Umwana, keera akabutwa hiꞌgulu liitu. Ee! Tukoli haabirwi umwana woꞌbutabana. Uyo mwana agayimikwa, gira abe mutwali waꞌbandu baage. Anakizi buuzibwa Muhanuuzi wa kahebuuza, na Rurema woꞌbushobozi, na Daata weꞌmyaka neꞌmyakuula, na Muluzi woꞌmutuula.

Hisaaya 1:31

Mu kati kiinyu, abanamisi bakola bagaaba nga byasi byumu! Imikolezi yabo yoshi, igaaba nga shashala. Balya booshi, kuguma neꞌmikolezi yabo, bagasingookera mu muliro, ndaanaye úgaahasha ukuguzimya.

Hisaaya 1:15

Bwo mugweti mugayitana, amaboko giinyu gakoli yijwiri umuko! Kwokwo, ikyanya mugakizi gagolola mbu mundabaaze, ngakizi mùhindulira ingoto. Kundu mwangambuuna bweneene, ndangaki mùtega amatwiri.

Sefaniya 3:1

Yayewe imwawe, e kaaya keꞌYerusaleemu! Si ulyagagi muhuni! Abandu baawe bakoli bihuusiri, banagweti bagakizi komeresania.

Zaburi 51:2

Ikayandikwa ku kyanya mwami Dahudi akagira ubushule na Batisheeba, umuleevi Natani anayiji múyerekeza.

Lwimbo Lwija 3:11

«E banyere beꞌSayuni, muhuluke, muyiji bona mwami Sulumaani. Uyo mwami ayambiiti lulya lushembe lwo akayambikwa na nyina. Ee! Akaluyambikwa ulusiku lwoꞌbuhya. Lulya lusiku, umutima gwage gwâli gweti gugashambaala ngana-ngana!»

Hisaaya 9:19

Yabo bandu, kundu bali mu manyulana imbande zooshi, si baki shalisiri. Ubuzinda, bagakizi lya kiri neꞌnyama zaꞌbaana baabo.

Hisaaya 1:25

Aaho e Yerusaleemu! Tukolaga tugahagana twembi! Amabi gaawe gooshi, ngola ngagayeruusa, na ngulyokeze íbitali nga byo.

Hisaaya 27:9

Kwokwo, kwo Rurema agahotola amabi gaꞌBahisiraheeri. Mango ayusagya, ututanda twoshi tweꞌkipagaani tugavungulwa, tunasigale luvu naaho. Ndaagwo mugisi gwa Hasheera úgugasigala, kandi iri akatanda koꞌkuguyokera kwoꞌmubadu.

Yeremiya 9:6

Nahano woꞌbushobozi bwoshi ashubi detaga kwokuno: «Yabo Bayuda, ngola ngabagera, nga kwo bali mu leeza ikyuma mu muliro. Ndaakwo kundi nangabagirira, bwo bakoli yifuuziri mu byaha.