Hisaaya 4:1 - Kifuliiru

¹ Hâye ki be ulusiku, abakazi balinda bagakizi fyedekania umushosi muguma, ti: «Ewe! Ibyokulya neꞌbyambalwa, byohe, tugakizi biyigulira twengwa. Si byo tuloziizagi naaho, utuyange, maashi! Utushaagize ishoni, we kongwa we!»

Hisaaya 4:1 Referans Kwoze

Ndondeko 30:23

Ikyanya uyo Laheeri akaheeka inda, anabuta umwana woꞌbutabana, anadeta: «Leero, Rurema andyosa ishoni.»

Hisaaya 2:17

Ku kirya kyanya, Nahano naaho ye gakizi huuzibwa. Si abanabwikangaate boohe, bagatindimazibwa, banagoke mu kati keꞌshoni.

Hisaaya 13:12

Balya bandu, ngabaniihya kwo, babulike nga nooro muguuhya. Ee! Bagabulikaga nga nooro yeꞌHofiiri.

Luka 21:22

«Mukuba, mu yizo siku, abandu bagahanirizibwa, ukukulikirana naꞌmagambo gooshi ágakagwanwa gayandikwa mu Mandiko Meeru.

Luka 1:25

«Bino byoshi, Nahano ye wabingirira! Leero naani angengeera, ananjaaza ishoni mu bandu!»

2 Batesaloniki 3:12

Kwiꞌziina lya Nahamwitu Yesu Kirisito, twakengula abandu mwene yabo. Twabakomeereza kwo batuuzagye. Ngiisi byo bagaalya, bakizi biyikolera!

Hisaaya 17:7

Ku yulwo lusiku, Abahisiraheeri bagashubi lola ku Mulemi wabo. Ee! Amasu gaabo gagakizi lola, kuꞌlya Mutaluule wabo.

Hisaaya 10:20

Ku yikyo kyanya, hagasigala Abahisiraheeri bagerwa naaho. Yabo, batagaki yegamira abandu beꞌHasuriya, banali bo bakabahima. Si leero umulangaaliro gwabo, bagagubiika imwa Nahano, Umutaluule waꞌBahisiraheeri.

1 Samweri 1:6

Uyo nakororo Peniina âli kizi shomboroza Haana. Anakizi múraakaza, mbu bwo Nahano akamúyima ibuta.

Hisaaya 2:11

Hâye ki be ulusiku, lwo Nahano naaho ye gakuzibwa! Si abanabwihemye boohe, bagabiikwa haashi. Ee! Abanabwikangaate bagakizi goka mu kati keꞌshoni.

Hisaaya 3:6

Ku yikyo kyanya, umundu agakizi bwira mwene wabo ye babutanwa: «Si we ki hiiti ibyambalwa. Aahago! Ube we gaaba mutwali witu. Bino biguuka, we kolaga ugabiyimangira!»

Hisaaya 54:4

Utayobohe, utanavunike indege! Mukuba, utâye ki yagagale, kandi iri kugayirizibwa. Kundu ukateezibwa ishoni mu busore bwawe, yibyo byoshi, ukola ugabiyibagira. Na kundu ukahonyolezibwa bweneene, mbu bwo ulyagagi namufwiri, birya byoshi, utâye ki bikengeere.

Yeremiya 15:8

Bwaꞌbashosi bakola bagayitwa, banamufwiri bagaluguuka ukuhima umushenyu kwiꞌbuga. Ngayitiisa kiri neꞌmisore ku kyanya bakiri bikalage. Kwokwo, banyina bagashenguka, iri banabululuka.

2 Samweri 6:23

Uyo Mikaali munyere Sahuli, analindi fwa átabuta.