Hisaaya 27:11 - Kifuliiru

¹¹ Yabo Bahisiraheeri balyagagi nga matavi ágayumuusiri. Ikyanya gali mu konyoka, abakazi banakizi yiji gashenya. Yabo Bahisiraheeri balyagagi bizeeze, ndaanalyo igambo basobanukiirwi. Kundu Rurema ye kabalema, si atakiri mu baholeeza. Kundu ali Mulemi wabo, atakiri mu bayuvwirwa indengeerwa.

Hisaaya 27:11 Referans Kwoze

Yeremiya 8:7

Akabangarara kayiji-yiji ikyanya kyoꞌkubunga. Kiri niꞌhumba, naꞌkalembe-rembe, noꞌtushuta, nabyo biyiji ikyanya kyo biri mu bunga kwo. Halikago, yabo bandu baani boohe, batayiji byo Nahamwabo aloziizi.

Hisaaya 44:24

Nahano, Lukiza wawe, akakubumba mu nda ya nyoko. Anadetaga kwokuno: «Ibindu byoshi, nie kabibumba. Ee! Nienyene nie katabika igulu, nanabumba neꞌkihugo.

Hisaaya 43:7

Yabo booshi bayije imwani, kwo bali mu buuzibwa kwiꞌziina lyani. Nie kababumba, gira mbalongere mwoꞌbulangashane.»

Hisaaya 43:1

E beene Hisiraheeri! Nahano, ye kamùbumba, anadetaga kwokuno: «Mutakizi yoboha! Si keera nꞌgamùhamagala mwiꞌziina liinyu, nanamùguluula, halinde mwanaba bandu baani!

Hisaaya 1:3

Emwe! Ingaavu ziyiji sheebuja. Kiri na bapunda bayiji ho bali mu liira. Si Abahisiraheeri boohe kundu balyagagi bandu baani, haliko batanyiji, batanasobanukiirwi.»

Yakobo 2:13

Iri abandu bangaba batali mu bonerana ulukogo, iri nabo batagalubonerwa. Haliko, iri bangaba bali mu lubonerana, iri nabo, mu kutwirwa ulubaaja, bagaakogwa.

1 Batesaloniki 2:16

Bali mu gira mbu batuhangirire kiri na ku kyanya tuli mu looza ukutwala amagambo goꞌbukize mu bandu beꞌgindi milala. Ikyanya bagweti bagaagira kwokwo, bali mu yilugiza ibyaha. Ee! Keera uburaakari bwa Rurema bukola bu batibukira.

Barumi 1:31

Bakoli ba bishuzi. Banakoli ba ngalagaaja. Batanahiiti ikimino, batanali mu bonerana ulukogo.

Yohana 15:6

Iri umundu atanganyama mwo, agaalashwa imbuga, ngiꞌtavi íryakabulirwa, linayume. Amatavi mwene yago, gali mu toolwa, ganaduulikwe ku muliro, ganasingooke.

Mataayo 13:19

Imbuto nguma, ikyanya zikatwa ku butambi bweꞌnjira, biyerekiini umugani gwoꞌmundu úli mu yuvwa Igambo lyoꞌbwami bwa Rurema. Halikago, atanasobanukirwe nalyo. Ulya mubi Shetaani anayiji lijobola mu mutima gwage.

Mataayo 13:15

Yaba bandu, keera bakayumuusa imitima yabo. Banakoli ba babitwitwi, banakoli ba bandabona. Nga bitangabiiri kwokwo, amasu gaabo gangabwini. Naꞌmatwiri gaabo, gangayuvwiti. Neꞌmitima yabo, yangasobanukiirwi, halinde bangangalukiiri, na mbakize.”

Mataayo 3:10

Ibiti bikoli banguliirwi isheenyo. Na ngiisi kiti íkitagatongeka kweꞌbitumbwe biija, kigaakubwa, kinaduulikwe mu muliro.

Hosheya 4:6

Na íbitumiri abandu baani bakoli gweti bagashereezibwa, bwo babuziri ubumenyi. E bagingi! Bwo mulahiiri ukummenya, naani ngalahira kwo mutakiri bandu baani. Na bwo mutaki twaziizi imaaja za Rurema winyu, naani ndagaki twaza abaana biinyu.

Hezekyeri 9:10

«Kwokwo, naani ndagaki bakejeerera, kandi iri kubakeerera. Si amabi go bâli kizi girira abandi, go nabo ngakizi bagirira.»

Yeremiya 4:22

Nahano adetaga kwokuno: «Ku kasiisa, abandu baani bali bahwija. Si batanyiji! Amenge gaabo, gakubisirwi. Byo bayiji naaho, biri byebyo-byebyo byaha. Si íbikwaniini, byohe batabisobanukiirwi.»

Hisaaya 44:2

E beene Yakobo, keera nꞌgamùbumba, nanamùtoola. Na buno, mukola bakozi baani. Kiri neꞌkyanya mutâli zaazi butwa, nâli kizi mùlanga mu nda. Kwokwo, mutayobohe! Mukuba, ngakizi mùtabaala.

Hisaaya 9:17

Ikyanya abandu bagweti bagaagira amabi, gali mu ba nga muliro. Guli mu tee singoola imigenge, gunabuli yigwima mu biti bihamu, halinde ikyusi kinanunge bweneene mu kyanyaanya.

Zaburi 106:40

Kyanatuma Nahano agarakarira abandu baage. Kundu bâli riiri beꞌmwage, halikago anabanenuuka bweneene.

Bukengeeze 4:6

Iri mwangakizi zikulikiriza, ibinyamahanga bigamùbona kwo muli bitegeereza, na kwo musobanukiirwi. Ku yukwo, ikyanya nabo bagaziyuvwa, bagaadeta: “Ku kasiisa, yugu mulala muhamu, guli naꞌbandu bitegeereza, banasobanukiirwi.”

Barumi 1:28

Aahago! Bwo bakalahira ukumenya Rurema nga ngiisi kwo ali, kyanatuma naye agabaleka bakizi kulikira inzaliro zaabo ízisherebiiri, halinde banakizi yifunda mu bitali nga byo.

Hisaaya 5:13

Abahisiraheeri, bwo batanyiji, kyo kitumiri bagatwalwa imbohe. Abatwali baabo, kiri naꞌbagunda booshi, bagayuvwa umwena, bananyoterwe, halinde banakizi fwa.

Hisaaya 18:5

Ikyanya mutazi tondeera ukuteerana, ikyanya ishungi ziinyu zikiri mu yera nga mizabibu, haaho, lyo Nahano agayiji mùhahuulira noꞌmugushu. Agamùtwisa nga milandalira yeꞌmizabibu, anamùshaaze yaho, halinde mutwalwe hala.

Yeremiya 11:16

«Yaho kare, bwo bâli kizi tongeka kweꞌbitumbwe biija, nâli kizi deta kwo bashushiini noꞌmuzehituuni úgudoohiri. Aaho! Kwokwo buno, ngola ngabalungikira abagoma badali-daali, halinde birya byasi byoshi íbidoohiri, babisingoole, kiri naꞌmatavi.

Yeremiya 13:14

Ha nyuma, ngakizi bateerania bongwa ku bongwa, kiri naꞌbabusi naꞌbaana baabo. Ndaanaye kiri noꞌmuguma ye ngakejeerera. Ndanâye bayuvwirwe indengeerwa, mbu ndeke ukubaminika.”» Kwokwo kwo Nahano adesiri.

Yeremiya 16:5

Nahano anashubi mbwira: «E Yeremiya, ikyanya abandu bagaaba bali neꞌkigandaaro mu nyumba ndebe, utakolwe mbu ugiyingire mwo! Utanakizi bayuvwirwa indengeerwa. Mukuba, yabo bandu baani, ndagaki bagashaanira, ndaganaki bayereka urukundo lwani, kandi iri indengeerwa zaani. Kwokwo, kwo nie Nahano ndesiri.

Yeremiya 25:37

Yizo ndangiriro, kundu zishuba mwoꞌmutuula, haliko, Nahano keera azihindula, libe ishamba limaata. Akoli rakiiri bweneene!

Hezekyeri 19:12

Kundu kwokwo, gulya muzabibu gwanayiji shikulwa ku buraakari, gwanakabulirwa haashi. Imbuusi ngayu ukulyoka isheere yanaguyumya. Ibitumbwe byagwo, byanaholokera haashi, naꞌmatavi gaagwo makomu, ganayuma, ganasingoolwa.

Hosheya 4:14

Kundu kwokwo, yabo banyere biinyu na bali-kazi biinyu, ndagabahana hiꞌgulu lyoꞌbushule. Mukuba, kiri naꞌbagingi bagweti bagaagira mwene byebyo byaha byoꞌkushulehana. Bali mu kizi yibiika ku yabo bashule, banagendi tangira imizimu amatuulo mu mbeero. Yayewe! Abandu, ku kyanya bakoli kubisirwi, iri ulwabo, keera lwamala!