Hisaaya 26:4 - Kifuliiru

⁴ Mukizi langaalira Nahano isiku zooshi. Mukuba ye Lwala lwitu lweꞌmyaka neꞌmyakuula.

Hisaaya 26:4 Referans Kwoze

Hisaaya 12:2

«Lolagi ngiisi kwo Rurema akayiji ngiza! Ye mu mbimira, ye nali mu mbiika mwoꞌbushobozi. Kwokwo, ndagaki yoboha, si ngakizi múbiika kwoꞌmulangaaliro, iri ninamúyimbira.»

Zaburi 62:8

Ubukize bwani noꞌlushaagwa lwani, bilyosiri imwa Rurema. Mukuba, ye gweti úganjuutira, ye na lwala lwani.

Zaburi 55:22

Kundu amagambo gaage gali ga kulembuusania, si mu mutima gwage, muyijwiri naaho inzaliro zoꞌkukizi teerania. Amagambo gaage, kundu gali mu nozania nga mavuta, si gali mu yiji kerana nga ngooti.

Bafiripi 4:13

Njobwiri ukukizi gira byoshi ku njira ya Kirisito. Mukuba, ye mu mbiika mweꞌmisi.

Zaburi 18:2

E Nahano, ngukuuziri! Mukuba we ndi mu longera mweꞌmisi.

Zaburi 62:11

Kwokwo, mutakizi ki biika umulangaaliro ku bulyalya. Mutanakizi yihayira ubuzimba. Kundu ibindu biinyu byangayushuuka, bitakizi ba byo mugabiika kwoꞌmutima.

Zaburi 46:1

Imwoꞌmwimangizi waꞌbimbi. Izaburi yaꞌbaana ba Koora. Luli mu yimbwa kwiꞌzu lihanike.

1 Samweri 2:2

Ndaaye gundi úli mweru nga Nahano, ndaanaye gundi Rurema. Ndaaye úli lwala nga Rurema witu.

Hisaaya 50:10

Mu kati kiinyu, nyandagi úyobohiri Nahano, anabe asimbahiri umukozi wage? Iri wangaba ukiri mu genda mu kihulu buzira itara, ugire ukizi yihega ku Nahano Rurema, unamúbiike kwoꞌmulangaaliro.

Mataayo 6:13

Utanakizi leka mbu tugezibwe, haliko, ukizi tukiza mu byoꞌlya Mubi. [Mukuba, we mwene ubwami, noꞌbukalage, noꞌbulangashane, halinde imyaka neꞌmyakuula! Bikizi ba kwokwo!]”»

Hisaaya 45:24

Abandu bagaadeta hiꞌgulu lyani kwokuno: “Nahano naaho, ye mu gira íbikwaniini, ye na mwene ubushobozi.”» Haliko, ngiisi ábakamúrakarira, boohe, bagakizi múyijira bali jabati-jabati, banateezibwe ishoni.

Hisaaya 32:2

Ngiisi muguma wabo, agaaba nga handu haꞌbandu bagakizi yisiika umunyaga. Na kundu invula yoꞌmusiluula yangavuduka, agabatabaala, halinde batalobe. Bagaaba nga nyiiji íziri mu nywesa ishamba írihangalusiri, banabe nga lwala úlugiziri ikimbehwa mwiꞌshamba.

Zaburi 125:1

Luli mu yimbwa na ábali mu zamuukira i Yerusaleemu. Ngiisi ábabiisiri Nahano kwoꞌmulangaaliro, bali mu ba ngoꞌmugazi Sayuni. Yugwo mugazi, gutâye shagale. Si gugayama guli ho, halinde imyaka neꞌmyakuula.

2 Kutondobola 20:20

Iri bukakya shesheezi kare-kare, banazindukiri vyuka, banagenda halinde mwiꞌshamba lyeꞌTekowa. Neꞌri bakaba bakiri mu njira, uyo Yehoshafaati anayimuka, anababwira kwokuno: «E bandu beꞌBuyuda, naꞌbeꞌYerusaleemu! Mundegage amatwiri. Mubiike umulangaaliro imwa Rurema Nahamwinyu. Kwokwo, lyo mugaaba musikamiri. Mugubiike neꞌmwa baleevi baage, lyo mulonga ukugenduukirwa.»

Mataayo 28:18

Haaho, Yesu anabayegeera, anababwira kwokuno: «Niehe, mbaabirwi ubushobozi bwoshi bwa mwiꞌgulu, na bwa hano mu kihugo!

Hisaaya 63:1

Hali ikikalage íkiri mu lyoka i Bosira, mu kihugo kyeꞌHedoomu. Agweti aganooka-nooka, anayambiiti ikanju lyeꞌbitorotonde bidukula. Aahago! Uyo kikalage ali nyandi? Nahano ashuvya: «Nie kikalage. Nie mu kizi deta íbikwaniini. Mukuba nie shobwiri ukumùkiza.»

Hisaaya 17:10

E Bahisiraheeri, keera mukahinduliraga Rurema ingoto, anali ye gweti úgamùkiza. Mutaki kengiiri kwo Rurema yiꞌbuye lyo mwâli bishamiri mwo. Si muli mu gendi leeta imbuto nyiija mu binyamahanga, munayiji zibyala.

Hayubu 9:19

«Iri twangalola ku misi, yehe ye hiiti imisi bweneene. Neꞌri twangalola ku bikwaniini imbere lyage, ndaaye úwangamúlega imbere lyaꞌbatwi beꞌmaaja.

2 Kutondobola 32:8

Yehe, imisi yage, iri yaꞌbandu naaho. Haliko twehe, tuli na Nahano Rurema witu. Ye gatutabaala, anatulwire izibo liitu.» Ikyanya mwami Hezekiya akadeta yago magambo, ganasikamya abandu baage bweneene.

Hisaaya 45:17

Si Abahisiraheeri boohe, keera Nahano akabakiza halinde imyaka neꞌmyakuula. Batâye ki longe ishoni, batanâye ki teteerwe.

Zaburi 93:1

Nahano ye mwami! Anayamiri ayambisirwi ubulangashane nga mirondo. Nahano anali ye mwene ubushobozi bweneene. Keera akasikamya ikihugo kyoshi, bitanâye zige kwo kishaganibwe.

Zaburi 66:7

Rurema atwaziri ku bushobozi bwage, halinde imyaka neꞌmyakuula. Ayamiri ali mu lola abandu baꞌmahanga gooshi, gira batayiji kengeera bahuna imbere lyage.

Bukengeeze 32:15

«Kwokwo, kundu Abahisiraheeri bakajega, haliko banahuna imbere lyage. Emwe! Bakalya, banajega, banafiika. Ha nyuma, banajanda Rurema wabo, kundu ye kababumba. Bakagayiriza lukiza wabo, kundu ali lwala lukomu.

Bukengeeze 32:4

ye na lwala. Imikolezi yage ikwaniini. Neꞌnjira zaage zooshi, ziri zoꞌkuli. Rurema witu ali mwemeera, ndaanago mahube go ali mu gira. Ayamiri ali mu gira íbikwaniini, na íbiri byoꞌkuli.

Hisaaya 30:29

E bandu ba Rurema, mwehe mugakizi yimba ku malega, iri munashambaala ngana-ngana, nga bandu ábakola mu yimba ku siku ngulu. Ubushambaale bwinyu bugaaba nga bwaꞌbandu ábakola mu zamuukira ku mugazi gwa Nahano, Ulwala lwaꞌBahisiraheeri. Bali mu kizi genda ku kisegengo, iri banalasa imiteera-teera.

Hisaaya 44:8

«Mwehe, mwe bandu baani! Aaho! Mutakizi yoboha, mutanajugume. Ka ndakagwanwa namùbwira ibyâye be, ukulyokera yaho keera? Si mwe mulyagagi tumasi twani! Ka halyagagi ugundi Rurema átali niehe? Nanga, maashi! Atayimbwa ho! Nie Lwala lwinyu. Ndaanaye gundi ye nyiji.»

Hisaaya 51:5

Ngola ngamùkiza, namùleetere ibyoꞌkuli. Yibyo byoꞌkuli, ngabileetera kiri neꞌbinyamahanga byoshi, mu kukoleesa ubushobozi bwani. Yabo booshi bakolaga bagandangaalira, halinde mbatabaale.

Danyeri 3:17

Tugweti tugakolera Rurema. Neꞌri twangakabulwa mu kiberekaana kyoꞌmuliro, ali noꞌbushobozi bwoꞌkutukiza mwo, anatubangatuule mu maboko gaawe.

Danyeri 3:28

Kwokwo, Nebukandeneza anadeta: «Rurema wa Shandaraki, na Meshake, na Habedinego, akizi huuzibwa! Mukuba, bali bakozi baage, banagweti bagamúbiika kwoꞌmulangaaliro. Kyo kitumiri atuma umuganda wage, ayiji bakiza. Kundu nꞌgabiika ulubaaja, halikago banalahira ukulusimbaha. Basiimiri naaho kwo bakizi yikumba Rurema nirizina. Na ho bangayikumba ibindi íbiri mu yikumbwa, bâli riiri ibiringiini ukutanga amatwe gaabo hiꞌgulu lyage.

Bukengeeze 33:27

Ukulyokera kare halinde imyakuula, ali butibitiro bwawe, Ali mu yerekana ubushobozi bwage mu kihugo. Yehe, ye kakuyimulira abagoma, anakuhamuliza kwo ubaminike.

Zaburi 62:9

E bandu, mukizi biika umulangaaliro imwa Rurema. Munamúyerekage byoshi íbiri mu mitima yinyu. Mukuba, ye mu tushuutira.