Hisaaya 26:11 - Kifuliiru

¹¹ E Nahano, yabo babi, kundu ukolaga ugabahana, haliko, batakutwaziizi. Aaho! Ubayerekage ngiisi kwo ukuuziri abandu baawe, halinde banateezibwe ishoni. Na bwo ubikiiri abagoma baawe umuliro, ugire ubajigiivye mwo.

Hisaaya 26:11 Referans Kwoze

Baheburaniya 10:27

Tunasigalage naaho mu kyoba, mu kulindirira kwo tugatwirwa ulubaaja imbere lya Rurema, tunalashwe mu muliro úguli mu yigwima bweneene. Mwomwo, mwo agasingoolera abagoma baage!

Mika 5:9

Nahano adetaga kwokuno: «Ku yikyo kyanya, ngashereeza ifwarasi ziinyu, kuguma naꞌmagaare giinyu giꞌzibo.

Hisaaya 5:24

Keera bakajanda amigirizo ga Nahano, anali ye Mwene Ubushobozi. Ee! Kundu Umutaluule waꞌBahisiraheeri agweti agaadeta, si batamútwaziizi. Ku yukwo, bagashereezibwa ngana, nga kwoꞌmuliro guli mu boyola ikishuka. Bagaaba nga mbuto yeꞌmizi ikoli boziri, na nga kwoꞌtwaso, tuli mu yehuulwa nga lukungu.

Bwigule 19:20

Haliko, yikyo kirara, ikyanya kikalwa, kyanagwatwa imbira, kuguma noꞌlya muleevi weꞌbibeesha. Uyo muleevi, ye wâli kizi gira ibyereso byeꞌkitangaaza hiꞌgulu lyakyo, mu kukizi teba balya bandu ábakabiikwa kwo yako kamangu kaakyo, noꞌkukizi yikumba yugwo mugisi gwakyo. Kwokwo, kirya kirara, noꞌyo muleevi weꞌbibeesha, ku kyanya byâli ki bwinagi, byanalashwa mu nyenga yoꞌmuliro. Gunali mu yaka bweneene ngeꞌkibiriiti!

Bwigule 3:9

«Yuvwagwi! Abandu ba mu kiso kya Shetaani bagweti bagabeesha mbu bali Bayahudi. Kundu kwokwo, ngabafukamya imbere liinyu, banayemeere kwo nimùkuuziri.

1 Peturu 3:16

Si yukwo kushuvya kwinyu, kukizi ba mu kati koꞌbutuudu, mu kusimbahana. Munakizi yamaga muli mu yiyeka ku ngiisi mabi. Kwokwo, ikyanya bagamùgamba ku miija go mugweti mugaagira mu kati ka Kirisito, bakagwatwe neꞌshoni hiꞌgulu lyoꞌlugamba lwabo.

2 Batesaloniki 1:8

Kwokwo, ngiisi ábakalahira ukumenya Rurema, banabe batasimbahiri Imyazi Miija ya Nahamwitu Yesu, agabahana ngana-ngana.

Mikolezi 28:27

Yaba bandu, keera bakayumuusa imitima yabo. Banakoli ba babitwitwi, banakoli ba bandabona. Nga bitangabiiri kwokwo, amasu gaabo gangabwini. Naꞌmatwiri gaabo, gangayuvwiti. Neꞌmitima yabo, yangasobanukiirwi, halinde bangangalukiiri, na mbakize.”»

Mataayo 25:41

«Haliko, ngiisi ábagaaba bali uluhande lweꞌlumosho, boohe, agababwira kwokuno: “Munjaagirage hano! Mukuba mukoli daasirwi! Mugende mu muliro gweꞌmyaka neꞌmyakuula, gulya úgukabiikirwa Shetaani naꞌbaganda baage.

Yeremiya 44:28

«“Hali bagerwa naaho ábagafuushuka, banagalukire mu kihugo kyeꞌBuyuda. Haaho, lyo bagasobanukirwa ngiisi úgweti úgaadeta amagambo goꞌkuli, iri angaba ali niehe, kandi iri boohe.

Yeremiya 5:3

E Nahano, ka utayamiri uli mu looza íbiri byoꞌkuli? Kundu ukahimbula abandu beꞌBuyuda, si batababiiri. Na kundu ugweti ugabafuta-futa, mu kubayerekeza, si batakusimbahiri. Bakola mindagabika, banakoli yumuusiri ngiꞌbuye. Keera bakashiikiza lwoshi, kwo batangaki kugalukira.

Hisaaya 60:14

Abagoma biinyu, kundu bâli kizi mùlibuza, halikago, bagakizi yija bagosiri imbere liinyu. Ee! Ngiisi ábâli kizi mùneguraga, leero bagakizi mùfukamira. Bagakizi mùbuuza Kaaya ka Nahano, banamùbuuze Sayuni, kaaya koꞌMutaluule waꞌBahisiraheeri.

Hisaaya 44:18

Yabo bandu, si balyagagi bizeeze! Ndaanahyo bayiji. Amasu gaabo, kiri naꞌmenge gaabo, bikubisirwi. Batangabona íhiteerwa ku shinda, batanganasobanukirwa.

Hisaaya 44:9

Ngiisi ábagweti bagabaaja imigisi, balyagagi tufwa-busha. Kundu bali mu gihuuza, si ndaako kamaro ko ibahitiiri. Ngiisi ábali mu gitangira ubumasi ziryagagi mbumi, banali bahwija. Yehee! Si bâye teezibwe ishoni!

Hisaaya 18:3

Mwe bandu baꞌmahanga gooshi! Langiizagi! Ngalengeza irembera kwiꞌrango lyoꞌmugazi. Ikyanya ngadihiriza ikibuga, mukategage amatwiri.

Hisaaya 11:13

Yabo Bahifurahimu naꞌBayuda, batâye ki yuvwiranwe uluugi, batanâye ki teerane.

Zaburi 86:17

E Nahano, keera ukandabaala, wanakizi mboleeza. Aahago! Ushubi yerekana kwo unguuziri. Kwokwo, lyo balya bagoma bagaabona, banagwatwe neꞌshoni.

Zaburi 21:8

Mwami abiisiri Nahano kwoꞌmulangaaliro. Na bwo Rurema úli hiꞌgulu lya byoshi ayamiri amúkuuziri isiku zooshi, atâye kakazibwe.

Zaburi 10:12

E Nahano Rurema, uyimukage, maashi! Yabo babi, ukoleese ubushobozi bwawe mu kubahana. Twenyene tutashobwiri. Kwokwo, utayibagire ukututabaala.

Hayubu 34:27

Mukuba, bakajanda ukumúkulikira, batanagweti bagamútwaza.

1 Samweri 6:9

Munalilolage, iri ligayami twala Akajumba ka Nahano mu kihugo kyage, mu kaaya keꞌBeeti-Shemeeshi. Kwokwo, lyo tugaamenya kwo yiki kiija kyaleetwa na Rurema waꞌBahisiraheeri. Yiryo igaare, iri litangagenda yo, lyeryo tugaamenya kwo Rurema atali ye watuhana. Tunasobanukirwe kwo yiki kiija zaaba maana mbi naaho.»

Kulyoka 9:14

Buzira kwokwo, ngola ngakuhaniiriza, mwe naꞌbatwali baawe, naꞌbandi bandu baawe, lyo umenya kwo hano mu kihugo, ndaaye gundi Rurema úli ho. Ndaanaye ye twangageranwa.

Luka 16:23

«Ulya mugale, iri akaba agweti agalibuukira bweneene i nakwere, analegamira, anabona Hiburahimu ku hala, na Laazaro ali ha butambi lyage.

Zaburi 78:63

Imisore yabo mitabana, umuliro gwanagijigiivya. Kiri na banyere baabo, banayitwa bátazi yimbirwa mu mageni gaabo.

Hisaaya 1:31

Mu kati kiinyu, abanamisi bakola bagaaba nga byasi byumu! Imikolezi yabo yoshi, igaaba nga shashala. Balya booshi, kuguma neꞌmikolezi yabo, bagasingookera mu muliro, ndaanaye úgaahasha ukuguzimya.

Hisaaya 9:7

Nahano akatumira beene Yakobo indumwa yoꞌkubakengula.

Hisaaya 9:18

Kwokwo, Nahano woꞌbushobozi bwoshi, akoli rakiiri, anakola agajigiivya ikihugo. Gulya muliro, agaguduulika mu bandu, gira basingooke ngana. Ndaanaye mundu úgaagira mbu akejeerere mwene wabo.

Hisaaya 9:19

Yabo bandu, kundu bali mu manyulana imbande zooshi, si baki shalisiri. Ubuzinda, bagakizi lya kiri neꞌnyama zaꞌbaana baabo.

Hisaaya 10:17

Rurema, ulya Mulengeerwe gwaꞌBahisiraheeri, agaaba nga muliro. Ulya Mutaluule wabo agakoleesa umuliro mu kushereeza Abahasuriya. Guli mu boyola imigenge neꞌmihanda-njovu ku lusiku luguma.

Hisaaya 37:32

Kiri na ku mugazi Sayuni i Yerusaleemu, mugayija abandu bagerwa ábasigiiri. Kwokwo, kwo Nahano woꞌbushobozi bwoshi, akoli fitiirwi ukugira.

Hisaaya 42:13

Nahano agagenda mwiꞌzibo, alyagagi kikalage. Ikyanya agagendi lwa, agaaba ali musirikaani úkoli rakiiri. Ikyanya agakizi teera abagoma, agakizi banda akashiba, anakizi bayamulula lwoshi-lwoshi.

Hisaaya 59:17

kwanaba kyo kihazo kyoꞌkuyikinga mwiꞌzibo. Anayambala noꞌbukize, bube yo ngofeera yeꞌkyuma. Anayambala noꞌkuyihoola, libe liꞌkangaata. Anayibwika noꞌkufiitirwa, libe liꞌkooti.

Hisaaya 63:15

E Nahano, kundu utuuziri mwiꞌgulu, utulangiize. Utulangiizagye ukulyoka ahandu haawe hataluule, hanali ha kahebuuza. Ewe! Ka utaki fitiirwi ukutuyereka ubushobozi bwawe? Si utaki tukuuziri, utanakiri mu tuyuvwirwa indengeerwa!

Hisaaya 66:15

Lolagi! Nahano akola mu yija alyagagi noꞌmuliro, gira ayiji yerekana uburaakari bwage. Amagaare gaage giꞌzibo, gali mu yija mulindi nga kihuhuuta. Ku yikyo kyanya, imbigi zoꞌmuliro zigaminika abandu.

Hisaaya 66:24

«Abandu baani bagakizi huluka, banagendi gwana ibitumba byo ábakahuna imbere lyani. Biyamiri biri mu liibwa neꞌbitwera íbitâye fwe. Binahiire noꞌmuliro úgutâye zime. Abandu booshi, ikyanya bagaabona kwokwo, bagahuumirwa bweneene!»

Mika 7:16

Yibyo bitangaaza, ikyanya ibinyamahanga bigabibona, lyo bigateerwa neꞌshoni hiꞌgulu lyoꞌbukaholwe bwabo. Bagakizi biika ukuboko ku kanwa, iri banaziba amatwiri.

Zaburi 28:5

Kundu uli mu kola ku bushobozi bwawe, si boohe, batali mu kutwaza. Ku yukwo, ugabanyanyaga haashi nga nyumba njaaja. Utanâye shubi bayinamula.

Hisaaya 10:16

Aahago! Nahano woꞌbushobozi bwoshi agatumira abasirikaani beꞌHasuriya ikiija kyoꞌkubajaavya. Kwokwo, ubukalage bwabo, bugamalira mu muliro.

Hisaaya 66:5

Mwe musimbahiri amagambo ga Nahano! Yuvwagwi ngiisi kwo akola mu mùbwira: «Ikyanya mwâli kizi ngulikira, beene winyu baguma bâli mùshombiri, banakizi mùyimula, iri banamùhonyoleza, ti: “Uyo Nahano winyu, ayerekanage ubulangashane bwage, gira tubone ngiisi kwo mugaaba mukoli shambiiri!” Yabo beene winyu, si bâye teezibwe ishoni!»

Mika 7:10

Yago gooshi, abagoma baani bagagabona, banateerwe neꞌshoni. Si bo bâli kizi deta, mbu: «Rurema Nahamwinyu, alyagagi hayi?» Kundu bakadeta kwokwo, ngaki bona ngiisi kwo bagaagwa. Banakizi libatwa-libatwa, nga bidaka bya mu njira.