Hisaaya 23:1 - Kifuliiru

¹ Ino ndumwa iri hiꞌgulu lyaꞌkaaya keꞌTiiro. Mwe beene amashuba ágalyosiri i Tarasisi! Mugire mulire ku kimombo. Si ibyambu byeꞌTiiro keera byashereezibwa! Yako kaaya kakola mushaka. Iyo myazi, mukatee giyuvwa mu kihugo kyeꞌKipuro, inali yoꞌkuli.

Hisaaya 23:1 Referans Kwoze

Ndondeko 10:4

Na bagala Yavaani, bâli Herisha, na Tarasisi, na Kitimu, na Rodanimu.

Yeremiya 47:4

Ikyanya kyoꞌkuminika kwaꞌBafirisiti, keera kyahika. Abandu beꞌTiiro naꞌbeꞌSidooni, kundu bali mu bashiga, si nabo booshi bagaminikirwa kuguma. Ee! Yabo Bafirisiti booshi, Nahano agabaminika ngana, kiri na ábasigiiri mu kalira keꞌKereete.

Yeremiya 25:22

naꞌbaami booshi beꞌTiiro, naꞌbeꞌSidooni, naꞌbaami beꞌkihugo íkiri i kajabo keꞌNyaaja Mediterane,

Hisaaya 2:16

Kiri naꞌmashuba gooshi, kundu galimbisiibwi bweneene, agagashereeza.

Yeremiya 2:10

Mutee jabukaga inyaaja, halinde mu kihugo kyeꞌKipuro, kandi iri mulungike abandu mu kyeꞌKedaari, balangiize. Mugendi sisa, iri igambo mwene yiri keera likaba.

Hisaaya 23:12

Nahano akadeta: «E bandu beꞌSidooni, si keera mwasherebera, mutanâye ki shambaale! Mukolaga nga munyere úwagumbiirwa. Kundu mwangakoli jabukira i Kipuro, haliko mutagalonga ho mugaluhuukira.»

1 Baami 22:48

Ku yikyo kyanya, ndaaye mwami úwâli mu kihugo kyeꞌHedoomu. Si mwami weꞌBuyuda, ye wâli kizi tuma yoꞌmwimangizi.

1 Baami 10:22

Mwami Sulumaani âli gweti amashuba mahamu ágâli kizi balamiranwa kuguma naꞌga mwami Hiraamu. Ku ngiisi myaka ishatu, gâli kizi múleetera inooro, neꞌharija, naꞌmahembe geꞌnjovu, neꞌngima, neꞌshengerezi.

Danyeri 11:30

Mukuba, amashuba ukulyoka i Kitimu gagayiji múlwisa. Kwokwo, anagwatwe neꞌkyoba kingi, anagaluke inyuma, akoli rakiiri, anashubi teera abandu ábakanywana ikihango na Rurema. Na ngiisi ábagakihongola, anabahembe.

Hezekyeri 26:1

Ikyanya tukahisa imyaka ikumi na muguma tutwazirwi imbohe mu mahanga, mu lusiku lwa mbere lwoꞌmwezi, Nahano anashubi mbwira kwokuno:

Yeremiya 25:15

Nahano Rurema waꞌBahisiraheeri, anambwira: «Ewe! Uburaakari bwani, bukolaga nga divaayi mu rusoozo. Aahago! Uluyabiire mu kuboko kwani, uginywese ngiisi mulala gwo ngakulungika mwo.

Hisaaya 60:9

Abandu ba mu tulira, nie babiisiri kwoꞌmulangaaliro. Amashuba ukulyoka i Tarasisi gagatee yija gaheesiri abaana biinyu, kuguma neꞌharija zaabo neꞌnooro. Kwokwo, kwo bagagingika Rurema Nahamwinyu, bwo ali Mutaluule waꞌBahisiraheeri. Niinyu, Rurema agweti agamùgingika.

Hisaaya 24:10

Akaaya keera kashereezibwa, kanashaka. Inyumba zooshi zikoli hamisirwi, lyo zitashahulwe mweꞌbindu.

Hisaaya 15:8

Yaho hooshi mu kihugo kyeꞌMohabu, abandu bakola mu liruuka. Yukwo kulira kwabo, kukoli hisiri halinde i Hegulayimu, kiri neꞌBeeri-Herimu.

Zaburi 48:7

Bâli koli jugumiri, banalyanirwa ngoꞌmukazi úgweti úgaliibwa noꞌmukero.

2 Kutondobola 9:21

Mwami Sulumaani âli gweti amashuba mahamu ágâli kizi balamiranwa kuguma naꞌga mwami Hiraamu. Ku ngiisi myaka ishatu, gâli kizi múleetera inooro, neꞌharija, naꞌmahembe geꞌnjovu, neꞌngima, neꞌshengerezi.

1 Baami 5:1

Mwami Sulumaani âli twaziri agandi maami gooshi, ukulyokera ku lwiji luhamu Hefuraati, noꞌkuhikiza mu kihugo kyeꞌBufirisiti, halinde na ku lubibi lweꞌMiisiri. Ikyanya Sulumaani âli ki riiri ho, yabo baami booshi bâli kizi múkolera, banakizi ramburira imwage.

Yoshwa 19:29

Yulwo lubibi lwanashubi nyookera i Rama, halinde ku kaaya keꞌTiiro, kwo kâli zitiirwi. Lwanashubi hinduuka uluhande lweꞌHosha, na ku lwiji Mediterane, lwanahika neꞌMahaleevi, neꞌHakizibu,

Muharuuro 24:24

Amashuba gagalyoka i Kitimu, ganayiji teera i Hashuuri neꞌHebeeri. Kundu kwokwo, mu kugaluka, nabo bagashereezibwa lwoshi.»

Luka 10:13

«Yayewe imwawe, e kaaya keꞌKoraziine! Yayewe neꞌmwawe, e kaaya keꞌBetesahida! Birya bitangaaza byo nâli kizi gira imwinyu, íngibigirire mu kaaya keꞌTiiro na mu keꞌSidooni, nga bandu beꞌyo munda keera bakayambala ubusanganira, banayibwandalike mu munyota-kiiko, mu kuyerekana kwo keera batwikira ku byaha byabo.

Hisaaya 23:6

Mwe batuulaga beꞌmbande zeꞌTiiro, mugalukire i Tarasisi, mugendi banda yaꞌkashiba.

Hezekyeri 26:2

«E mwana woꞌmundu, abandu beꞌTiiro bagweti bagashekeereza akaaya keꞌYerusaleemu, mbu kundu abadandaza bâli kizi lenga mwo, haliko leero kashereezibwa. Banadete, mbu: “BweꞌYerusaleemu ikola biguuka, twe tukola tugaagala!”

Hezekyeri 27:6

Banagatwira ibiti byeꞌmyalooni ukulyoka i Bashaani, bakizi gashooja mwo. Banabereesa neꞌmbahwa mu biti byeꞌshindano za mu kalira keꞌKipuro, banazilingaania mweꞌbitumbi byoꞌkubwatala kwo, banabilimbiisa naꞌmahembe geꞌnjovu.

Hezekyeri 27:30

Kwo bali booshi, bagabululuka hiꞌgulu lyawe, iri banayifuka uluvu mu matwe, noꞌkuyivuruguuza mu munyota-kiiko.

Yona 1:3

Yona, kundu akabwirwa kwokwo, halikago, anamanukira mu kaaya keꞌYopa, anagwana amashuba goꞌkugenda i Tarasisi. Kwokwo, anagashona mwo, gira atibite Nahano.