Hisaaya 21:4 - Kifuliiru

⁴ Umutima gwani gukola mu puupa. Neꞌkihuumula kikola mu njugumya. Njubi yifwijiri akabigingwe kahikage, lyo mboleera. Si kaako kabigingwe, leero nako kandeera ulushunguti.

Hisaaya 21:4 Referans Kwoze

Nahumu 1:10

Yabo bagoma bagaaba nga ábakoli lalusiri, banakizi bambaajira, banajigimbe nga kishungu-shungu kyumu kyeꞌmigenge, banasiriire lwoshi-lwoshi.

Danyeri 5:5

Lyeryo, mwomwo mu kajumiro, iminwe yoꞌmundu yanayami boneka igweti igayandika ku kibambaazi, hoofi niꞌtara litereke. Ikyanya yâli kizi yandikaga, mwami anakizi yitegeereza.

Danyeri 5:1

Iri hakaba lusiku luguma, mwami Berishaaza analaalika abatwali baage kihumbi ku lusiku lukulu. Yabo booshi, bananywa idivaayi bo naye.

Yeremiya 51:57

Yabo Bababeeri, ngalalusa abakulu baabo, naꞌbanabwenge baabo, kiri naꞌbatwali baabo, na baguvuruneeri naꞌbasirikaani baabo. Yabo booshi, bagagwejera mwiꞌro lyeꞌmyaka neꞌmyakuula, batanâye ki vyuke.» Kwokwo, kwo Mwami adesiri, anali ye Nahano woꞌbushobozi bwoshi!

Yeremiya 51:39

Na bwo baki nyotiirwi, ngabagirira ulusiku lukulu. Emwe! Ngabalalusa, halinde banalembwe niꞌro lyaꞌkahondo-hondo, batanâye ki vyuke.» Kwokwo, kwo Nahano adesiri.

Hesiteeri 5:12

Hamaani anashubi yihaya, ti: «Bitanali byebyo naaho. Niehe naaho nie Hesiteeri alaalika kuguma na mwami, ku lusiku lukulu. Kiri na kusheezi, twe na mwami naaho, twe twashubi laalikwa.

Bukengeeze 28:67

Ikyanya mugakizi bona íbyakoleka, mugakizi juguma. Shesheezi, mugakizi gerania, ti: “Yoho wee! Kákibe ko kabigingwe.” Naꞌkabigingwe, munageranie, ti: “Yoho wee! Líkibe yo shesheezi.”

Danyeri 5:30

Mu bwobulya bushigi, Berishaaza mwami weꞌBabeeri anayitwa.

Bukengeeze 32:11

Anaba nga nyunda úli mu hinda hiꞌgulu lyeꞌngisha yayo, agweti agakomeereza ibyana byage ukubalala. Ali mu yajuula ibyubi, gira abitege, anabitwale ku byubi byage.

Zaburi 55:5

Narufu akoli gweti agandeera. Kwokwo, umutima gwani gugweti gugapuupa.

1 Baami 1:49

Balya bo Hadoniya âli laalisiri, mbu bayuvwagwe kwo Sulumaani ye wayimikwa, booshi banayami yimuka ku kyoba bweneene, banashaabuka.

Zaburi 55:6

Bwo ngoli yobohiri, ngweti ngajuguma, na ngoli humiirwi.

Yeremiya 4:19

Umutima gwani gukola mu lyana! Gukola mu lyana bweneene! Keera gwanatulagula! Umutima gwani, gugweti gugapuupa-puupa ngana! Si keera nayuvwa ibibuga bikola mu dihirizibwa, kuguma noꞌlujongo lweꞌkiteero. Ku yukwo, ndagaki hulika.