Hisaaya 2:2 - Kifuliiru

² Mu siku zeꞌmberuuka, umugazi úguyubasirwi kweꞌnyumba ya Nahano, gwo gwâye gingikwe ukuhima igindi yoshi. Gwâye shuume bweneene, ukuhima utugangazi twoshi, halinde aba mu mahanga gooshi banakizi gushololokera.

Hisaaya 2:2 Referans Kwoze

Hisaaya 56:7

Yibyo binyamahanga, ngabileeta ku mugazi gwani mweru, na mbishambaaze mu nyumba yani yaꞌmahuuno. Ikyanya bigatanga amatuulo goꞌkusiriiza lwoshi, kuguma naꞌgandi matuulo, yibyo byoshi biganzimiisa. Inyumba yani igakizi buuzibwa: Nyumba yaꞌmahuuno imwaꞌbandu beꞌmilala yoshi.

Hisaaya 27:13

Ku yulwo lusiku, ikibuga kihamu kigadihirizibwa. Mu kati kaꞌBahisiraheeri, baguma bagaaba bagwasirwi imbohe mu kihugo kyeꞌHasuriya, na mu kyeꞌMiisiri. Balya booshi, bagagalulirwa i Yerusaleemu, gira bagendi yikumba Nahano ku mugazi gwage mutaluule.

Zakariya 8:3

Kyo kitumiri nadetaga kwokuno: Ngagalukira i Yerusaleemu, na njubi tuula mwo. Iyo munda i Yerusaleemu igashubi detwa Kaaya kemeera. Umugazi gwani Sayuni, gugakizi detwa Mugazi mweruusibwa.»

Bwigule 11:15

Umuganda wa kalinda anadihiriza ikibuga kyage. Lyeryo, mwiꞌgulu mwanayuvwikana amazu mahamu, ganadetaga: «Ubwami bwa kino kihugo, Nahano ye kola mwene bwo, bo noꞌlya Kirisito wage. Aganayama atwaziri imyaka neꞌmyakuula!»

2 Peturu 3:3

Imbere lya byoshi, mukwiriiri mumenyage kwo mu siku zeꞌmberuuka, hagaaba abandu boꞌkuyifunda mu ngiisi bitalaalwe byo bayifwijiri. Yabo bandu, bagakizi mùshekeereza,

2 Timoteyo 3:1

Umenye bwija kwo mu siku zeꞌmberuuka, hagabaagaga amalibu makayu.

Danyeri 2:45

«E mwami, ukayibonera ibuye írikakuulika ku mugazi, si ndaaye mundu úkalihuma kwo. Yiryo ibuye, lyo likahooja-hooja gulya mugisi úgukagirwa mu byuma, na mu miringa, na mwiꞌbumba, na mu harija, na mu nooro. Rurema úli hiꞌgulu lya byoshi, ye kakuyereka íbyâye koleke mu siku ízâye yije. Kwokwo ngana, yibi birooto biri byoꞌkuli, wanganayemeera umugeeza gwabyo.»

Danyeri 2:35

Lyeryo, yibyo byuma, na yiryo ibumba, neꞌyo miringa, neꞌyo harija, neꞌyo nooro, byoshi byanavunguka-vunguka. Byanaboneka nga byula íbiri ha kiyeruuliro ku kyanya kyeꞌkikamo. Imbuusi yanayija, yanabiyehuula. Hatanasigala kiri neꞌhikoojoka. Halikago, lirya ibuye lyohe, lyanagangaala, lyanaba mugazi muhamu bweneene, halinde lyanakwira mu mahanga gooshi.

Hisaaya 66:20

«Yabo bandu, kwokwo kwo bagagalula beene winyu booshi ukulyoka mu mahanga. Booshi banayije halinde i Yerusaleemu, ku mugazi gwani mutaluule. Baguma bagayijira ku fwarasi, naꞌbandi ku punda, naꞌbandi ku ngamiya, naꞌbandi mu magaare. Yabo booshi, bagaleetwa ngiꞌtuulo írikwaniini imwani.

Hisaaya 11:10

Ku yikyo kyanya, umwami muhyahya wa mu mbaga ya Yese agayimuka, ali ngiꞌrembera mu bandu baꞌmahanga. Yabo booshi, bagamúkumanira. Na ngiisi ho agaaba atuuziri, hagalangashana bweneene.

Zaburi 86:9

Si we kabumba abandu baꞌmahanga gooshi! Booshi bagakizi yiji kuyikumba, banakizi menyeesania ubulangashane bwiꞌziina lyawe.

Bwigule 20:4

Haaho, nanabonaga ibitumbi byoꞌbwami. Na ábâli bibwatiiri kwo, bâli haabirwi ubushobozi bwoꞌkutwa imaaja. Nanabona neꞌrya mitima yaꞌbandu ábakatolwa amatwe hiꞌgulu liꞌGambo lya Rurema, na hiꞌgulu lyoꞌkukizi tangira Yesu ubumasi. Balya bandu, batâli riiri mu bâli kizi yikumba kirya kirara na gulya mugisi gwakyo. Batakanabiikwa kwo kalya kamangu kaakyo ku malanga gaabo, kandi iri ku maboko gaabo. Yabo bandu banashubi longa ubugumaana. Banahisagya kwiꞌyo myaka kihumbi, bagweti bagatwala kuguma na Kirisito.

Baheburaniya 1:2

Halikago, mu zino siku zeꞌmberuuka, akoli gweti agaadeta na nyiitu ku njira yoꞌMwana wage yenyene. Kutanali kwokwo naaho. Si ku njira yoꞌyo Mwana wage, kwo akabumba mweꞌbindu byoshi. Ye na koli bihaabirwi.

Mikolezi 2:17

“Rurema adeta: Mu siku zeꞌmberuuka, nâye yonere Umutima gwani ku bandu booshi. Bagala biinyu na banyere biinyu, bagakizi tanga ubuleevi. Imisore yinyu, igakizi bona amabone. Naꞌbashaaja biinyu, bagakizi loota ibirooto.

Malaki 3:12

Ku yikyo kyanya, amahanga gooshi gagakizi deta kwo muhiriirwi. Ikihugo kiinyu kigasimiisa ngana-ngana!»

Danyeri 10:14

Na buno, nayiji kumenyeesa ngiisi íbigakoleka ku bandu baawe mu siku ízigayija. Mukuba, yago mabone go wabona, gali hiꞌgulu lya íbigaaba mu siku ízâye yije.”

Danyeri 2:28

E mwami! Rurema alyagagi hiꞌgulu lya byoshi. Yehe ye mu bishuula íbishubi bishamiri. Ye na keera úwakuyereka íbigakoleka mu siku ízigayija. Birya birooto byawe, naꞌmabone gaawe, byo byebino:

Yeremiya 3:17

Ku yikyo kyanya, i Yerusaleemu igakizi detwa Kitumbi kya Nahano. Abandu booshi bagakuumana yo, gira bakizi ngingika. Batagaki ba mindagabika. Si amabi ágalyagagi mu mitima yabo, bagagatwikira kwo.

Hisaaya 30:29

E bandu ba Rurema, mwehe mugakizi yimba ku malega, iri munashambaala ngana-ngana, nga bandu ábakola mu yimba ku siku ngulu. Ubushambaale bwinyu bugaaba nga bwaꞌbandu ábakola mu zamuukira ku mugazi gwa Nahano, Ulwala lwaꞌBahisiraheeri. Bali mu kizi genda ku kisegengo, iri banalasa imiteera-teera.

Zaburi 2:8

Aaho! Umbuunage, gira uhaabwe ibinyamahanga. Ee! Ngakuheereza byo, bube buhyane bwawe, halinde ngiisi haꞌmahanga gahekiiri, hakizi ba ha mwawe.

Muharuuro 24:14

«Kwokwo buno, namu galukira mu bandu baani. Haliko, ku kyanya ndazi galuka, ngatee gwanwa nakubwira ngiisi byo yaba bandu bagagirira abandu baawe, mu siku ízigayija.»

Hezekyeri 38:16

Munagendi teera abandu baani Abahisiraheeri, mu kubazinga nga kulya ikibungu kiri mu zinga ikihugo kyoshi. E Googi! Ku kyanya ngamùlungika kwo mugendi teera ikihugo kyani, lyeꞌbinyamahanga bigaamenya kwo nie namùkoleesa, binayibonere ngiisi kwo ndi mweru.

Yeremiya 49:39

Nahano ashubi detaga kwokuno: «Balya bandu beꞌHelamu, iri hagalenga isiku, ngashubi bagenduusa, nga ngiisi kwo bâli tuula.»

Yeremiya 48:47

«Kundu kwokwo, yabo Bamohabu, mu siku ízigayija, ngashubi bagenduusa.» Kwokwo, kwo Nahano adesiri. Ubuleevi hiꞌgulu lyaꞌBamohabu, kwokwo kwo bumaziri.

Yeremiya 30:24

Bulya buraakari bwage, butaganahooha, átazi yusa ukugira byoshi byo keera ashungika. Yibyo byoshi, mwâye bisobanukirwe mu siku ízigayija.

Yeremiya 23:20

Bulya buraakari bwa Nahano, butagahooha, átazi gira nga ngiisi kwo akoli shungisiri. Yibyo byoshi, mu siku ízigayija, lyo mwâye bisobanukirwe bwija.

Hisaaya 49:6

Nahano akambwira kwokuno: «Uli noꞌmukolwa gwoꞌkungalulira Abahisiraheeri. Ee! Ngiisi ábasigala, we gabagalula. Kutanali kwokwo naaho. Ngakubiika ube mulengeerwe na mu binyamahanga, halinde balya booshi, ubayereke injira yo bangakizibwa mwo.»

Zaburi 72:8

Mwami alonge ukukizi twala, halinde ku nyaaja zooshi, ukulyokera ku lwiji Hefuraati, halinde ukuhisa ku mbeka yeꞌkihugo.

Zaburi 22:27

Abakeni bagayiji lya, banayigute. Kwokwo, ngiisi ábagweti bagalooza Nahano, bagakizi múyivuga, banalonge ukulama imyaka neꞌmyakuula.

Hayubu 19:25

«Kundu kwokwo, nyiji bwija. Ulya woꞌKumbulanira, alyagagi ho. Na ku mbeka, agayimanga mu kihugo.

Ndondeko 49:1

Ha nyuma, Yakobo anatumira bagala baage booshi, anababwira: «Mweshi mukumanage. Ngamùmenyeesa íbigamùkoleka kwo, mu siku ízigayija.

Hisaaya 25:6

Nahano woꞌbushobozi bwoshi agagirira abandu booshi ulusiku lukulu ku mugazi Sayuni. Ee! Agababaagira ibitugwa íbishishiri, binali neꞌnyama zeꞌbinyule, anabazimaane neꞌdivaayi nunu bweneene.

Hisaaya 56:5

Abandu mwene yabo, ngakengeeza amaziina gaabo mu nyumba yani, kiri na ku bibambaazi. Yago maziina gaabo gagalumbuuka, ukuhima goꞌmundu úbusiri abatabana naꞌbanyere. Ngamúyinika iziina írigayama ho, litanâye hotolwe.»

Hisaaya 65:11

«Haliko mwe bandi, si mukola mu njajaaka nie Nahano, munayibagire i Sayuni, umugazi gwani mutaluule. Mukola mu yikumba ibindi-bindi íbiri mu yikumbwa, iri munabitangira neꞌdivaayi, mbu lyo mulonga umudaaho.

Yeremiya 16:19

E Nahano! Wenyene we mu kizi nzikamya. We na luzitiro lwani. Ikyanya ndi mu longa amakuba, we ndi mu tibitira mwo. Abandu baꞌmahanga gooshi, bagakizi kuyijira, iri banadeta: «Bashokuluza biitu bâli kizi yikumba imigisi, kundu ndaako kamaro kooshi yâli bahitiiri.

Yeremiya 26:18

«Ikyanya mwami Hezekiya âli twaziri Abayuda, hâli riiri umuleevi muguma weꞌMoresheeti, iziina lyage Mika, anabwira Abayuda booshi, ti: “Nahano woꞌbushobozi bwoshi, adetaga kwokuno: Kano kaaya keꞌSayuni kagahingwa nga ndalo. Ee! I Yerusaleemu igahinduka biguuka. Na ngiisi ho bayubasiri inyumba ya Nahano, hooshi hagaamera ibishungu-shungu.”

Yeremiya 31:12

Bagataaha bagweti bagayimba ku kisegengo ku mugazi Sayuni. «Ngabaheereza ingano, neꞌdivaayi, naꞌmavuta, neꞌbibuzi, kiri neꞌngaavu. Yibyo byoshi, ikyanya ngabaheereza byo, imitima igashenguuka neꞌbimwemwe. Bagaaba nga ndalo yo bali mu nywisa, batanâye ki libuzibwe.

Yeremiya 51:44

«Gulya mugisi Beeri gweꞌBabeeri, ngaguhaniiriza. Ngiisi byo gwâli kizi mira-mira, gugabishala. Ibinyamahanga bitanâye ki guyijire. Kiri neꞌnzitiro zeꞌBabeeri, zigahongoka.

Hezekyeri 40:2

Mu yago mabone, nanabona kwo Rurema agweti agandwala mu kihugo kyeꞌHisiraheeri, anambiika ku kanywangi-nywangi koꞌmugazi, uluhande lweꞌkisaka. Kwokwo, nanabona ákali ngaꞌkaaya.

Hosheya 3:5

Si ha nyuma, Abahisiraheeri bagagalukira Rurema Nahamwabo, banashubi kizi múkulikira. Bagayiji yibiika na ku mwami, wa mwiꞌkondo lya Dahudi. Ee! Mu siku ízigayija, bagagalukira Nahano, iri banakizi juguma imbere lyage. Nahano anakizi bagashaanira.

Zakariya 8:22

Ku kasiisa, abandu bingi, kiri neꞌmilala íhimbiri, bagayija i Yerusaleemu, gira bayiji ndooza, banakizi mbuuna kwo ngizi bagashaanira.»

Zakariya 14:9

Nahano agaaba ye mwami weꞌbihugo byoshi. Yehe yenyene ye gakizi yikumbwa nga Nahano. Ee! Iziina lyage naaho, lyo ligalumbuuka.

Zakariya 14:10

Iporoveesi yoshi ízungulusiri i Yerusaleemu, igahindulwa ndekeera, ukulyokera i Geba uluhande lweꞌmbembe, halinde i Rimooni uluhande lweꞌkisaka. Haliko, akaaya keꞌYerusaleemu kagabeera haaho-haaho, ku mugazi gwako. Kagaaba kayajabusiri, ukulyokera ku Mulyango gwa Binyamiini, halinde ku Mulyango gwa Mbere, noꞌMulyango gweꞌwa Kagongo. Kagashubi lyokera ku lwingo lwa Hananeeri, halinde ha kikandiro kya Mwami.

Zaburi 22:28

Yibyo byoshi, ikyanya Nahano agabigira, abandu mu mahanga gooshi bagabikengeera, banayije imwage. Imilala yoshi ya mu kihugo, bagafukama imbere lyage.

Zaburi 48:2

Nahano ali mukulu bweneene. Anakwaniini ukukizi huuzibwa mu kaaya keꞌSayuni, kwo kayubasirwi ku mugazi mweru.

Zaburi 68:17

Aahago! Umugazi gwo Rurema akatoola kwo agayiji tuula kwo, kituma kiki uki gweti ugaagulya ikisuure? Si haaho ku mugazi gwage, ho Nahano agakizi tuula, halinde imyaka neꞌmyakuula!

Zaburi 87:1

Izaburi yaꞌbaana ba Koora. Ulwimbo. Akaaya keꞌSayuni kayubasirwi ku mugazi mweru gwa Nahano. Kyo kitumiri akakuuziri bweneene, ukuhima utundi twaya twoshi mu Bahisiraheeri.

Zaburi 102:23

Ibinyamahanga bigakuumana kuguma, gira bikizi yikumba Nahano.

Hisaaya 60:3

Yugwo mulengeerwe gwinyu, ibinyamahanga bikola bigaguyijira. Kiri naꞌbaami bagayiji bona ngiisi kwo gwamùtunduukira.

Hisaaya 66:23

Abandu booshi bakwaniini bakizi yiji nyikumba, ku ngiisi lusiku lukulu lweꞌmbaluko yoꞌmwezi, na ku ngiisi lusiku lweꞌSabaato.