Hisaaya 19:1 - Kifuliiru

¹ Ino ndumwa, iri hiꞌgulu lyeꞌkihugo kyeꞌMiisiri. Lolagi! Nahano agweti agasuula umulindi ku kibungu, gira agendi teera ikihugo kyeꞌMiisiri. Buno, imigisi yaꞌBamiisiri ikola mu juguma imbere lyage. Kiri naꞌBamiisiri boonyene, imitima yabo keera yajajuka, banakoli shengusiri.

Hisaaya 19:1 Referans Kwoze

Kulyoka 12:12

«Mu bwobwo bushigi, ngalenga mu kihugo kyeꞌMiisiri, na nyite mweꞌfula zooshi, ziba za bandu, kandi iri zeꞌbitugwa. Nie Nahano, ngaahana imizimu yoshi yeꞌMiisiri.

Bwigule 1:7

Lolagi! Yesu akola agayija mu bibungu! Abandu booshi banamúbone, kiri na balya ábakamútumita. Abandu beꞌmilala yoshi íri mu kihugo bagaalira ku kimombo hiꞌgulu lyage! Bikizi ba kwokwo!

Yoshwa 2:11

Ikyanya tukayuvwa kwokwo, imitima yitu yanayami shenguka. Tweshi twanatwika indege. Mukuba, Nahano, Rurema winyu atuuziri mwiꞌgulu, kiri na hano mu kihugo.

Hezekyeri 30:13

Rurema Nahamwitu adetaga kwokuno: «Ngashereeza imigisi yeꞌMiisiri, kiri neꞌya mu kaaya keꞌMefiisi. Mu kihugo kyoshi kyeꞌMiisiri, ndaaye úgaki ba mutwali. Nganabiika mweꞌkyoba kingi.

Yeremiya 51:44

«Gulya mugisi Beeri gweꞌBabeeri, ngaguhaniiriza. Ngiisi byo gwâli kizi mira-mira, gugabishala. Ibinyamahanga bitanâye ki guyijire. Kiri neꞌnzitiro zeꞌBabeeri, zigahongoka.

Yeremiya 50:2

«Mukizi menyeesa ibinyamahanga indumwa, buzira kubibisha umwazi. Muyimusagye irembera, mu kubamenyeesa kwaꞌBababeeri bagwatwa imbira. Imigisi yabo igateezibwa ishoni, halinde inavungulwe. Iyo migisi yabo Beeri, na Merodaaki, igateteerwa, inahuumirwe bweneene.

Hisaaya 13:1

Ulya muleevi Hisaaya mugala Hamoozi, Rurema akamúyereka yaga mabone hiꞌgulu lyeꞌkihugo kyeꞌBabeeri:

Zaburi 104:3

Keera ukayubaka akaaya kaawe ku miiji mwiꞌgulu, unagweti ugasuula umulindi mu bibungu, nga úli mwiꞌgaari. Uli mu balala mwiꞌgulu, nga kwaꞌkanyuni kali mu balala neꞌbyubi.

Bukengeeze 33:26

Mu kuyusa, Musa anadeta: «E Yeshuruuni, mu biri mu yikumbwa, ndaaye úli nga Rurema wawe. Ku bushobozi bwage, ali mu yiji kutabaala, mu kubalala ukulyoka mwiꞌgulu. Ashoniri ku bibungu nga mundu úshoniri ku fwarasi.

Zakariya 14:18

Kiri Abamiisiri, iri batangakizi zamuukira i Yerusaleemu, gira bashambaalire lulya lusiku lukulu lweꞌbitunda, nabo bagalonga bwobwo buhanya, ngeꞌbinyamahanga byeꞌgindi milala yoshi íbikalahira ukukizi genda yo.

Zakariya 10:11

Bagalengaga mu makuba, nga bandu ábajabuka inyaaja. Nie Nahano, ngashuuta imidunda yayo, kiri noꞌtulingi twoꞌlwiji Niire, ngatuyumya. Kundu Abahasuriya bagweti bagayikangaata, si bagaki goka. Kiri naꞌBamiisiri kwakundi, ubutwali bwabo bugaasiba.

Yeremiya 25:19

Ha nyuma, yulwo rusoozo úluyijwiri mwoꞌburaakari bwa Nahano, nanalunywesa mwami weꞌMiisiri, naꞌbalemberezi baage, naꞌbatwali baage, naꞌbandi bandu baage booshi,

Hisaaya 21:9

Lolaga, baliira bakola mu yija, bashoniri ku fwarasi, banali mu genda babiri-babiri!» Bali mu deta kwokuno: «Akaaya keꞌBabeeri keera kahongoka! Ee! Akaaya keꞌBabeeri keera kahongoka. Imigisi yako, keera yabulirwa, inakoli vungusiri!»

Hisaaya 19:16

Nahano woꞌbushobozi bwoshi, ikyanya agahaniiriza Abamiisiri ku bushobozi bwage, bagaaba bakoli yobohiri nga bakazi, banalenge mweꞌkinyukura.

Hisaaya 13:7

Ku yikyo kyanya, abandu booshi bagayoboha, banatwike indege, halinde imitima yabo inajajuke.

Zaburi 104:34

Ee! Ye mu njambaaza. Kwokwo, imitono yani ikwaniini ikizi músimiisa.

Zaburi 68:4

Haliko, abandu boꞌkuli boohe, bakizi shagaluka imbere lyawe. Bakizi ba naꞌmalega, iri banakuyimbira ku bushambaale.

Yoshwa 2:24

Banashubi múbwira: «E waliha, ku kasiisa, Nahano keera atuheereza kirya kihugo kyoshi. Si abatuulaga baamwo, keera batwika indege hiꞌgulu liitu!»

Yoshwa 2:9

anababwira kwokuno: «Nyiji bwija kwo Nahano keera akamùheereza kino kihugo kiitu. Na buno, tweshi tukolaga neꞌkyoba kingi hiꞌgulu liinyu, tunakoli twisiri indege.

Zaburi 18:9

Mu mazuulu gaage mwanatutumuka ikyusi, tutu-tutu! Na mu kanwa kaage mwanahuluka umuliro gwoꞌkujigiivya, kuguma niꞌbengesheeshe.

Yeremiya 4:13

«Lolagi! Umugoma agweti agatuyijira, akola mu tukanga nga kibungu íkiyidisiri. Amagaare gaage giꞌzibo gali mu suula umulindi, nga kihuhuuta. Ifwarasi zaage zigweti zigaganga mulindi ukuhima utushuta. Ala twe! Si tukolaga tugaahera!

Yeremiya 44:8

Si mugweti mugandaakaza, mu kuyokera imigisi umubadu! Aahago! Mwe muhungiiri mu Bamiisiri, kutagi mukola mu hoza imigisi yabo? Si mugaahera lwoshi-lwoshi, halinde ibinyamahanga byoshi binakizi mùdaaka, iri binamùhonyoleza!

Nahumu 1:1

Ino ndumwa, iyerekiini amabone goꞌmuleevi Nahumu, wa mu kaaya keꞌHerikoshi, inadesiri hiꞌgulu lyaꞌkaaya keꞌNinaawi.

Nahumu 1:3

Nahano, kundu ayamiri agweti agayigenderera, halikago ali mwene ubushobozi. Atali mu lekeerera banangora-mabi, si agweti agabahana. Ikyanya agweti agagenda, hali mu boneka imibangami neꞌbihuhuuta. Ishando zaage, ikyanya ziri mu tumuula ulukungu, luli mu boneka nga bibungu.

Muharuuro 33:4

Balya Bamiisiri, bâli ki gweti bagaziika ifula zaabo zo Nahano akayita mu bushigi. Kwokwo, kwo Nahano akayerekana ku bushobozi, kweꞌmigisi yeꞌMiisiri iryagagi ya bibeesha.