Hisaaya 13:1 - Kifuliiru

¹ Ulya muleevi Hisaaya mugala Hamoozi, Rurema akamúyereka yaga mabone hiꞌgulu lyeꞌkihugo kyeꞌBabeeri:

Hisaaya 13:1 Referans Kwoze

Yeremiya 50:1

Nahano anabwiraga umuleevi Yeremiya, hiꞌgulu lyeꞌBabeeri, naꞌbatuulaga baayo kwokuno:

Hisaaya 1:1

Yaga mabone, Hisaaya mugala Hamoozi, ye kagabona. Gadesiri hiꞌgulu lyeꞌkihugo kyeꞌBuyuda, naꞌkaaya keꞌYerusaleemu. Gakaboneka ku kyanya kyoꞌmwami Huziya, na ku kyoꞌmwami Yotamu, na ku kyoꞌmwami Ahaazi, na ku kyoꞌmwami Hezekiya.

Danyeri 5:28

PERESI, umugeeza gwalyo: Ubwami bwawe, keera bukagabulikana, bunahaabirwi Abameedi, naꞌBaperisiya.»

Danyeri 5:6

Ulya mwami, amalanga gaage ganahinduka meeru-meeru, anatondeera ukuyoboha. Indege zaage zanavunika. Kiri naꞌmadwi ganakizi lenga mweꞌkinyukura.

Hisaaya 15:1

Ino ndumwa ya Rurema, iri hiꞌgulu lyeꞌkihugo kyeꞌMohabu. Akaaya keꞌHari naꞌkeꞌKiiri, twombi tukashaabulwa, twanayami shereezibwa mu bushigi buguma naaho.

Hisaaya 14:28

Ku mwaka gwo mwami Ahaazi akafwa kwo, Rurema akatumira Abafirisiti indumwa kwokuno:

Hisaaya 13:19

Mu maami gooshi, ikihugo kyeꞌBabeeri kyo kilimbisiibwi bweneene. Abandu baamwo, bayiyuvwiti hiꞌgulu lyakyo bweneene. Kundu kwokwo, Rurema agabaminika, nga kwo âli mali minika i Soodoma neꞌGomora.

Malaki 1:1

Ino ndumwa, Nahano akagitumira Abahisiraheeri ku njira yoꞌmuleevi Malaki.

Zakariya 9:1

Ino ndumwa ya Nahano, iri mu hika mu kihugo kyeꞌHadiraki, na mu kaaya keꞌDamasiki. Mukuba, amasu ga Nahano gagweti gagakizi tanduula Abahisiraheeri. Na kwakundi, gali mu lola ku bandi bandu booshi.

Habakuki 1:1

Ino ndumwa, Rurema akagiyigulira umuleevi Habakuki.

Nahumu 1:1

Ino ndumwa, iyerekiini amabone goꞌmuleevi Nahumu, wa mu kaaya keꞌHerikoshi, inadesiri hiꞌgulu lyaꞌkaaya keꞌNinaawi.

Hezekyeri 12:10

Aaho! Ubabwire kwo Rurema Nahamwitu adetaga kwokuno: “Gano magambo, gali hiꞌgulu lyoꞌmutwali weꞌYerusaleemu, kiri naꞌBahisiraheeri ábatuuziri mwo.”

Hisaaya 43:14

E Bahisiraheeri, Nahano Lukiza winyu, anali ye Mutaluule, adeta kwokuno: «Hiꞌgulu liinyu, ngalungika abasirikaani bagendi teera i Babeeri. Inyiivi zaꞌkaaya kaabo, ngazivungula. Balya Bababeeri banabuli bululuka.

Hisaaya 22:25

Kundu kwokwo, Nahano woꞌbushobozi bwoshi adetaga kwokuno: «Yugwo musumaari, kundu gukakomerwa mu mbahwa ngomu, haliko gugaki tera. Ee! Hagaatama gunaliike, gunatibukire haashi. Kwokwo, ngiisi bindu íbikananikwa kwo, binashereezibwe.»

Hisaaya 22:1

Ino ndumwa idesiri hiꞌgulu lyeꞌndekeera yaꞌmabone. E Yerusaleemu, maki gano? Si mweshi mukoli shoniiri ku nyumba!

Hisaaya 21:13

Ino ndumwa, iri hiꞌgulu lyeꞌkihugo kyeꞌBuharaabu. Aaho! E badandaza beꞌDedaani, mwe mushumbisiri mu kishuka kyeꞌBuharaabu!

Hisaaya 19:1

Ino ndumwa, iri hiꞌgulu lyeꞌkihugo kyeꞌMiisiri. Lolagi! Nahano agweti agasuula umulindi ku kibungu, gira agendi teera ikihugo kyeꞌMiisiri. Buno, imigisi yaꞌBamiisiri ikola mu juguma imbere lyage. Kiri naꞌBamiisiri boonyene, imitima yabo keera yajajuka, banakoli shengusiri.

Hisaaya 17:1

Ino ndumwa ya Rurema, iri hiꞌgulu lyaꞌkaaya keꞌDamasiki. Lolagi! Akaaya keꞌDamasiki kâye sibe, kanasigale biguuka naaho.

Zakariya 12:1

Nahano anadeta igindi ndumwa hiꞌgulu lyaꞌBahisiraheeri kwokuno: «Nie Nahano nꞌgatabika igulu, nꞌganabiika indaliro zeꞌkihugo. Na kwakundi, nie gweti ngakizi biika umundu mwoꞌbugumaana.

Mataayo 1:11

Yosiya naye, anabuta Yekoniya na beene wabo, ku kyanya kyaꞌBahisiraheeri bakagwatwa imbira, noꞌkutwalwa mu kihugo kyeꞌBabeeri.

Bwigule 14:8

Uyo muganda, anakulikirwa noꞌwabo. Naye anadetaga kwokuno: «Akaaya kahamu keꞌBabeeri, keera kalalusa abandu baꞌmahanga gooshi ku bushule bwako. Buli nga maavu geꞌngangu! Halikago buno, keera kayihongoleka haashi! Ee! Kayihongoleka haashi.»

2 Baami 9:25

Yehu anabwira umutabaazi wage Bidikaari kwokuno: «Yabiiraga ikirunda kyage, ukikabulire mwiꞌrya ndalo ya Nabooti, weꞌYezereheri. Ukengeere galya magambo go Nahano akadeta hiꞌgulu lyage, ikyanya twembi twâli geeziri ku fwarasi, mu kuherekeza yishe Ahabu, kuguma naꞌbandi bandu.

Yeremiya 24:1

Nahano akanyereka amabone, ku kyanya mwami Nebukandeneza weꞌBabeeri âli mali twala mwami Yekoniya weꞌBuyuda imbohe i Babeeri. Akatwala neꞌbirongoozi byage, naꞌbatuzi beꞌbyuma, kiri naꞌbandi banaluganda. Mu yago mabone, nanabonaga ibitiri bibiri, biri mweꞌbitumbwe byeꞌmitiini, biteresirwi imbere lyeꞌnyumba ya Nahano.

Yeremiya 28:8

E Hananiya! Ikyanya twembi tutâli zaazi ba baleevi, hâli riiri abandi baleevi. Nabo kwakundi, bâli kizi tanga ubuleevi, kweꞌbihugo birebe kuguma naꞌbaami baabo, bigateerwa niꞌzibo, niꞌshali, neꞌkiija.

Yeremiya 51:51

«Mugweti mugaadeta, ti: “Twe Bayuda, ibinyamahanga keera bikayifunda ahandu hataluule mu nyumba ya Nahano, binali mu kizi tuhonyoleza. Tukoli teziibwi ishoni, tunakoli tetiirwi bweneene.”»