Hisaaya 12:3 - Kifuliiru

³ Ikyanya mugakizibwa, lyo mugashambaala bweneene, nga ku kyanya muli mu vwoma amagoloovi mu shyoko.

Hisaaya 12:3 Referans Kwoze

Bwigule 22:17

Umutima Mweru, kiri noꞌmuhya, bagweti bagaadeta: «Uyijage!» Umundu, iri angayuvwa yaga magambo, naye akwiriiri adete: «Uyijage!» Umundu, iri angaba anyotiirwi, ayije! Ayiji yabiira amagoloovi goꞌbulamu ku busha, nga ngiisi kwo aloziizi.

Bwigule 22:1

Uyo muganda, ananyerekaga ulwiji úluli mwaꞌmiiji goꞌbulamu. Yulwo lwiji, lwâli twanguusiri bweneene nga kiyo! Lwâli kizi huluka mu kitumbi kyeꞌkyami kya Rurema, na mu kyeꞌKyanabuzi.

Bwigule 7:17

Mukuba, kirya Kyanabuzi, ngiisi kwo kiri ha kati keꞌkitumbi kya Rurema, kyo kigakizi baragira. Kinakizi barongoora ha shyoko zaꞌmiiji goꞌbulamu. Imigenge yoshi íkeresiri mu masu gaabo, Rurema agagihotola.»

Yeremiya 2:13

«Abandu baani, ibyaha byo bâli kizi gira, biri bibiri. Ubwa mbere, bakanjanda, na ndi nie shyoko yaꞌmagoloovi ágali mu leeta ubulamu. Noꞌbwa kabiri, banayihumbira ibishimo byoꞌkubiika mwaꞌmiiji. Haliko yibyo bishimo, keera byatulika-tulika, bitanakiri mu yijula mwaꞌmiiji.»

Hisaaya 49:10

Batanâye ki shalike, kandi iri kunyooterwa. Batanâye ki hiire neꞌdugumbo yiꞌzuuba, kandi iri neꞌmbuusi nduutu. Ndi mu bayuvwira indengeerwa. Kwokwo, nienyene ngakizi barongoora, na mbahise ha shyoko zaꞌmiiji.

Yohana 1:16

Ulya Igambo, bwo alyagagi mwoꞌbugashaane, kyo kitumiri tweshi tugweti tugagashaanirwa.

Zaburi 36:9

Yabo booshi, uli mu bayigusa ku bugale bwa mu nyumba yawe, unali mu banywesa ku lwiji úluli mu bashambaaza.

Lwimbo Lwija 2:3

«Umukundwa wani ali mu bandi batabana, nga kweꞌkiti kyeꞌbitumbwe kiri mu biti bya mu kishuka. Nyifwijiri ukubwatala mwiꞌdako lyeꞌkizunguza kyage. Kiri neꞌbitumbwe byage, nyuvwiti kwo binuniri bweneene.

1 Samweri 2:1

Lyeryo, Haana anahuuna Rurema kwokuno: «Umutima gwani, gugweti gugashambaalira Nahano, na ngweti ngasikama mu kati kaage. Abagoma baani, ngweti ngabashekeereza, haliko wehe, ndi mu shambaalira ubukize bwawe.

Hisaaya 41:18

Ngaleeta amiiji, gakizi hinga kiri áhayumuusiri ku marango geꞌmigazi. Ngashyosa ishyoko na mu ndekeera, na mbindulage ishamba ibe inyaaja. Na kundu liyumuusiri buno, haliko ligaaba noꞌtudota.

Hezekyeri 47:9

Yulwo lwiji, ngiisi hooshi ho lugaahika, ikiyimbwa kiremwa kyoshi kigavubuka, kiri neꞌfwi zinaluguuke. Mukuba, yulwo lwiji, ngiisi hooshi ho lugaahika mwiꞌyo nyaaja, lugayami hindula amiiji gaaho, ganabe magumaana.

Zaburi 87:7

Yabo booshi, bagakizi yimba kwokuno: «E Sayuni, we tumiri tuli mu gashaanirwa.»

Zakariya 13:1

«Ku yikyo kyanya, ishyoko igatondeera ukuhinga, gira iyeruuse ibyaha bya beene Dahudi, neꞌbyaꞌbatuulaga beꞌYerusaleemu.»