Hisaaya 10:7 - Kifuliiru

⁷ Yabo Bahasuriya, kiziga batayiji kwo nie gweti ngabakoleesa! Si inzaliro zaabo, ziri kundi-kundi! Boohe, baloziizi naaho kwo bagendi shereezania lwoshi, halinde bagwanwe keera baminika abandu mu mahanga mingi-mingi.

Hisaaya 10:7 Referans Kwoze

Ndondeko 50:20

Mwâli shungisiri ukungira buligo. Kundu kwokwo, yubwo buligo, Rurema âli shungisiri ukubuyerekana mwaꞌmiija. Âli loziizi ukukiza abandu bingi, nga kwo mukoli bwinagi.

Mikolezi 2:23

«Ha nyuma, Yesu anatangwa imwinyu, nga kwo Rurema âli mali gwanwa abimenya-menya, anâli koli bishungisiri. Niinyu, mwanamúyitiisa ku kibambo, ku njira yoꞌkukoleesa abandu babi.

Mikolezi 2:24

«Na kundu Yesu akaba akola mu libuuka mu lufu, haliko Rurema anamúkiza mwo. Ee! Akamúzuula mu bafwiri. Mukuba, bitangaziziri kwo Narufu angaheza Yesu i kuzimu.

Hisaaya 10:8

Mwami waꞌBahasuriya agweti agayihaya kwokuno: “Si ibirongoozi byaꞌbasirikaani baani, byoshi biri nga baami!

Hisaaya 23:13

Lolagi! Ikihugo kyeꞌBabeeri kituuziri kimaata, buzira bandu. Abahasuriya keera bakakihindula libe gomberano lyeꞌnyamiishwa. Bakatee yubaka inzitiro, banazikoleesa mu kukiteera. Abasirikaani baabo, banayifundaga mu nyumba zoꞌmulimbo. Na ngiisi byo bakagwana mwo, banabishahula. Akaaya koonyene, bakakahongola, kanasigwa bikola biguuka.

Hezekyeri 29:20

Yikyo kihugo kyeꞌMiisiri, namúheereza kyo, bwo âli kizi ngolera. Kwokwo, kwo nie Rurema Nahamwinyu ndesiri.

Nahumu 1:11

E Ninaawi! Si mwami winyu agweti agayiji gira igambi libi hiꞌgulu lya Nahano! Ikyanya agweti agahanuulana, ali mu ba ashungisiri amabi naaho.

Hisaaya 37:19

Bakaduulika imigisi yabo kwoꞌmuliro, banagijigiivya, bwo itâli riiri ye Rurema nirizina. Si yâli migisi naaho yaꞌbandu bakabaaja mu biti, na mu mabuye.

Danyeri 11:12

Yabo basirikaani ba mwami weꞌmbembe, ikyanya bagatwalwa imbohe, mwami weꞌkisaka agatondeera ukuyihaya bweneene, anayite abandu binoono neꞌbinoono. Kundu kwokwo, atagagenderera ukukizi hima.