Hisaaya 10:12 - Kifuliiru

¹² Mwami weꞌHasuriya agweti agayikangaata, kinatume akola mu gira yaga mabi mingi. Kwokwo, ikyanya Nahano agaaba keera ayusa ukuhana umugazi Sayuni, yaho i Yerusaleemu, uyo mwami waꞌBahasuriya naye, lyo Nahano agamúhana.

Hisaaya 10:12 Referans Kwoze

2 Baami 19:31

Kiri na ku mugazi Sayuni i Yerusaleemu, mugayija abandu bagerwa ábasigiiri. Kwokwo, kwo Nahano woꞌbushobozi bwoshi, akoli fitiirwi ukugira.

Yeremiya 50:18

Nahano woꞌbushobozi bwoshi, Rurema waꞌBahisiraheeri adetaga kwokuno: «Nga kwo keera nꞌgahaniiriza ulya mwami weꞌHasuriya, kwo na kwokwo, ngahaniiriza mwami weꞌBabeeri, kiri neꞌkihugo kyage.

Hisaaya 65:7

Ee! Ngayihoola ibyaha byabo, halinde kiri neꞌbyaha bya bashokuluza baabo. Si bâli kizi yokera imizimu yabo umubadu ku migazi, na ku tugangazi, banâli kizi ndeegeza heꞌshoni. Kwokwo, ngabahana nga kwo bibakwaniini, ukukulikirana na kwo bâli kizi gira yaho keera.” Kwokwo, kwo nie Nahano ndesiri.»

1 Peturu 4:17

Kikola kyanya kyoꞌkutwibwa kweꞌmaaja. Kuganatondeerera imwitu, twe bandu ba Rurema. Na bwo twe tugatondeererwa kwo, kutagi kwo bigaaba imwa ábali mu lahira ukusimbaha Imyazi Miija ya Rurema?

Mataayo 15:19

Mu mutima gwoꞌmundu, mwo muli mu lyoka imitono mibi, noꞌbwitani, noꞌbushule, noꞌbweruzi, noꞌbuzimba, neꞌbibeesha, noꞌlugamba.

Mataayo 12:33

«Iri wangaba uli neꞌkiti kiija, neꞌbitumbwe nabyo bigaaba biija. Kandi iri wangaba uli neꞌkiti kibi, neꞌbitumbwe nabyo, bigaaba bibi. Ee! Ngiisi kiti, kiri mu menyerwa ku bitumbwe byakyo.

Hezekyeri 31:14

«Ikiti, kundu kyangalonga amiiji mingi, ndaakyo íkigashubi laaha kwokwo, halinde kinahike ku bibungu. Kundu kwokwo, hagaatama, byoshi bigaafwa, binalindimukire i kuzimu nga bandu.

Hezekyeri 31:10

«Ku yukwo, nie Rurema Nahamwinyu nadetaga kwokuno: Si yikyo kiti kiija kyoꞌmwerezi gweꞌLebanooni kyâli kizi yikangaata, mbu kyo kilahuusiri bweneene ukuhima ibyabo, na mbu kyo kishuumiri halinde ku bibungu!

Hisaaya 50:11

Si mwehe mugweti mugatwana umuliro gwinyu naaho, mbu lyo mulonga ukubona! Ngahwe! Gendereragi na gwogwo, gubaagage gwo mugabiika kwoꞌmulangaaliro. Kundu kwokwo, lolagi ngiisi byo Nahano agamùhemba ubuzinda: ikyanya mugagwejera, mugalyanirwa bweneene!

Hisaaya 27:9

Kwokwo, kwo Rurema agahotola amabi gaꞌBahisiraheeri. Mango ayusagya, ututanda twoshi tweꞌkipagaani tugavungulwa, tunasigale luvu naaho. Ndaagwo mugisi gwa Hasheera úgugasigala, kandi iri akatanda koꞌkuguyokera kwoꞌmubadu.

Hisaaya 9:9

«Inzitiro ízikayubakwa naꞌmatafaari, kundu zikayibumbulikaga haashi, si tugaki ziyubakulula naꞌmabuye mabaaje! Na kundu bakatema inguliro zeꞌbiti biniini byeꞌmizehituuni, si ahandu haazo, tugayubaka neꞌbiti bihamu byeꞌmyerezi.»

Hisaaya 5:15

Abandu booshi bagaki biikwa haashi. Kiri naꞌbanabwikangaate booshi, nabo, bagaki teezibwa ishoni.

Hisaaya 2:11

Hâye ki be ulusiku, lwo Nahano naaho ye gakuzibwa! Si abanabwihemye boohe, bagabiikwa haashi. Ee! Abanabwikangaate bagakizi goka mu kati keꞌshoni.

Migani 30:13

«Mu masu gaabo, muli mu boneka ubwikangaate bweneene. Ngiisi byo bali mu bona, bali mu kizi bigayiriza.

Zaburi 76:10

E Rurema, ukayimuka, wanatwa imaaja za banangora-mabi. Haliko ngiisi ábali mu libuzibwa, boohe, uli mu bakiza.

Zaburi 21:10

Abagoma baawe, ikyanya ugabahulukira kwo, ugayami basivya, banajigimbe mu muliro. Nahano yenyene, agabaminika ku bute bwage, mu kubasingoola mu muliro.

Zaburi 18:27

Neꞌmwa beeru, uli mu yerekana kwo uli mweru. Haliko, imwa banangora-mabi boohe, ulyagagi nga ngengya.

Zaburi 76:5

E Rurema, uyamiri utuuziri mwoꞌbulangashane, bunahimiri bweꞌmigazi, kundu iyamiri ho.

Hisaaya 24:21

Ku lwolwo lusiku, Nahano agahaniiriza abatwali ba mwiꞌgulu, anahaniirize kiri naꞌbaami ba mu kihugo.

Hisaaya 27:7

Aaho! Ka mutoniragi kwo Rurema akahana Abahisiraheeri, nga kwo akahana abagoma baabo? Nanga, maashi! Si atakabaminika, nga kwo akaminika abandi!

Hisaaya 29:14

Ku yukwo, ngashubi bakolera ibisoomeza bya kwingi-kwingi. Mu kati kaabo, abanabwenge bagaatera ubwenge bwabo. Na kundu bali beeshu, si ubweshu bwabo bugaahera.»

Hisaaya 33:1

Yayewe imwinyu, mwe Bahasuriya! Kundu mugweti mugaminikana, si mwenyene mutazindi minikwa. Na kundu batazindi mùtanga mu bagoma, si mwehe mugweti mugatangana mwo. Yuvwagwi! Ikyanya mugaaba keera mwashereezania, lyo na niinyu mugashereezibwa. Neꞌkyanya mugaaba keera mwayusa ukusongerana mu bagoma, lyo na niinyu mugasongerwa mwo.

Hisaaya 37:23

E Senakeribu, nyandi ye ugweti ugagayiriza? Nyandi ye ugweti ugatuka? Keera wateerera umulaga hiꞌgulu lya nyandi? Ugweti ugahenekera nyandi ku bwikangaate? Si ali Rurema, Umutaluule waꞌBahisiraheeri!

Hisaaya 37:29

Ewe! Uburaakari bwawe, keera bwambikira, nanayuvwa ubwikangaate bwawe. Kwokwo, ngakugosa mu kukubiika igera mwiꞌzulu. Na ngubiike ikyuma mu kanwa. Na ngugalule mu yerya njira yo ukayija mwo.»

Yeremiya 25:29

Kirya kihano, keera kyatangirira mu kaaya kaani nienyene. Aahago! Ka mwe mugakikenga? Aahabi! Mutagakikenga. Si ngalwisa abandu booshi ba mu kihugo.”» Kwokwo, kwo Nahano adesiri.

Yeremiya 50:32

Kundu mugweti mugayikangaata, si mugasiitara, munagwe, ndaanaye úgamùvyula. Ngayasa umuliro mu twaya twinyu, halinde byoshi bisingooke ngiisi luhande.»

Muharuuro 24:24

Amashuba gagalyoka i Kitimu, ganayiji teera i Hashuuri neꞌHebeeri. Kundu kwokwo, mu kugaluka, nabo bagashereezibwa lwoshi.»

Bukengeeze 32:27

Haliko nꞌgayoboha kwaꞌbagoma baabo baganjekeereza. Banganakengeera bayiteba, ti: ‘Nahano atali ye kabaminika, Si twe tukabahima.’

Migani 21:4

Amasu goꞌbwikangaate, noꞌmutima gwoꞌbwihemye, neꞌmikolezi mibi, byoshi biri mu yerekana ibyaha.

Hisaaya 2:12

Ngiisi ábagweti bagayikuza, mu lwolwo lusiku, Nahano woꞌbushobozi bwoshi agabahana, anabatindimaze.

Danyeri 11:45

Agayimanga ha kati keꞌnyaaja, noꞌmugazi mweru úguli noꞌbulangashane. Hanali ho agashinga amaheema gaage geꞌkyami. Kundu kwokwo, agaaba akoli hisiri ku mbeka yage. Ndaanaye úgamútabaala.”»