Hisaaya 1:24 - Kifuliiru

²⁴ Ku yukwo, Nahano akyula kwokuno: «Buno, mukola bagoma baani. Kwokwo, ngola ngamùrakarira, iri ninamùyihoola! Si nie Rurema woꞌbushobozi bwoshi! Na ndi kikalage waꞌBahisiraheeri.

Hisaaya 1:24 Referans Kwoze

Hisaaya 60:16

Ibinyamahanga bigakizi mùleetera ibyokulya byabo, mugaalerwa naꞌbaami baabo. Haaho lyo mugaamenya kwo nie Nahano, Lukiza winyu, na kwo nie Rurema wa Yakobo, Mwene Ubushobozi.

Hisaaya 61:2

Ninamenyeese ábajengiirwi kweꞌkyanya keera kyahika kyo Nahano agayerekana kwoꞌbwija bwage. Si abagoma baage boohe, Rurema witu agabayihoola.

Hisaaya 49:26

Ngiisi ábali mu mùlibuza, ngakyula kwo balyagage iminyofu yabo boonyene. Na mbanywese noꞌmuko gwabo, halinde gunabalaluse, nga banywa idivaayi yeꞌkishogwe. Niehe, nie Nahano! Kwokwo abandu booshi bagaamenya kwo nie wamùkiza, nanamùguluula. Nie Rurema wa Yakobo, Rurema woꞌbushobozi bwoshi!»

Hisaaya 35:4

Abandu, iri bangaba bakoli vunisiri indege, mubabwire: «Mutayobohe, muyihe ikise, Rurema winyu agayiji mùyihoolera. Ee! Agayiji hana abagoma biinyu. Yengwa, agayiji mùkiza.»

Bukengeeze 28:63

«Yaho kare, Nahano âli siimiri ukumùgashaanira noꞌkumùluza. Haliko buno, agasiima ukumùzimiiza, halinde mutaki be ho. Na kundu akamùheereza ikihugo, haliko agaki mùkuusa mwo.

Bwigule 18:8

Kundu adetaga kwokwo, kalya kaaya kagayami teerwa na yaga malibu gooshi ku lusiku luguma: umwena, noꞌlufu, neꞌkigandaaro. Haaho, yako kaaya kanabuli singooka! Mukuba, Nahano Rurema, ye gakatwira ulubaaja yenyene. Anali kihagarusi!»

Baheburaniya 10:13

Na yaho, akoli rindiriiri kwaꞌbagoma baage bagabiikwa mwiꞌdako lyaꞌmagulu gaage, halinde akizi balaaviza kwo.

Hezekyeri 21:17

E mwana woꞌmundu, uborooge, unabululuke ku kimombo. Iyo ngooti, igayita abandu baani, kuguma naꞌbatwali baabo. Emwe! Booshi bagayitwa ngana! Ku yukwo, mukizi yishulika ku bifuba hiꞌgulu lyoꞌmwizingeerwe!

Hezekyeri 16:42

Kwokwo, ubute bwani hiꞌgulu lyawe, noꞌluugi binamale, halinde na mboleere, ndaganaki shubi gwatwa noꞌbute.

Hezekyeri 5:13

«Haaho, lyoꞌbute bwani bugahooha, bunamale. Mukuba umutima gwani gugaaba keera gwaholeera. Abandu banamenye kwo nie Nahano, na kwo ndi mu hana ku buraakari bwani.

Hisaaya 30:29

E bandu ba Rurema, mwehe mugakizi yimba ku malega, iri munashambaala ngana-ngana, nga bandu ábakola mu yimba ku siku ngulu. Ubushambaale bwinyu bugaaba nga bwaꞌbandu ábakola mu zamuukira ku mugazi gwa Nahano, Ulwala lwaꞌBahisiraheeri. Bali mu kizi genda ku kisegengo, iri banalasa imiteera-teera.

Zaburi 132:2

Ulyagagi Rurema wa Yakobo, unali Rurema woꞌBushobozi. Uyo Dahudi akakubiikira indahiro kwokuno:

Bukengeeze 32:43

«Mwe bandu mweshi, mubandire Nahano akabuuli, awi yiyi yiyi! Mukuba, ye mu yihoolera umuko gwaꞌbakozi baage. Ali mu yihoola abagoma, noꞌkubaheereza ngiisi íbibakwaniini. Haliko, abandu baage, kiri neꞌkihugo kyabo, ali mu biyeruusa.»

Yeremiya 50:34

Kundu kwokwo, niehe, iziina lyani nie Nahano woꞌbushobozi bwoshi. Nie gaguluula abandu baani ku bushobozi bwani, halinde ndeete umutuula mu kihugo kyabo. Halikago, Abababeeri boohe, ndaagwo mutuula gwo bagalonga.»

Hisaaya 63:4

Ulusiku keera lwahikaga, lwo nayihoolera kwaꞌbandu baani, nanabaguluula mu bagoma baabo.

Ndondeko 49:24

haliko, akayama afumbiiti umuheto gwage. Naꞌmaboko gaage ganayama gayanguhiri. Ali mu longa ubushobozi imwa Rurema wa Yakobo. Mukuba Rurema, ye kikalage kyoꞌmungere, ye na Lwala lwaꞌBahisiraheeri.

Hisaaya 12:6

Mwe batuulaga beꞌSayuni! Mubandire Nahano akabuuli, awi yiyi yiyi! Ee! Ali Mutaluule waꞌBahisiraheeri. Anatuuziri mu kati kiinyu, ku njira ya kahebuuza!»

Hisaaya 59:18

Mu kugira kwokwo, lyo agaahana abagoma baage, nga kwo bibakwaniini, kiri na ábatuuziri i mahanga. Ee! Ngiisi ábamúshombiri, agabarakarira.

Yeremiya 9:9

Nie Yeremiya, ngweti ngabululukira imigazi, kiri neꞌndagiriro za mwiꞌshamba. Mukuba, byoshi keera byahangalala, ndaanaye úkiri mu bilenga mwo. Kiri neꞌngaavu, ndaazo ízikiri mu yana mwo. Byoshi keera byahera, kiri neꞌbitugwa noꞌtunyuni.

Hezekyeri 5:12

E Yerusaleemu! Mu bandu baawe, ikihande kiguma kya kashatu kigaafwa ku njira yeꞌkiija, noꞌmwena. Ikindi kihande, kigayitirwa imbuga lyeꞌnzitiro zaawe. Neꞌkindi íkisigiiri, ngakishabulira mu mahanga gooshi. Ngabalandiriza yo, gira ngendi bayita ku ngooti.