Hisaaya 1:10 - Kifuliiru

¹⁰ E Yerusaleemu, abatwali baawe bakoli bihuusiri, nga bandu beꞌSoodoma, naꞌbeꞌGomora! Aahago! Yuvwi ngiisi kwo Rurema Nahamwitu, agweti agamúyigiriza.

Hisaaya 1:10 Referans Kwoze

Bwigule 11:8

Ibirunda byatwo, bigabeera-beera mu njira ya mu kaaya kahamu ákakola mu buuzibwa Soodoma, kandi iri Miisiri. Kiri na Nahamwabo naye, mwomwo mwo akayitirwa ku kibambo.

Hezekyeri 16:49

Uyo Soodoma naꞌbanyere, ubuligo bwabo bwâli bwobu: ikyanya bâli kizi gashaanirwa ibyokulya, banatondeere ukuyikangaata, batanaki twaze ukukizi tabaala abakeni na ábatashobwiri.

Hamoosi 9:7

Nahano adeta kwokuno: «E Bahisiraheeri, lekagi nimùbuuze. Ka mwe muli naꞌkamaro imbere lyani, ukuhima abandu beꞌKuushi? Biri ukuli kwo nꞌgamùlyosa mu kihugo kyeꞌMiisiri. Si kiri naꞌBafirisiti nabo, nꞌgabalyosa i Kereete. NaꞌBaharaamu kwakundi, nanabalyosa i Kiiri.

Hezekyeri 16:46

«Mukulu winyu, iri i Samariya, uluhande lweꞌmbembe, kuguma noꞌtwaya twayo. Na mulumuna winyu, iri i Soodoma, uluhande lweꞌkisaka kuguma noꞌtwaya twayo.

Yeremiya 23:14

Kundu kwokwo, abaleevi beꞌYerusaleemu, yo haahe! Boohe, bagweti bagakizi shuleha, iri banadeta ikinyoma. Na kwakundi, bali mu shimya banangora-mabi, kwo nabo bakizi kiyifunda mwo. Ndaanaye úli mu kitwikira kwo. Yabo booshi, bakolaga nga bandu beꞌSoodoma, naꞌbeꞌGomora.»

Hisaaya 3:9

Ikyanya umundu ali mu lola ku malanga gaabo, anayami menya kwo bakoli yifuuziri mu byaha. Birya byaha, batali mu bibisha abaabo. Na bwo batali mu bibisha, bakola nga bandu beꞌSoodoma. Yayewe imwabo! Si bongwa bagweti bagayikululira umwama!

Bukengeeze 32:32

Abagoma biitu bali ngoꞌmulandira úgwabyalwa mu ndalo zeꞌSoodoma na zeꞌGomora. Bali nga muzabibu úguli neꞌmihuli milulu, inali mwo kolobwe.

Barumi 9:29

Hisaaya âli mali gwanwa adeta na kwokuno: «Nahano woꞌbushobozi bwoshi, átaki tusigirage bandu bagerwa mu kibusi, twangabiiri nga bandu ba mu kaaya keꞌSoodoma, naꞌba mu keꞌGomora.»

Hamoosi 3:8

Indare ku kyanya yalunduma, nyandi útangayoboha? Buno, Rurema Nahamwitu naye keera adetaga. Aaho! Nyandi úwangaki lahira ukutanga ubuleevi?

Hamoosi 3:1

E Bahisiraheeri! Muyuvwagwe ngiisi kwo Nahano agweti agamùkanukira: «Ubwa mbere, nꞌgamùlyosa i Miisiri.

Hisaaya 28:14

E batwali beꞌYerusaleemu, si muli mu honyolezania! Aahago! Muyuvwage igambo lya Nahano.

Hisaaya 8:20

Mwehe, mukwaniini mukizi kulikira amigirizo ga Nahano, iri munasimbaha ikihango kyo mukanywana kuguma. Si abalaguza neꞌmizimu, byohe, bitali mu deta amagambo gaage! Si amagambo gaabo, gali nga ndaago!

Ndondeko 13:13

Neꞌyo munda i Soodoma, abandu baayo bâli riiri banangora-mabi, banâli koli bihuusiri bweneene imbere lya Nahano.

Hisaaya 30:9

Yabo bandu, kundu Nahano ali mu bayigiriza, si batamútwaziizi. Bali mu yifunda mu bibeesha naaho.

Hisaaya 33:22

Nahano, ye mu tuheereza imaaja, ye nali mu zitwa. Ye na mwami witu. Ye gakizi tulanga, halinde tunakizibwe.

Hezekyeri 13:2

«E mwana woꞌmundu, utangage ubuleevi, mu kukanukira abaleevi baꞌBahisiraheeri. Ngiisi ábali mu yihalangira amaleevi boonyene, ubabwire kwokuno: “Muyuvwirize ngiisi kwo Rurema Nahamwitu adesiri: Si muli baleevi bahwija! Yayewe imwinyu! Mugweti mugagayihalangira mwenyene, ndaanalyo igambo lyo mwalonga imwani!”

Mika 3:1

Nie nadetaga kwokuno: «E bimangizi baꞌBahisiraheeri, yuvwagwi! Mwe mukwaniini ukukizi twa imaaja mu kati koꞌkuli.

Hezekyeri 16:35

«E Musambani, yuvwiriza ngiisi kwo nie Rurema Nahamwinyu nadetaga: