Hezekyeri 9:11 - Kifuliiru

¹¹ Ha nyuma, ulya mundu úwâli yambiiti ikanju lyeꞌkitaani, anâli hiiti irengo lyoꞌbwino bwoꞌkuyandika mwo, anagaluka, analeeta iyi mishahu, ti: «Ngiisi byo ukambwira, keera nabigira.»

Hezekyeri 9:11 Referans Kwoze

Bwigule 16:17

Umuganda wa kalinda, naye anamwaguliraga íbiri mu mutanga gwage mu kyanyaanya. Mu kitumbi kya Rurema íkiri mu nyumba yage, mwanayiberekaania izu, lyanadeta: «Byoshi, keera byakoleka!»

Bwigule 16:2

Kwokwo, umuganda wa mbere anagendi mwaguliraga íbiri mu mutanga gwage mu malambo. Yabo bandu booshi ábakabiikwa kwo kalya kamangu ka kirya kirara noꞌkuyikumba umugisi gwakyo, banayami gwatwa neꞌbirole, byanâli kizi jamula bweneene.

Zaburi 103:20

Aaho! Mwe baganda ba Nahano! Mukizi múyivuga. Ikyanya ali mu mùlungika, munabe mumúsimbahiri.

Hezekyeri 9:2

Haaho, hanayijaga abandu ndatu, ukulyoka ha mulyango gwa ha lugulu, úguloziri imbembe. Ngiisi muguma âli fumbiiti isiribo yage yoꞌkuminikana mwo. Mu balya bandu, mwâli riiri ugundi úwâli yambiiti ikanju lyeꞌkitaani, anâli hiiti irengo, liri mwoꞌbwino bwoꞌkuyandika mwo. Yabo booshi, banayegeera ha nyumba ya Rurema, banayimanga ha butambi lyaꞌkatanda koꞌmulinga.

Hezekyeri 9:10

«Kwokwo, naani ndagaki bakejeerera, kandi iri kubakeerera. Si amabi go bâli kizi girira abandi, go nabo ngakizi bagirira.»

Hezekyeri 10:1

Mu galya mabone, nanalangiizagya mu kyanyaanya, nanabona íkyâli shushiri nga kitumbi kyeꞌkyami, kyanâli niꞌbara nga liꞌbuye liija lyeꞌsafiiri. Yikyo kitumbi, kyâli riiri hiꞌgulu lyaꞌmatwe ga balya bamakerubi.