Hezekyeri 8:12 - Kifuliiru

¹² Ha nyuma, Nahano anashubi mbwira: «E mwana woꞌmundu, ka wabona ngiisi byaꞌbashaaja baꞌBahisiraheeri bakola mu gira ku bumbishwa imbere lyeꞌmigisi yabo mu bisiika? Banagweti bagayigamba, ti: “Rurema keera akasiga ajanda ikihugo. Aaho! Ataki tubwini.”»

Hezekyeri 8:12 Referans Kwoze

Hisaaya 29:15

Yayewe imwa ábali mu gira mbu babishe Nahano byo bashungisiri. Muli mu kola amabi mu kihulu, iri munadeta: «Si ndaaye útubwini! Aaho! Ngiisi byo tuli mu gira, nyandi úgabimenya?»

Hezekyeri 9:9

Naye, ti: «Amabi gaꞌBahisiraheeri naꞌBayuda, gakoli luguusiri bweneene! Hooshi mu kihugo, abandu bakola mu yitana. Na mu Yerusaleemu, abandu batakiri mu kulikira íbikwaniini. Si bakola mu deta, ti: “Nahano keera akatulekeerera. Aaho! Ataki tubwini.”

Hezekyeri 8:15

Nahano anambwira: «E mwana woꞌmundu, yibyo byoshi, ka ubibwinagi? Uganaki bona agandi mabi goꞌkuyagazania ukuhima gano.»

Bahefeso 5:12

Íbiri mu girwa mu bumbishwa, kiri noꞌkubideta, biri mu teezania ishoni.

Zaburi 10:11

Uyo nangora-mabi ayamiri asaliiri kwokuno: «Si Rurema abishiragi amasu gaage, atanaki tubwini! Kwokwo, ngiisi byo tugweti tugaagira, atagabibona.»

Hezekyeri 20:1

Ikyanya tukahisa imyaka irinda tubungisiibwi, mu siku ikumi zoꞌmwezi gwa kataanu, abashaaja baguma baꞌBahisiraheeri banayiji hanuusa Nahano, banabwatala imbere lyani.

Hezekyeri 14:1

Lusiku luguma, bashaaja baguma baꞌBahisiraheeri bakayiji nzaatira. Neꞌkyanya bakaba bakoli bwatiiri imbere lyani,

Hezekyeri 8:17

Nahano anashubi mbwira: «E mwana woꞌmundu, yibyo byoshi, ka ubibwini? Aaho! Yaba Bayuda, kundu bagweti bagaagira íbiri mu yagazania, si batatwaziizi! Keera bayijuza ikihugo mwoꞌbwitani, banakaviriziizi ukunyaagaza. Lolaga, ngiisi kwo bagweti baganjologosa!

Hezekyeri 8:11

Neꞌmbere lya yibyo bindu byoshi, hali riiri abashaaja baꞌBahisiraheeri makumi galinda kuguma na Yazaniya mugala Safanu. Ngiisi muguma âli fumbiiti isheetezo yoꞌkuyokera kwoꞌmubadu. Neꞌkyusi kyagwo, kyâli kizi tuuma hiꞌgulu.

Zaburi 73:11

banakizi naaka kwokuno: Aaho! Kutagi kwo Rurema angamenya? Kundu abandu badesiri kwo ali hiꞌgulu lya byoshi, si ndaabyo ayiji!

Zaburi 14:1

Imwoꞌmwimangizi waꞌbimbi. Izaburi ya Dahudi. Ngiisi ábalahiiri kwo Rurema ndaaye, bali bahwija ngana-ngana. Ee ma! Yabo bandu, bakoli sherebiiri. Ngiisi byo bagweti bagaagira, bikoli bihuusiri. Mu kati kaabo, ndaaye úli mu gira amiija.

Hisaaya 47:10

«Kundu ugweti ugayifunda mu bitali nga byo, utayobohiri, unagweti ugayihaya, mbu: “Si ndaaye úmbwini!” Yehee! Ubwenge bwawe noꞌbumenyi bwawe, si bikoli kutebiri. Binagweti bigakulabiza, mu kukudeteesa, ti: “Ndi niehe naaho. Ndaanaye gundi ye twangageranwa!”

Hezekyeri 8:13

Ha nyuma, anashubi mbwira: «Uganaki bona agandi mabi goꞌkuyagazania ukuhima gano.»

Sefaniya 1:12

Yikyo kyanya, ngakoleesa itara, mu kulooza ábabishamiri mu Yerusaleemu. Neꞌkyanya ngagwana ábagweti bagayifunda mu mabi, ngabahana ngana-ngana. Si bagweti bagayitoneesa kwokuno: “Nahano yehe, ndaabyo angatugirira, kiba kiija kandi iri kibi!”

Bukengeeze 27:15

«Umundu, iri angabaaja umugisi mu biti, kandi iri agujongolola mu byuma, anakizi guyikumba ku bumbishwa, uyo adaakwe. Si imigisi, iri mu girwa naaho naꞌmaboko gaꞌbandu! Kinali kyagaza bweneene imwa Nahano. Haaho, abandu booshi banashuvye, ti: “Ee! Bikizi ba kwokwo.”

2 Baami 17:9

Balya Bahisiraheeri, ikyanya bakavujuuka mu bitakwaniini imbere lya Rurema Nahamwabo, bâli kizi gira mbu bayibishe imbere lyage. Bâli kizi yubaka imbeero mu ngiisi kaaya, kaba ka kishyola ákali noꞌlwingo naaho lwaꞌbalaliizi, kandi iri kaaya kahamu kazitire.